2 Ko-Kɔrɔta-Karan 1:12 - ALLALA KUMƐ

¹² n si a ma, i ni wonu sɔrɔn. Min sanɛ wo kuma, i si ma nɔnfulu-tigi la ka fen-kolomɛnu nadɛn bui! Ka tenbi wo la, i mankan si ta pon ka tenbi mansɛ bɛɛ la duninya rɔ. I nyɔgɔn mansa ma bɔ wɛ, ado i nyɔgɔn mansa ti taran tun.”

2 Ko-Kɔrɔta-Karan 1:12 ပူးပေါင်းရင်းမြစ်များ

1 Mansɛnu 10:24

Alla ya hɛnkilimaya-kumɛ min di Mansa Silamɛni ma, a sɔgɛ ya duninya-mɔgɛnu bira ka ta anu tole masɔ wo la.

1 Ko-Kɔrɔta-Karan 29:12

Nɔnfuli anubɛ gbiliyɛ ye bɔla ile le bolo. Fan bɛɛsi ye ita mansaya-sɛnbɛ le kɔrɔ. Ile le si ke sɛnbɛ anubɛ tɔgɛ dila mɔgɔ ma.

1 Ko-Kɔrɔta-Karan 29:25

Mari ya a ma, Isirɛla mɔgɛ bɛɛsi kawara Mansa Silamɛni ma. Mari ya a ma fanan, ala mansaya-sɛnbɛ koloyara Isirɛla mansɛ bɛɛtɛ ko minnu bara mansayɛ kɛ fɔlɔ nun.

2 Ko-Kɔrɔta-Karan 9:22

Mansa Silamɛni mara fen-tigi anubɛ hɛnkilimɛ la ka tenbi mansɛ bɛɛ la duninya rɔ.

Nihɛmaya 13:26

N ya a fɔ anu ye ko, “Sibolo-gbɛrɛ furu-nyɔgɔnyɛ, wo le ya a ma, Mansa Silamɛni ya hakɛ kɛ. A mankan koloyara mansɛ bɛɛtɛ ko. A diyara Alla ye furr, ha a ya a ma Isirɛla mansɛ la. Yaga, wo ye hakɛ kɛla le.

Makawandili Kumɛnu 2:9

Kɛnu denu ya a ma, n sɛnbɛ makofura ka tenbi Yerusalɛm-sigila-kɔrɛ bɛɛ la, ado nna hɛnkilimayɛ ma n baya.

Makawandili Kumɛnu 5:19

Ni Alla ya nɔnfulu-tigiyɛ latɛgɛ mɔgɛ ma, ado a ni a ma, a ni ala nɔnfulu-tigiyɛ wo diya bɔ, mɔgɛ wo ni baraka bira a ye ka sewa a bolo-fen-sɔrɔnnɛ wonu tɔ. Kɔ-fan le wonu na ka bɔ Alla bolo.

Matiyu 6:33

Wo ni Allala mansayɛ anubɛ ata telenbagayɛ fɔlɔn nyini. Wo kɔma, ale ni na to fan kɛ bɛɛ dila wo ma.

Ɛfɛsa 3:20

Nba, Alla si ke ka ko-belebele-wɛ kɛ ka tenbi mala taralɛ anubɛ ma miriyanu na iko ata sɛnbɛ ye wɔlila ma rɔ nya min.

Yemesi 1:5

Ni min hɛnkili dasanɛ, wo tigi ni Alla matara. A si hɛnkili di a ma bawo Alla le si mɔgɛ kɔ foninsereyɛ la. A si sewa wo tigi la, ado a ti mɔgɔ lafɛya.