1 Timoti 6:17 - ALLALA KUMƐ

¹⁷ Nɔnfuli ye minnu bolo duninya kɛ rɔ, i ni wonu makawandi ko anu kana wasi. Anu kana anu yigi sa nɔnfuli kuma iko fen de min bi mɛla. Anu ni anu yigi sa Alla kuma min bi fan bɛɛ dila ma ma foninsereyɛ la ka ma lasewa.

1 Timoti 6:17 ပူးပေါင်းရင်းမြစ်များ

Ko-Dabirɛnu 13:2

Nɔnfulu-tigi le Burama la nun. Kolo-fannu anubɛ wodi-gbɛ anubɛ sɛnɛ ye a bolo duk!

2 Ko-Kɔrɔta-Karan 26:16

Mansa Yusaya ya sɛnbɛ sɔrɔn mansayɛ rɔ wati min, a wasira. Wo le ya a bɔ mansayɛ la. Bawo a ma bɛn, ale nyɛrɛ ni ta ata Mari Alla Bato-Bɔn la ka isɛnti mintan nyɔ kɔnɔ ale le bilara Mari la wola ko la.

Yaburi 104:28

I ye a dila anu ma, ado anu bi a dɔnna. I wa anu beli-fannu di anu ma, wo si anu wasa.

Yaburi 52:7

“Wo ni mɔgɛ kɛ mafɛlɛn, a ma la Alla la ko wo le si a kanan. Fɔ ata nɔnfuli, a lara wo le la. A lara ata karagbɛlɛyɛ la ko wo le si a kisi.”

Yaburi 62:10

I kana i yigi sa kɛlɛ-nyɔgɔnyɛ kuma. I kana i hɛnkili latɛgɛ kankanya-fen-sɔrɔn ma. Hali ila nɔnfuli sabatira nya-wo-nya, i kana i hɛnkili latɛgɛ wo ma.

Yaburi 62:8

Nta mɔgɛnu, wo ni la Alla la tumɛ bɛɛ. Wo ni wola tɔrɔyɛ bɛɛ sa ale kɔrɔ bawo wola kan-tina-latankanɛ le ale la.

Hɛnkilimaya-Kumɛnu 11:28

Ni min lara ata nɔnfuli la, ala wodi wo si a baya. Kɔnɔ mɔgɔ-latelennɛ si to sabatila iko yanba-kun-kuran si sabati nya min.

Hɛnkilimaya-Kumɛnu 23:5

Ni i ya wo ma, ila wodi si gban i bole tɔ iko kokɛ si gban nya min ka ta a ye pon!

Hɛnkilimaya-Kumɛnu 27:24

bawo wodi ti a laban mɔgɛ bolo. Hali kun-tigiyɛ fanan ti a laban.

Hɛnkilimaya-Kumɛnu 30:9

Bawo ni n mara fugarɛ la, tumado, n si kankanyɛ kɛ ka ma ile lafɛya-koe la. Ado nfan, ni n mara bana la fanan, tumado, n si a fɔ ko n mako sa ile Alla la.”

Makawandili Kumɛnu 2:24

Min fisa, fɔ mɔgɛ ni to fen-dɔn anubɛ minnɛ kun na alako a ni a nyɛrɛ ladiya ala fen-sɔrɔnnɛ rɔ. Kɔnɔ hali wo, wo bɛɛ bɔnɛ Alla le bolo

Yɛrɛmaya 2:31

Wole Isirɛla mɔgɛnu, wo ni wo tole masɔ ale Mari kan la! A ko a mani ma wo ye nun iko wula-da-rakolɔn. A ko a mani ma wo ye iko nyamani-makilanni-tapinpini-bɛ. A ko nfenna wo rɔ wo ye a fɔla ko min di wole ye, wo ye wo le mala? Nfenna wo ye a fɔla ko wo ti sɛgi a ma tun?

Yɛrɛmaya 49:4

Nfenna lanayabɛlɛnu bi anu nyɛrɛ matɔgɔla ko anu tagbɛlɛ? Nfenna anu yili latɛgɛnɛ ko anu nɔla-wo-nɔla sa nyɔ?

Isikiyɛli 16:56

Ile wasinɛ tumɛ min, i sa yɛlɛnna Sɔdɔm soe ma nun, ba?

Daniyɛli 4:30

N bi a fɔla ko, ‘Babilɔn so-karantan kɛ mafɛlɛn. Nde le ya soe kɛ sɔ alako ka nta sɛnbɛ mayira. Mɔgɛnu si a lɔn fanan ko n bi gbiliyɛ rɔ soe kɛ sɔ-nya bolo.’

Hoseya 13:6

Wo kenɛ nyamani-hakikɛ kɛ rɔ, wo makoe bɛɛ nyinyara ha wo wasara. Wo kɔma, wo wasira ka nyina nde, Mari ko.

Matiyu 12:32

Min si kuma-yogomɛ fɔ nde, Hadama-dan ma, a ma si koto wo la. Kɔnɔ mɔgɔ-wo-mɔgɔ min si kuma-yogomɛ fɔ Allala Ni-Sɛnimɛ ma, a ma ti koto bi, a ma ti koto habadan!

Matiyu 19:23

Wo kɔma, Yisa ya a fɔ ala karan-dannu ye ko, “Wo ni wo hɛnkili to kɛ ko! Nɔnfulu-tigi don-koe Allata mansayɛ rɔ Arinyɛni tɔ, wo gbɛlɛ de,

Matiyu 25:16

“Wɔli-kɛlɛ min ya sɛnɛ-bɔrɔ loli sɔrɔn, wo tara tiriya ka feri kɛ ata sɛnɛ la. A ya bɔrɔ-loli-gbɛrɛ sɔrɔn tɔnɛ la.

Matiyu 27:57

Wurɛ kera tumɛ min, nɔnfulu-tigi do nara ka bɔ Arimatiya soe burɔ. A tɔgɛ Yusufu. Yisala karan-dan le wo fanan na.

Matiyu 6:32

(Hali Alla-lɔnbɛlɛnu bi nyinina kɛnu denu ma tuma-wo-tuma.) Kɔnɔ wo Fa Alla min bi Arinyɛni tɔ, wo ya a lɔn ko wo makoe ye fan kɛ bɛɛ la.

Maraka 10:24

Ala karan-dannu kawara kumɛ wola ko la kɔnɔ Yisa ya a fɔ tun ko, “Nna dannu, Allala mansayɛ don-koe gbɛlɛ

Luka 19:2

Duti-makelelɛnuna kun-tigi do ye nyɔ nun, a tɔgɔ Sakiyasi, ado nɔnfulu-tigi le.

Luka 3:11

A ya anu yabi ko, “Duruku fila ye min bolo, fen sa min bolo, a ni kelen di wo ma. Dɔn-fan ye min bolo, a ni mɔgɛnu kɔ.”

Kɛwɔlɛnu 14:17

Kɔnɔ tuma-wo-tuma, a ye a nyɛrɛ yirala mɔgɛ bɛɛ la ata kɛwɔli-nyimɛnu fɛ. A ye bandɛ lanala min si wola dɔn-fan lananfa. A si dɔntɛ wo di wo ma alako wo yisi la ni fa sewɛ la.”

Kɛwɔlɛnu 14:27

Anu kera Antiyaki tumɛ min, anu ya Mari Yisata mɔgɛ bɛɛ ladɛn. Alla ya koe min kɛ anu ye, anu ya wo bɛɛ fɔ nyɔ-mɔgɛnu ye katarala a ya kilɛ laka sibolo-gbɛrɛnu ye nya min alako anu fanan ni dɛnkɛninya Mari ma.

Kɛwɔlɛnu 17:25

ado a mako sa mɔgɛnuna dɛnbɛnɛ la bawo ale nyɛrɛ le ye niyi anubɛ fen-toe bɛɛ dila mɔgɛnu ma.

Romu 11:20

tonyɛ le kɔnɔ wo hɛnkili ni to kɛ ko. Anu kerita a la le bawo anu ma dɛnkɛninya Alla ma. Wole ara to anu gbɛ rɔ bawo wo ara dɛnkɛninya a ma. Kɔnɔ wo kana wasi wola ko la fɔ wo kun ma ni kɔ.

Ɛfɛsa 5:5

Wo ni a lɔn serr, ko yɛlannu anubɛ sɔn-yogoma-tiginu anubɛ wasabɛlɛnu ti fenfen sɔrɔn Kirasiti anubɛ Allata mansayɛ rɔ. (Wasabɛlɛnu sa Alla batola fɔ anu bi nyinina minnu ma.)

Tɔn-Fɔɛ-Fila-Nyɔgɛ 33:15

Alamɛ kɔn-gbɔ siyaman bɔra wola kɔnkɛnu tɔ.

Tɔn-Fɔɛ-Fila-Nyɔgɛ 8:17

Wo tenbi sewɛ wo rɔ, wo kana wo miri ko wo ye fan wonu sɔrɔnna wo nyɛrɛta fanka anubɛ wola kɛwunteyɛ le la.

Kɔlɔsi 3:16

Kirasitita kumɛ ni sigi wo yisi rɔ ka wara nyɔ. Wo ni wo nyɔgɔn karan ka wo nyɔgɔn makawandi hɛnkilimayɛ la. Wo ni to bɛtinu bɔla Yaburi kitabu rɔ ka sigi-sɛnimɛnu sa. Wo ni bɛti wonu bɔ Alla ye baraka-birɛ la wo yisi rɔ.

1 Tɛsalonaika 1:9

Wo ya ma rabira nya min, mɔgɛ bɛɛ ye wo fɔla. Wo ya bɛsɛnu boloka nya min fanan ka wo ya-lamunun Alla nimɛ la, Alla-bɛrɛ, kɔni, bɛɛ ye wo rakaranna.

1 Timoti 1:3

N bi a fɛ, i ni to Ɛfɛsa soe burɔ iko n ya i madiya nya min wo tumɛ n bi tala Masidoniya nyamanɛ rɔ. Mɔgɛ donu bi mɔgɛnu karanna foninya-dinanu ma nyɔ. A fɔ anu ye ko anu ni fara wo la.

1 Timoti 3:15

Kɔnɔ ni n mɛra, a bɛnta, ma kɛ-nya ni ma nya min Allata denbayɛ tɛma, kɛdi kɛ si i lalɔn wonu ma. Denbayɛ wo, Alla-nimɛta chɔchi le wo la. Denbayɛ kɛ si tonyɛ lamara iko sɛnbɛrɛn-kɔn anubɛ bon-kurukɛ-fan si bɔn bira nya min.

1 Timoti 4:10

Wo le ya a to, ma ye ma rayala ka Allata wɔlɛ kɛ kati, bawo ma ara ma yigi sa Alla-nimɛ kuma, mɔgɛ bɛɛ kisilɛ, kɔni, katarala male dɛnkɛninya-mɔgɛnu ma.

1 Timoti 5:21

N bi kɛ fɔla i ye Alla anubɛ Yisa Kirasiti anubɛ melika-sɛnimɛnu yala ko i ni kawandili kɛnu bira. I kana mɔgɛ do latenbi mɔgɛ do la. I ni ko-latelennɛ kɛ mɔgɛnu tɛma koe bɛɛ rɔ.

1 Timoti 6:13

N bi Alla rakelela min bi nimayɛ dila fan bɛɛ ma anubɛ Yisa Kirasiti min ya sereya-nyimɛ bɔ Pontiyasi Pailɛti yala. N bi wonu takelela ko anu ni ma n sere la.

1 Timoti 6:9

Kɔnɔ minnu bi a fɛ ka ma nɔnfulu-tigi la, wonu si bui nata-yogoma-su bɛɛ rɔ. Yuwaya-koe anubɛ sɔn-yogoma-siyamɛ si ma gbɛrɛ la anu ye. Wonu bi nala buila ka don nyɛrɛ-tinya anubɛ halaki-koe rɔ

2 Timoti 4:10

ado Dimasi ara bɔ n fɛ duninya kɛ diyɛla ko la. A ara ta Tɛsalonaika soe burɔ. Karɛsɛn fanan tara Kalesiya nyamanɛ rɔ. Taita tara Dametiya sigisɔn rɔ.

Taita 2:12

Allata hinɛ wo ye ma karanna ko ma ni ma kan-kɔ sɔ wunduyogoyɛ la anubɛ duninya-natanu. Ma ni ma nyɛrɛ-bira-mɔgɛnu na anubɛ mɔgɔ-telennɛnu.

Taita 3:6

ado Alla ara ata Ni-Sɛnimɛ labɔn ma kuma bui! A ya wo ma ma kisilɛ Yisa Kirasiti baraka le tɔ.

2 Pita 1:11

Ni wo ya wo ma, wo wa don habadan-mansayɛ rɔ, ma Mari anubɛ ma kisilɛ Yisa Kirasiti ye kan min, anu si wo labɛn sewɛ la.