2 Ko-Kɔrɔta-Karan 10:15 - ALLALA KUMƐ

¹⁵ Mansa Rihobowami ya a ban mɔgɛnu bolo alako Mari ya kumɛ min fɔ Yɛrabowami ye Nɛbi Ahaya Sailo kɛ baraka rɔ, wo ni bɔ-a-la.

2 Ko-Kɔrɔta-Karan 10:15 ပူးပေါင်းရင်းမြစ်များ

2 Samuwɛli 17:14

Abasalɔm anubɛ Isirɛla mɔgɔ-banu lara Husayita kumɛ wo la ka tenbi Ahitafɛlitɛ la. Mari ara ban a latɛgɛla ko anu kana Ahitafɛlita makawandili nyimɛ wo bira alako a si Abasalɔm halaki nya min.

1 Mansɛnu 12:15

Mansa Rihobowami ya a ban mɔgɛnu bolo alako Mari ya kumɛ min fɔ Yɛrabowami ye Sailo kɛ Nɛbi Ahaya baraka rɔ, wo ni ma tonyɛ la.

1 Mansɛnu 12:24

anu kana ta anu na-kelen-nyɔgɛ Isirɛla mɔgɛnu kɛlɛ. Anu ni sɛgi anu barɛ. Koe min bɛɛsi ara ma kɛ la, a sako le wo la. Nɛbi Sɛmaya tara Mari kuman-kan wo latenbi anu ma tumɛ min, anu dama sɛgira anu barɛnu tɔ.

1 Mansɛnu 22:20

Ale Mari ya ala melikanu manyinika ko, ‘Yon si Mansa Ehabu yanfa ha a ni ta faga Ramɔti soe burɔ?’ Melika donu ya hɛnkili do labɔ. Melika doinu fanan ya hɛnkili-gbɛrɛkɛ labɔ.

2 Ko-Kɔrɔta-Karan 10:14

iko a ta-nyɔgɔ-kemini-mɛsɛ wonu ya a labila nya min. Ale mansɛ ya a fɔ anu ye ko, “N fa ya dunu-belebele sigi wo kuma kɔnɔ nde ye dunɛ min sigila wo kuma, wo si tenbi n fatɛ la. N fa ya wo gbesi bosɛ le la kɔnɔ ndeta bosa-dumɛ si wara wo ma iko bondalɛ wa mɔgɔ bon.”

2 Ko-Kɔrɔta-Karan 11:4

anu kana ta anu na-kelen-nyɔgɛ Isirɛla mɔgɛnu kɛlɛ. A ko anu ni sɛgi anu barɛ. Koe min bɛɛsi ara ma kɛ la, ale Mari sako le wo la. Nɛbi Sɛmaya tara Mari kuman-kan wo latenbi anu ma tumɛ min, anu damasi sɛgira anu barɛnu tɔ.

2 Ko-Kɔrɔta-Karan 22:7

Yuda Mansa Ehasayala tɛ min kera Isirɛla mansɛ Yɔram kɔndɔn tinɛ, Alla ya ata kɔndɔli wo ma ata mansayɛ lato-koe la. Mansa Ehasaya tora kɔndɔli-kɛ wo le la, Nimisila den Yehu nara anubɛ Mansa Yɔram kɛlɛ tinɛ, ado Mari le ya wo yabɔ ko a ni Mansa Ehabu kegeyɛ lato dogbe!

2 Ko-Kɔrɔta-Karan 9:29

Mansa Silamɛni ya koe min bɛɛsi ma ala mansayɛ kɔrɔ ka a fɔlɔ a lawulan anubɛ a laban ma, wonu damasi sɛbɛnɛ buku sawa rɔ. A sɛbɛra Nɛbi Netanta nɛbiya-buku rɔ. A sɛbɛra Nɛbi Ahayata nɛbiya-buku rɔ, Sailo kɛ, kɔni. A sɛbɛra Nɛbi Idota nɛbiya-buku rɔ fanan. Nɛbi Ido kɛ ya Nebatila dan Mansa Yɛrabowami wara-koe sɛbɛ.

Aiseya 19:14

Mari ara anuna makawandili-kumɛ yabasan anu bolo. Ka a tɛgɛ wo ma, Iyipiti mɔgɛnu si ma iko gbɛɛtoe wa nama ala teseri rɔ.

Yɔni 19:24

Kɛlɛ-dannu ya a fɔ anu nyɔgɔn ye ko, “Ma kana a rafara wona. Ma ni korɔn lakɛ ala ko la. A si to min ye, ma ni wo lɔn.” Wo mara le alako min sɛbɛnɛ Allata kitabu rɔ, wo ni bɔ-a-la bawo a sɛbɛnɛ ko, “Anu ya nna kurɛnu fara anu nyɔgɔn tɛma ka korɔn lakɛ nna duruku-kɔrɔ-donla ko la.” Kɛlɛ-dannu denu ya wo le ma.

Kɛwɔlɛnu 2:23

Alla ya a latɛgɛ a nyɛrɛ sako fɛ ko Yisa ni don wo bolo. Wole ya a faga bawo wo sɔnta ko hakɛ-tiginu ni a gbangban kɔlɔma ma wo yala.

Kɛwɔlɛnu 4:28

I wara ban koe min bɛɛ latɛgɛla i sɛnbɛ anubɛ i sako rɔ, anu ya anu nadɛn ko anu ni wo ma.

Tɔn-Fɔɛ-Fila-Nyɔgɛ 2:30

“Kɔnɔ ma Mari Alla ya a ma, Mansa Saihɔn yisi gbɛlɛyara gbon! Wo le ya a ma, a ma sɔn ma ni tenbi ata nyamanɛ rɔ muk! Ma kɛlɛ-sɔgɛ ya a bira. Woletɔ Mari ya a ma, ma ya a nɔ ka ala nyamanɛ bi. Ha bi, nyamanɛ wo ye ma bolo.

Kɛlɛ-Kurugbɛnu 14:4

Kɔnɔ a fa anubɛ a na ma a lɔn ko Mari le ye Samsin natuntunna kɛ rɔ. Mari ye kilɛ nyinina anu kunka-koe ma Samsin bolo. Wo wati ya a taran, Isirɛla mɔgɛnu bi Filisitinu kɔrɔ.

1 Samuwɛli 2:25

Ni mɔgɛ ya hakɛ kɛ a hadama-den-nyɔgɛ la, Alla si ke wo tigi latankala le. Kɔnɔ ni mɔgɛ ya hakɛ kɛ Mari la, yon si ala kumɛ fɔ?” Kɔnɔ hali wo, anu ma sɔn anu tole masɔla anu fa la, bayɛ Mari ara ban a latɛgɛla ko fɔ anu ba faga anu hakɛla ko la.