1 Timoti 6:6 - ALLALA KUMƐ

⁶ Ado nfan, min bi ma bolo, ni wo ya ma wasa, mala dina kɛ si mɔgɛ ma nɔnfulu-tigi la, yɔ!

1 Timoti 6:6 ပူးပေါင်းရင်းမြစ်များ

2 Mansɛnu 6:2

Ma ta Yorodan bɛ dafɛ ka bon-kɔn donu tɛgɛ. Ma ni bɔn do sɔ nyɔ rɔ.” Nɛbi Ilaisa sɔnta wo ma.

Yaburi 37:16

Fen-dɔgɔmanɛ min bi mɔgɔ-nyimɛnu bolo, wo fisa karagbɛlɛnuta fen-belebele-wɛ ko

Yaburi 84:11

Ma latankalɛ le Mari la, ado mala gbiliya-mansɛ le. Ala duwɛ ye ma fɛ ka kinikinɛ anubɛ gbiliyɛ di ma ma. A ti ko-nyimɛ bɔ mɔgɔ-telennɛ telen tɔ.

Bɔ-Koe-Iyipiti 2:21

Musa sɔnta sigi-koe ma kei wo warɛ. Yɛtiro ya ala dunmusi Sipora di Musa ma ko a ni ma ala musi la.

Hɛnkilimaya-Kumɛnu 15:16

Yanni i ni ma nɔnfulu-tigi la, i yakɔrɔ-mamɔnɛ, a fisa worɔ, i ni fen-ni sɔrɔn, i kilannɛ Mari la.

Hɛnkilimaya-Kumɛnu 16:8

Yanni i ni nɔnfulu ladɛn kensunteyɛ la, a fisa, hali i ya doni de sɔrɔn telenbagayɛ rɔ, wo kin.

Hɛnkilimaya-Kumɛnu 28:25

Mɔgɛ min si hɔn a nyɛrɛ la, wo si kɛlɛ-nyɔgɔnyɛ lawuli le. Kɔnɔ mɔgɛ min bi lala Mari la, wo wara-koe si to tala yarɔ.

Yɛrɛmaya 35:9

Ma ti bon-wo-bon sɔ fani-bɔn kɔma. Nako ti taran ma bolo, ni wo ma, ki-fan. Ma benba Yonadabu ya min bɛɛ fɔ, ma ye wo bɛɛ latɔnbagayala.

Luka 12:15

Wo kɔma, a ya a fɔ anu dama ye ko, “Wo ni a ma wo fɛrɛma wasabɛlɛnuna ko la bawo mɔgɔ niyi ti suma ka a bɛn a bolo-fannu ma, hali a bananyara nya bɛɛ ma.”

Luka 3:14

Kɛlɛ-dan donu fanan ya a manyinika ko, “Male don? Male ni nfen ma?” A ya a fɔ wonu ye ko, “Wo kana wodi bɔ mɔgɛnu bolo fɔrɔsɛ la anubɛ foninyɛ la. Wo sarɛ ni wo wasa.”

Romu 8:28

Minnu ya Alla keni, a ara minnu kele ala ko-latɛgɛnɛnu ma, kɔni, ma ya a lɔn ko fenfen wa wonu taran, Allatala si wo yɛlɛma ko-nyimɛ la anu ye,

2 Kɔrɛnti 4:17

Nba, ma ara tɔrɔya-kundu-ni kɛ sɔrɔn min ti a laban kɔnɔ wo si habadan-gbiliya-belebele di ma ma, min kolo tɔrɔyɛ wo ko pirr!

Filipai 1:21

N bi n niyi la nfenna? Nde yala, Kirasiti le wo kɔrɛ la! Nba, sayɛ le si ma tɔnɛ la worɔ nde yala.

1 Timoti 4:8

Tonyɛ le kɛ la, ado i ni la a la ka a bira gben, ko ka i fɛrɛ ramaga, wo si koe do nyinya. Kɔnɔ ka i ramaga Allata wɔli-kɛ-tinɛ, wo si ko nyinya nya bɛɛ ma. A si i dɛnbɛ duninya kɛ rɔ anubɛ lakira fanan.

1 Timoti 6:8

Woletɔ ni dɔn-fan anubɛ kurɛnu bi ma bolo, wonu ni a bɔ ma bolo.

Hiburunu 13:5

Wo ni wo matanka wodi-keni-koe ma. Min bi wo bolo, wo ni wo wasa bawo Alla ara a fɔ ko a ti ma to ka ma boloka ni!