2 Ko-Kɔrɔta-Karan 1:15 - ALLALA KUMƐ

¹⁵ Sɛnɛ anubɛ wodi-gbɛ raboroko-barakanɛ ata wati rɔ. Fɛrɛn-da-gbɛlɛ, wonu bi nyɔ duk! Kurukurun ti a ban, tarali ti a ban.

2 Ko-Kɔrɔta-Karan 1:15 ပူးပေါင်းရင်းမြစ်များ

1 Ko-Kɔrɔta-Karan 27:28

Kida kɛ Beyali-Hanan ye mansɛla ɔlifi-tulu-kɔn anubɛ toro-kurinu kun na minnu bi gburukulinu kuma tele-yigi wara la. Yohasi ye mansɛla ɔlifi-tuli wonu kun na.

2 Ko-Kɔrɔta-Karan 1:12

n si a ma, i ni wonu sɔrɔn. Min sanɛ wo kuma, i si ma nɔnfulu-tigi la ka fen-kolomɛnu nadɛn bui! Ka tenbi wo la, i mankan si ta pon ka tenbi mansɛ bɛɛ la duninya rɔ. I nyɔgɔn mansa ma bɔ wɛ, ado i nyɔgɔn mansa ti taran tun.”

2 Ko-Kɔrɔta-Karan 9:27

Ale Mansa Silamɛni ya a ma, wodi-gbɛ rakara Yerusalɛm soe burɔ baraki, iko kuru-kundi. Fɛran minnu dɛ gbɛlɛ, wonu bi nyɔ duk! Kurukurun ti a ban, tarali ti a ban. Anu siya iko toro-kuri-mɛsɛ minnu bi Isirɛla gburukulinu ma.

Aiseya 60:17

A ko yanni a ni silɛɛ di i ma, a ni sɛnɛ di i ma. Yanni a ni nɛgɛ di i ma, a ni wodi-gbɛ di i ma. Silɛɛ si kɔlɔma gbɛ bi. Nɛgɛ si kuri gbɛ bi. Wola tɔrɔyɛ si yɛlɛma wo bolo yisi-kimɛ la. Telenbagayɛ le ye wo marala.

Aiseya 9:10

“Mala bɔn minnu dannɛ bɔnku-bulɔku la, wonu bara bui, woletɔ ma ye anu yɛlɛmana kuru-bɔn la. Kɔlɔma minnu manɛ bon-gbaran la, denkerenafan le wonu na. Ma si wonu yɛlɛma yalɛ la.”

Emɔsi 7:14

Woletɔ Nɛbi Emɔsi ya a fɔ Saraka-Masɔla-Kun-Tigi-Wɛ Hamasa ye ko, “Wo nɛbi ma n na min bi nɛbiyɛ kɛla nɔnfulila ko la. Ki-fannu anubɛ kolo-fannu bi n bolo n barɛ.

Luka 19:4

Woletɔ a tara a burila nyama yarɔ. A yɛlɛta toro-kuri la Yisa yen-koe la a tenbimatoe kilɛ wo fɛ.

Tɔn-Fɔɛ-Fila-Nyɔgɛ 17:17

A fila nyɔgɛ, mansɛ wo kana musu-siyaman furu bawo musi wonu si a ma, a ni Allata kilɛ boloka. A sawa nyɔgɛ, a kana a raya ka sɛnɛ anubɛ wodi-gbɛ ladɛn a nyɛrɛ ye ka a nyɛrɛ ma nɔnfulu-tigi la mɔgɛnu kuma.