2 Ko-Kɔrɔta-Karan 1:1 - ALLALA KUMƐ

¹ Mansa Dawudala den Mansa Silamɛni kunta ala nyamanita-mɔgɛnu ma, ado ata Mari Allata duwɛ tora a fɛ ka ata sɛnbɛ makofu.

2 Ko-Kɔrɔta-Karan 1:1 ပူးပေါင်းရင်းမြစ်များ

Ko-Dabirɛnu 21:22

Wo wati rɔ, Kirari mansɛ anubɛ ata kɛlɛ-kurugbɛ Fikoli tara Iburayima wara. Mansɛ wo ya a fɔ Iburayima ye ko, “I ye koe min bɛɛsi mala, Alla ye i fɛ wonu tɔ.

Ko-Dabirɛnu 39:2

Mari tora Yusufu fɛ ka ata duwɛ layigi a kuma. A wara-koe tora tala yarɔ. A tora sigini a tigi Pɔtifa warɛ bɔn la Iyipiti nyamanɛ rɔ.

Ko-Dabirɛnu 39:21

Kɔnɔ hali Yusufu ye yele wo la, Mari ye a fɛ. Mari ya a ma, yele-kandanna-kun-tigi min bi nyɔ, a diyara wo ye koikoi!

Ko-Dabirɛnu 39:3

A tigi wo ya a yen ko Mari ye Yusufu fɛ koe bɛɛ rɔ bawo Yusufu wa a bole don fenfen tɔ, Mari si wo lasabati.

1 Mansɛnu 2:12

Silamɛni mara mansɛ la a fa Dawuda gbɛ rɔ. Ata mansayɛ ya sɛnbɛ sɔrɔn ka sabati.

1 Mansɛnu 2:46

Ale mansɛ ya Bɛnaya lata ka Simayi faga. Woletɔ Bɛnaya kɛra a ma ka a faga. Silamɛnita mansayɛ yili masɔra.

1 Ko-Kɔrɔta-Karan 17:8

A tara kan-bo-kan, n bi a fɛ, ado a tara kan tinɛ min bɛɛsi rɔ, n ya a yogenu nɔ a yarɔ. N si a ma, ala mansaya-mankan ma ni yɛlɛ duninya rɔ iko tɔgɔlama-wɛ minnu bi duninya rɔ.

1 Ko-Kɔrɔta-Karan 22:11

Mansa Dawuda ya a fɔ tun ko, “Nna den, alamɛ ita Mari Alla tora i fɛ. A ni ala lanyiri latɔnbagaya i ye alako i ni ata Bato-Bɔn sɔ.

1 Ko-Kɔrɔta-Karan 29:23

Wo le ya a ma, Silamɛni sigira a fa Mansa Dawuda gbɛ rɔ. Ata mansayɛ sabatira. Isirɛla mɔgɛ bɛɛ ya a gbiliya.

1 Ko-Kɔrɔta-Karan 29:25

Mari ya a ma, Isirɛla mɔgɛ bɛɛsi kawara Mansa Silamɛni ma. Mari ya a ma fanan, ala mansaya-sɛnbɛ koloyara Isirɛla mansɛ bɛɛtɛ ko minnu bara mansayɛ kɛ fɔlɔ nun.

1 Ko-Kɔrɔta-Karan 29:30

A ya mansayɛ kɛ nya min anubɛ a ya fanka sɔrɔn nya min, anu ya wo dama sɛbɛ. Koe min bɛɛsi mara Mansa Dawuda la anubɛ koe min bɛɛsi kɛra nyamanɛ doinu tɔ, anu ya wonu fanan sɛbɛ tɛrr!

2 Ko-Kɔrɔta-Karan 32:23

Mɔgɔ-siyaman nara kɔ-fannu na Mari ye anubɛ fen-kolomɛnu na Mansa Hɛsakaya ye Yerusalɛm soe burɔ. Ka a dabira wati wo ma, sibolo-gbɛrɛnu tora Mansa Hɛsakaya gbiliyala kosɛbɛ!

Bɔ-Koe-Iyipiti 3:12

Alla ko, “N si to i fɛ yati! I wa na nta mɔgɛnu na ka bɔ Iyipiti nyamanɛ rɔ tumɛ min, anu si n bato kɔnkɛ kɛ nyɛrɛ kuma. Wo si ma tamasere la i ye ko nde le ya i kilaya.”

Matiyu 28:20

N bara anu karan koe min bɛɛ la, wo ni anu karan ko anu ni koe wo bɛɛ bira. Ado nfan, wo ni wo hɛnkili to kɛ ko, n si to wo fɛ tumɛ bɛɛ ha wati-laban.”

Yasowa 3:7

Mari ya a fɔ Yasowa ye ko, “N si koe min ma bi, wo si a ma, Isirɛla mɔgɛnu ni i gbiliya tun nta kabana-koe fɛ. Anu si a lɔn ko n bi ile fɛ iko n taranta Musa fɛ nya min.