1 Timoti 6:9 - ALLALA KUMƐ

⁹ Kɔnɔ minnu bi a fɛ ka ma nɔnfulu-tigi la, wonu si bui nata-yogoma-su bɛɛ rɔ. Yuwaya-koe anubɛ sɔn-yogoma-siyamɛ si ma gbɛrɛ la anu ye. Wonu bi nala buila ka don nyɛrɛ-tinya anubɛ halaki-koe rɔ

1 Timoti 6:9 ပူးပေါင်းရင်းမြစ်များ

1 Mansɛnu 21:6

A ya a fɔ ala musi wo ye ko, “A sɔgɛ ye n na, n ni Nebɔtila dugi san a ma. Ni wo ma, n ni dugu-hakikɛ do di a ma kɔnɔ a ko n ti wo sɔrɔn muk!”

Yaburi 11:6

Mari si tɛ anubɛ munku-gbɛ layigi karagbɛlɛnu kuma. A si anu tɔrɔ fɔn-kalamɛ la.

Hɛnkilimaya-Kumɛnu 15:27

Tɔnɔ-yogoma-nyininɛ si nanparan lana a kebilɛ kuma kɔnɔ min ti sɔn dogonta-fan la, wo si simayɛ sɔrɔn.

Hɛnkilimaya-Kumɛnu 20:21

Mɔgɛ ye nɔnfuli min sɔrɔnna tiriya, a ma tɔrɔ a nyini tinɛ, nɔnfuli wo ti a laban a bolo bawo duwa sa nɔnfuli wo rɔ.

Hɛnkilimaya-Kumɛnu 21:6

Mɔgɛ ye nɔnfuli min nyinina foninyɛ rɔ, nɔnfuli wo si a boloka tiriya, ado a si ma gbɛrɛ la a ye ka a faga.

Hɛnkilimaya-Kumɛnu 22:16

Ni mɔgɛ ya ko-yogomɛ ma bolo-kolɔn la alako a ni ma nɔnfulu-tigi la, fɔ ale fanan ba ma bolo-kolɔn la, yɔ! Ni mɔgɛ tora fan dila nɔnfulu-tigi ma, ale fanan si ma bolo-kolɔn la.

Hɛnkilimaya-Kumɛnu 23:4

Ila hɛnkili lawɔli alako i kana i nyɛrɛ tinya nɔnfulu-nyini-tinɛ.

Aiseya 5:8

Gbalo ye wo ma bawo wo ye wola wɔli-kɛ-tinɛnu anubɛ wola bɔnnu makofula. A ti mɛ tun dugi ti taran mɔgɔ-gbɛrɛkɛ ye yan, fɔ wo kelen pe min bi tola nyamanɛ kɛ rɔ.

Sakaraya 11:5

Minnu bi anu sanna, wonu si anu faga, anu ti nanparan-wo-nanparan sɔrɔn. Minnu bi anu soge mayirala, anu si a fɔ ko, “Mari tanto, n bi mala fen-tigi la.” Minnu bi saga-fɛ-birala nun, wonu bɛrɛn ma kinikini sagɛnu ma.

Matiyu 13:22

Sugi min buira wɔnɛnu tɛma, wo mani de iko mɔgɛ min bi kumɛ lamɔɛnna kɔnɔ duninya-hɔn-koe anubɛ nɔnfulu-keni ya a ma, kumɛ wo fagara a yisi rɔ feu! A ti gbɔ hali!

Matiyu 19:22

Keminɛ ya wo lamɔɛn tumɛ min, a yisi-magboyanɛ tara bawo bana le nun.

Matiyu 26:15

A ya a fɔ anu ye ko, “Ni n ya Yisa don wo bolo, wo si nfen di n ma?” Anu ya wodi-gbɛ bi-sawa dan ka wo di a ma.

Matiyu 6:19

“Wo kana wola nɔnfuli lamara wola bɔnnu na duninya kɛ rɔ, kɔrɔkɔrɔyɛ anubɛ kisinu si a tinya kan min. Kankannu fanan si ila bɔn keri ka a kankan.

Maraka 4:19

kɔnɔ duninya hɔn-koe anubɛ nɔnfulu-keni anubɛ nata-su bɛɛ ya a ma, kumɛ wo fagara a yisi rɔ feu! A ti gbɔ hali!

Luka 12:21

Yisa ko, “Min bɛɛ ye nɔnfuli ladɛnna anu nyɛrɛ ye, a ye wo nya na le wonu ye fanan. Kɔnɔ nɔnfulu-tigi ma anu na Alla yala.”

Luka 21:35

A si duninya-mɔgɛ bɛɛ latɛrɛna iko gbɛrɛ si soge latɛrɛna nya min.

Kɛwɔlɛnu 8:20

Kɔnɔ Pita ya a fɔ a ye ka a gbɛ ko, “I mirinɛ ko i si Allala kɔ-fan san wodi la min kɛ, wobɛ ila wodi ni halaki nyahanama rɔ!

Ɛfɛsa 4:22

Woletɔ wo ye tagamana wo kɛ-nya-kɔrɛ min tɔ nun, wo ni wo boloka. Kɛ-nya-kɔrɛ wo ya miriya-yogomɛnu don wo yisi rɔ min ya wo lasama kilɛ ma.

Tɔn-Fɔɛ-Fila-Nyɔgɛ 7:25

Wo ni anuna bɛsɛnu mintan. Sɛnɛ anubɛ wodi-gbɛ minnu bi anuna bɛsɛnu ma, a sɔgɔ kana wo bira ka wonu bi. Ni wo ya wo ma, wo si ma gbalo la wo ye bawo wo ko-sunu ma di Alla ye hali doni bɛrɛni!

1 Timoti 1:9

Tɔn wonu ma sigi mɔgɔ-nyimɛnuna ko la iko i ya a lɔn nya min. Tɔn wonu sanɛ tɔn-tinyanɛnu anubɛ ko-yogoma-kɛlɛnuna ko la. Alla-lɔnbɛlɛnu wo, hakɛ-tiginu wo, dina-birabɛlɛnu wo, Alla-lafɛyalɛnu wo, minnu ya anu sɔrɔnnɛnu faga wo, mɔgɔ-gbɛrɛ-fagalɛnu wo,

1 Timoti 3:7

A ni ma mɔgɛ la min gbiliyanɛ hali dɛnkɛninyabɛlɛnu bolo alako mɔgɔ kana a lafɛya min si a ma, a ni bui Setanɛta gbonse kɔrɔ.

1 Timoti 6:10

bawo ko-yogoma-sufa-bɛɛ-dabirɛ le wodi-kenɛ la. A sɔrɔn-sɔgɛ ya mɔgɛ donu bira kati! Wonu tigi bara bɔ dɛnkɛninya-koe rɔ, ado anu yisi ara tinya mɔni siyaman bolo.

1 Timoti 6:17

Nɔnfuli ye minnu bolo duninya kɛ rɔ, i ni wonu makawandi ko anu kana wasi. Anu kana anu yigi sa nɔnfuli kuma iko fen de min bi mɛla. Anu ni anu yigi sa Alla kuma min bi fan bɛɛ dila ma ma foninsereyɛ la ka ma lasewa.

2 Timoti 2:26

Wo kɔma, anu si hɛnkili sɔrɔn alako anu ni bɔ Setanɛta gbɛrɛ la nya min. Bawo Setanɛ ara anu bira ko anu ni ale sako kɛ.

Taita 2:12

Allata hinɛ wo ye ma karanna ko ma ni ma kan-kɔ sɔ wunduyogoyɛ la anubɛ duninya-natanu. Ma ni ma nyɛrɛ-bira-mɔgɛnu na anubɛ mɔgɔ-telennɛnu.

Yasowa 7:11

Isirɛla mɔgɛnu bara hakɛ kɛ. Anu ma nta kumɛ bira bawo anu ya kankanya-fan wonu ma anutɛ la Yɛrikɔ, a bɛnnɛ nun ka min halaki. Anu ya foninyɛ fɔ ka fan wonu ma anutɛ la.

2 Pita 2:3

Ka a tɛgɛ foninya-karan-mɔgɛ wonuna wasabɛlitayɛ ma, anu si to tɔnɛ sɔrɔnna wo kuma anuna foninya-kumɛnu fɛ. Anuna kiti-tɛgɛlɛ rabɛnnɛ le, bi ma, ado anu halakiyi ye a yɛ la feu!

Yude 1:11

Gbalo ye anu ma! Anu bara bila Kenta kilɛ fɛ. Anu bara anu nyɛrɛ di ko-yogomɛ ma wodila ko la iko Belam ya a ma nya min. Anu bara halaki murutiyɛ rɔ iko Kora murutiyara nya min.