1 Timoti 6:11 - ALLALA KUMƐ

¹¹ Ile Allata mɔgɛ, i ni i nyɛrɛ tanka koe wo bɛɛ ma. Telenbagayɛ wo, ka kilan Alla la wo, dɛnkɛninyɛ wo, keninteyɛ wo, munyɛ wo, dinyɛ wo, i raya kɛnu ma.

1 Timoti 6:11 ပူးပေါင်းရင်းမြစ်များ

1 Mansɛnu 13:1

Allata mɔgɛ do bɔra Yuda ka ta Bɛtɛli. Wo ya Mansa Yɛrabowami sɔnɛ taran saraka-mintan-tinɛ dafɛ. A ye sarakɛ mintanna.

1 Mansɛnu 13:26

Ale nɛbi-kɔrɛ ya wo lamɔɛn min kɛ, a ya a fɔ ko, “Nba, Allata mɔgɛ wo le wo la yɔ, min ya Marita kumɛ tinya. Wo le ya a ma, Mari ya yarɛ wo latuntun a ma ka a faga iko ale Mari ya a fɔ nya min.”

1 Mansɛnu 17:18

Kɛɛ-musi wo ya a fɔ Nɛbi Ilaya ye ko, “Ile Allata mɔgɛ, nfenna i wara kɛ ma n na? I nara le alako ka n hɛnkili bila n hakɛnu ma ka nna dan faga, wa?”

1 Mansɛnu 17:24

Musi wo ya a fɔ a ye ko, “N bara a lɔn gbɛ ko Allata mɔgɔ-bɛrɛbɛrɛ le ile la. Ile ye kumɛ minnu fɔla, wonu bɔra Mari le bolo.”

1 Mansɛnu 20:28

Nɛbi do tara a fɔ Mansa Ehabu ye ko, “Mari ko bawo Siriyanu bi a fɔla ko Isirɛlata Alla ye kɔnkɛnu dɔrɔn kuma, a sa lɛɛnu tɔ, wo le ye a mala, a ye sɛnbɛ dila Isirɛla mɔgɛnu ma Siriyanu kuma. Mari ko wo si a ma, wobɛ ila mɔgɛnu ni a lɔn ko Mari le ale la.”

2 Mansɛnu 1:13

Wo kɔma, mansɛ wo ya ala kɛlɛ-den bi-loli bila ala kɛlɛ-den-kunyɛ do fanan fɛ tun ko anu ni ta Nɛbi Ilaya bira. Wonu fanan ke nɛbi ma, kɛlɛ-den-kunyɛ wo ya kɔnkɛ yɛlɛ ka ta a taran. A ke a ma, a ya a nyɛnkin a kɔrɔ. A ko, “Ile Allata mɔgɛ, i yandi, mabɛ nna mɔgɛ kɛnu niyi latanka.

2 Mansɛnu 1:9

Wo kɔma, mansɛ ya ala kɛlɛ-den bi-loli bila ala kɛlɛ-den-kunyɛ do fɛ ko anu ni ta Nɛbi Ilaya bira. Wonu tara a siginɛ taran kɔnkɛ do kuma. Kɛlɛ-den-kunyɛ wo ya a fɔ Nɛbi Ilaya ye ko, “Ile Allata mɔgɛ, mansɛ ko i ni yigi yan!”

2 Mansɛnu 23:17

Wo kɔma, Mansa Yosaya ya a yɛ lata ka kaburu do yen tun. A ya mɔgɛnu manyinika ko, “Yon kaburu ye wo la?” Bɛtɛli so-burɔ-mɔgɛnu ya a fɔ ko, “Allata mɔgɛ min ya wɔlɔyiya-kumɛ fɔ kan tinɛ kɛla tinya-koe rɔ ka bɔ Yuda, wo le kaburu ye wo la.”

2 Mansɛnu 5:20

ala wɔli-kɛla Kɛhasi gbɛngbɛrɛnta a nyɛrɛ ma ko, “N tigi Nɛbi Ilaisa ara Neyaman kɛ boloka wo nya na fufafu! Hali a nara fan minnu na ka a di a ma, a ma sɔn wonu na. N fotɛ Mari-nimɛ, fɔ n ba Neyaman kɛ sagaran, n ni ta fan do tara a bolo.”

1 Ko-Kɔrɔta-Karan 23:14

Allata mɔgɛ ye Musa min na, wo fananta dannu bi Lifayi bɔnsɔn kɛnu tɛma.)

2 Ko-Kɔrɔta-Karan 8:14

A ya wɔlɛ tala Lifayinu anubɛ saraka-masɔlɛnu na iko a fa Mansa Dawuda ya a rabɛn nya min nun. Lifayinu bi sigi-sɛ kun na anubɛ Bato-Bon-wɔlɛ donu kɛla. A ya Bato-Bɔn da-makandan-wɔlɛ tala anu na kurun-kurunyɛ ma iko a fa Mansa Dawuda ya a rabɛn nya min, Allata mɔgɛ, kɔni.

Nihɛmaya 12:24

Hasabaya wo, Sɛrɛbaya wo, Yɛsuwa wo, Binuwai anubɛ Kadamiyɛli, mɔgɔ-dande kɛnu denu ya Lifayinu tatala kurunyɛnu ma. Kurɔn donu tenbi Alla-tanto-bɛti bɔla, kurɔn doi fanan bi a labirala. Anu bi baraka-bira-bɛtinu bɔla a ye iko Allata mɔgɛ Mansa Dawuda, ya anu nabilanɛ to nya min.

Nihɛmaya 12:36

Sakaraya na-kelen-nyɔgɛ minnu bilara a fɛ, wonu tɔgɛ le kɛnu na. Sɛmaya wo, Asarɛli wo, Melalayi wo, Kelalayi wo, Meyeyi wo, Natanɛli wo, Yuda anubɛ Hanani. Wonu bi tala fɔli-fen-su bɛɛ fɔla anu bolo Mansa Dawuda ya tolɔn kɛ min sufa la. Saraka-Masɔla Ɛsira min bi kɛdi-sɛbɛlayɛ la, wo sɔnɛ anu yarɔ.

Yaburi 34:14

Wo ni wo bole bɔ ko-yogoma-kɛ rɔ ka ko-nyimɛnu kɛ. Wo ni wo raya ka sigi yisi-kimɛ rɔ.

Yaburi 38:20

Minnu bi ko-nyimɛ sarala ko-yoge la, wonu bi n kan ma bawo n bi n tayala ko-latelennɛ kɛ tinɛ.

Hɛnkilimaya-Kumɛnu 15:9

Karagbɛlɛ kɛ-nya ma di Mari ye kɔnɔ mɔgɛ min bi ko-latelennɛ mala, wo le di Mari ye.

Aiseya 51:1

Mari ko telenbagaya-sɔgɛ ye wole min na, wo ni wo tole masɔ, wole minnu bi Mari-lɔn-koe rɔ, kɔni. Wo ni wo hɛnkili to wo bakuri ko. Wo mani de iko kuru-mɛsɛ minnu bɔra fara-gbaran-kɔnkɛ ma.

Yɛrɛmaya 35:4

Wo bɛɛ tara n fɛ Bato-Bɔn la. N tara anu na Ikalayala den Nɛbi Henanna karan-dannuta konko la. Salamula den Meyaseya min bi Bato-Bon-kandan la, wola konko ye matɛ kɔrɔ. Konko wo ye mɔgɔ-ba donutɛ dafɛ.

Romu 14:19

Nba, koe minnu si yisi-kimɛ lana anubɛ minnu si ma nyɔgɔn sɛnbɛ don, fɔ ma ni to wonu mala tuma-wo-tuma.

1 Kɔrɛnti 10:14

Woletɔ n diyana-mɔgɛnu, wo ni wo matanka bɛsi-kɔ-koenu ma.

1 Kɔrɛnti 14:1

Nba, wo ni wo raya keninteyɛ ma worɔ. Wo ni wo niyi sa Allata Ni-Sɛnimɛta fandɛnu kuma katarala fandɛ wo ma min si a ma, wo ni Allala kumɛ fɔ a kila-bɛrɛ fɛ.

1 Kɔrɛnti 6:18

Wo ni wo buri yɛlɛnyɛ kɔrɔ! Mɔgɛ si hakɛ-gbɛrɛ min bɛɛ kɛ, wo bɛɛ ti a fɛrɛ-bɔnkɛ tɔrɔ iko kɛ. Mɔgɛ wa yɛlɛnyɛ kɛ, wo ye hakɛ-su kɛla min si a nyɛrɛ fɛrɛ-bɔnkɛ tɔrɔ.

Tɔn-Fɔɛ-Fila-Nyɔgɛ 16:20

Wo ni to ko-latelennɛ kɛla ka to latelan rɔ. Wo si a ma, wo si simayɛ sɔrɔn lanyiri-nyamanɛ wo rɔ Mari Alla ye nala min dila wo ma.”

Tɔn-Fɔɛ-Fila-Nyɔgɛ 33:1

Allata wɔli-kɛla Musa ya duwa-laban kɛ Isirɛla mɔgɛnu ye yanni a ni faga.

1 Timoti 1:14

Ma Mari Yisa ya ala hina-waranɛ labɔn n kuma ka dɛnkɛninyɛ anubɛ diyanayɛ di n ma, ado matɛ le wonu na Yisa Kirasiti baraka rɔ.

1 Timoti 4:12

I kana sɔn, mɔgɔ-wo-mɔgɔ ni yoo i ma ila fonikeyɛla ko la. I kuma-nya wo, i kɛ-nya wo, ila keninteyɛ wo, ila dɛnkɛninyɛ wo, ila sɛninyɛ wo, i ni ma misala-nyimɛ la dɛnkɛninya-mɔgɛnu ye wo bɛɛ rɔ.

1 Timoti 5:10

Ni mɔgɛnu bi musi wo matɔgɔla ala kɛwɔli-nyimɛnuna ko la, anu ni a tɔgɛ sɛbɛ. A ni ma musi la min bara ala dannu makolo a kin na ka sundannu yiya a warɛ. A ni famayigiya-wɔlɛ kɛ a ta-nyɔgɛ dɛnkɛninya-mɔgɛnu ye ka mɔgɔ-tɔrɔnɛnu fanan dɛnbɛ. A ni a nyɛrɛ di kɛwɔli-nyimɛ-sufa-bɛɛ ma.

1 Timoti 6:20

Timoti, min dantɛgɛnɛ i ma, i ni wo mara gben! I kana i tole masɔ Alla lɔnbɛliya-kuma teleka-telekɛnu na anubɛ yuwaya-sɔsɔlɛnu. Anu bi a fɔla ko lɔnnɛ le sɔsɔlɛ wo la kɔnɔ a sa wo nya de,

2 Timoti 2:21

A ye wo nya le dɛnkɛninya-mɔgɛnu bara la. Ni mɔgɔ-wo-mɔgɔ ya a fara ko-yogomɛ kɛnu na ka a nyɛrɛ sɛninya, Alla si wo ma ata wɔli-kɛlɛ la min si gbiliyɛ sɔrɔn bawo a sɛnima, ado a rabɛnnɛ wɔlɔ-nyima-su-bɛɛ kɛ-koe la ala kun-tigi ye.

2 Timoti 2:22

I ni i tanka fonikeya-natanu ma. I raya telenbagayɛ anubɛ dɛnkɛninyɛ ma, wo kɔma, keninteyɛ anubɛ yisi kimɛ ma. I ni to sɔndɔma-tiginu kurun tɔ.

2 Timoti 3:10

I wara nna karan lakɔrɔsi ka bila n fɛ. I ya n kɛ-nya lɔn anubɛ nna ko-latɛgɛ-nya. I wara nta dɛnkɛninyɛ yen Yisa ma anubɛ n si n munyu nya min. Keninteyɛ min bi n tɔ, i ya wo bɛɛ lɔn, ado n ti kuri fenfen ma.

2 Timoti 3:17

Wonu denu si a ma, ni min bi wɔlila Alla ye, wo si kanbali feu! A si a rabɛn kɛwɔli-nyima-su-bɛɛ kɛ-koe la.

Hiburunu 12:14

Wo ni wo raya ka to yisi-kimɛ rɔ mɔgɛ bɛɛ fɛ. Wo ni wo raya ka ma mɔgɔ-sɛninyanɛnu na bawo mɔgɔ-wo-mɔgɔ ti Mari yen sɛninyɛ kɔma.

1 Pita 3:11

Wo ni wo bole bɔ ko-yogoma-kɛ rɔ ka ko-nyimɛnu kɛ. Wo ni wo raya ka sigi yisi-kimɛ rɔ.

1 Samuwɛli 2:27

Nɛbi do nara Marila kilayɛ lake Ilayi ma, “I benba Aruna anubɛ ala denbayɛ ye yɔɔnyɛ rɔ Iyipiti mansɛ kɔrɔ tumɛ min, ale Mari ko a ya a nyɛrɛ yira a la nyɔ.

1 Samuwɛli 9:6

Wɔli-kɛlɛ wo ya a fɔ ko, “A makɔnɔ fɔlɔn. Nɛbi do ye yan mɔgɛnu bi min gbiliyala bawo a ya kuma-wo-kuma fɔ, wo si bɔ-a-la. Ma ta wo wara. Tumado ale si sofɛlɛ wonu tina yira ma la.”