2 Ko-Kɔrɔta-Karan 10:8 - ALLALA KUMƐ

⁸ Kɔnɔ a ma sɔn mɔgɔ-ba wonuna kawandili-kan wonu birala. Fɔ a tara a kemini-mɛsɛ-nyɔgɛnu denu bara ka wonu manyinika. Wonu denu mara a makawandilɛnu na wo wati rɔ.

2 Ko-Kɔrɔta-Karan 10:8 ပူးပေါင်းရင်းမြစ်များ

2 Samuwɛli 17:14

Abasalɔm anubɛ Isirɛla mɔgɔ-banu lara Husayita kumɛ wo la ka tenbi Ahitafɛlitɛ la. Mari ara ban a latɛgɛla ko anu kana Ahitafɛlita makawandili nyimɛ wo bira alako a si Abasalɔm halaki nya min.

2 Ko-Kɔrɔta-Karan 10:9

A ya wonu manyinika kantɔ-mɔgɛ wonuna ko ma. A ko, “Mɔgɛ minnu bara na n bara kɛ la, anu ko n ni do bɔ anuna dunɛ la. Nde si nfen ma wonuna ko rɔ?”

Hɛnkilimaya-Kumɛnu 1:25

Wo ara wo ban nna makawandili-nyimɛ kɛnu na. A ma di wo ye, n ni wo latelen mumɛ!

Hɛnkilimaya-Kumɛnu 13:20

Ni mɔgɛ tora a gbɛrɛnna hɛnkilimɛnu ma, ale fanan si ma hɛnkilimɛ la kɔnɔ ni mɔgɛ tora a gbɛrɛnna kun-takolɔnnu ma, ale fanan si tɔrɔ anu fɛ.

Hɛnkilimaya-Kumɛnu 19:20

Ni i tara i tole masɔ kawandili-kan la ka a bira, lunyɛ do, fɔ i wa ma hɛnkilimɛ la.

Hɛnkilimaya-Kumɛnu 25:12

Mɔgɛ min si sɔn a tole masɔla labila-kumɛ la hɛnkilimɛ bolo, kumɛ wo si kinya a ye iko sɛnɛ-foro-hakikɛ min bo sa a yala.

Hɛnkilimaya-Kumɛnu 27:10

Mɔgɔ kana nyina i diyana-mɔgɛ anubɛ i fa-diyana-mɔgɛ ko bawo ni i ya nanparan sɔrɔn, yanni i ni ta i na-kelen-nyɔgɛ do wara wula-yan na, i diyana-mɔgɛ wonu fɔlɔn si i kunyɛ bɔ a rɔ.

Hɛnkilimaya-Kumɛnu 9:9

Ni i ya hɛnkilimɛ labila, a si do sa ala hɛnkilimayɛ kuma. Ni i ya mɔgɔ-telennɛ karan, ala karan ma si to kofula.

Makawandili Kumɛnu 10:16

Gbalo ye nyamanɛ wo kuma denniya-hɛnkili ye minnuna mansɛ bolo anubɛ minnuna kun-tiginu bi kila anu nyɛrɛ ladiyala.

Aiseya 30:1

Mari ara a fɔ ko Yuda kun-tiginu si halaki bawo anu bara murutiya a ma. A ko anu bi koenu natɛgɛla anu nyɛrɛ ma, hali ale Mari ma sɔn minnu ma. Anu bi yisi-kima-kɛdi sɛbɛla anubɛ nyamani-gbɛrɛkɛnu tɛma, hali Mari ma sɔn minnu ma. Anu bi hakɛ sala anu nyɔgɔn kuma tala.