2 Ko-Kɔrɔta-Karan 11:21 - ALLALA KUMƐ

²¹ Ale mansɛ ya musi min furu ka yɛ, mɔgɔ tan-ni-segin anubɛ fɛ-sigi-musu mɔgɔ bi-wɔrɔ. A ya den-kei mɔgɔ mogan-ni-segin sɔrɔn anubɛ dunmusi mɔgɔ bi-wɔrɔ. Ala musinu anubɛ ala fɛ-sigi-musinu tɛma, a ya Meyaka ma a bara-musi la.

2 Ko-Kɔrɔta-Karan 11:21 ပူးပေါင်းရင်းမြစ်များ

Ko-Dabirɛnu 22:24

Kɔnɔ Nehorila yɔɔn-musi min tɔgɛ Ruma, wo fanan ya den-kei mɔgɔ nani sɔrɔn a ye. Dan wonu tɔgɛ le kɛnu na, Teba wo, Kahamu wo, Tahasi wo, anubɛ Meyaka.

2 Samuwɛli 5:13

Mansa Dawuda bɔɛ Hiburɔn soe burɔ ka ta a sigi Yerusalɛm soe burɔ, a ya musu-siyaman furu. Wo kɔma, a ya fɛ-sigi-musi donu bi. Wonu fanan ya dan donu sɔrɔn a ye tun.

1 Mansɛnu 11:3

A ya mansa-den kɛmɛ wɔrɔnfila (700) furu. Wo kɔma, a ya musi kɛmɛ sawa (300) ma a fɛ-sigi-musinu na. Ala musu-siyamɛ wonu ya a ma, a ya a kan-kɔ sɔ Alla la.

2 Ko-Kɔrɔta-Karan 11:23

Ale Mansa Rihobowami bɔra hɛnkilimaya-koe do la ka ala den-keinu sigi soe donu kun na Yuda anubɛ Bɛnyamɛ so-latankanɛnu tɔ. A ya dɔn-fen-siyaman di anu ma ka musu siyaman furu anu ye.

Tɔn-Fɔɛ-Fila-Nyɔgɛ 17:17

A fila nyɔgɛ, mansɛ wo kana musu-siyaman furu bawo musi wonu si a ma, a ni Allata kilɛ boloka. A sawa nyɔgɛ, a kana a raya ka sɛnɛ anubɛ wodi-gbɛ ladɛn a nyɛrɛ ye ka a nyɛrɛ ma nɔnfulu-tigi la mɔgɛnu kuma.

Tɔn-Fɔɛ-Fila-Nyɔgɛ 21:16

A bɛnta ka min di sarɛ wo ma, a kana wo bi ka a di ala bara-musila den-keminɛ ma.

Kɛlɛ-Kurugbɛnu 8:30

A ya den-kei mɔgɔ bi-wɔrɔnfila sɔrɔn bawo a ya musu-siyaman furu.