1 Timoti 6:10 - ALLALA KUMƐ

¹⁰ bawo ko-yogoma-sufa-bɛɛ-dabirɛ le wodi-kenɛ la. A sɔrɔn-sɔgɛ ya mɔgɛ donu bira kati! Wonu tigi bara bɔ dɛnkɛninya-koe rɔ, ado anu yisi ara tinya mɔni siyaman bolo.

1 Timoti 6:10 ပူးပေါင်းရင်းမြစ်များ

Ko-Dabirɛnu 29:14

Leban ya a fɔ a ye ko, “Nna den-bɛrɛbɛrɛ le ile la.” Yakoba tora Leban fɛ karɛ kelen.

Ko-Dabirɛnu 29:26

Leban ya a fɔ a ye ko, “A ti ma wo nya mata nyamanɛ kɛ rɔ. Mala namu ma wo la. Ma ti dunmusu-dɔgɔmɛ di kei ma a kinamɛ fɔlɔn ma kei sɔrɔn.

Ko-Dabirɛnu 34:27

Yakobala dan toe wonu tara furi wonu bolo-fannu bi kamasɔrɔn nyɔ-mansɛla dan ara anu tirisan-musi lamiliya.

Ko-Dabirɛnu 38:16

Yuda ya a kɔndɔn. A ya a fɔ a ye ko, “Na, n ni n sa i fɛ.” Musi wo ko, “Ile si nfen di n ma, ki-n-bara-kelanla ko la?” Yaga, a mama-nyaganɛ le kɔnɔ a ma a lɔn.

1 Mansɛnu 2:40

Wo le ya a ma, Simayi ya ala sofɛlɛ bi ka ta ala yɔɔnnu nyini tinɛ Mansa Akisi wara Kati soe burɔ. A ya anu yen tumɛ min, a ya anu bi ka sɛgi anu na a warɛ.

2 Mansɛnu 5:27

Nba, ka a tɛgɛ i sɔn kɛ ma, kirayɛ min bi Neyaman ma nun, wo si bɔ ile ma. Kirayɛ wo si to bɔla i kegeyɛnu ma burubukai!” Kɛhasi bɔnɛ a dafɛ nyɔ, kirayɛ wo wuyara a ma pi! A fɛrɛ gbɛra a ma iko bɛgi-gbɛ.

Yaburi 32:10

Fɔ karagbɛlɛnu ba tɔrɔya kɔnɔ minnu lanɛ Mari la, wonu bi kananna ka a tɛgɛ ala keninteya-dannatɛgɛbɛlɛ ma.

Yaburi 62:10

I kana i yigi sa kɛlɛ-nyɔgɔnyɛ kuma. I kana i hɛnkili latɛgɛ kankanya-fen-sɔrɔn ma. Hali ila nɔnfuli sabatira nya-wo-nya, i kana i hɛnkili latɛgɛ wo ma.

Hɛnkilimaya-Kumɛnu 1:19

Kankan tɔgɔ si to kankanyɛ le la. Karagbɛlɛnu fanan si ban wo nya na le.

Hɛnkilimaya-Kumɛnu 1:31

Woletɔ wo ara yili min sɔ wo nyɛrɛ la, wo ye saganna wo le la. Wo si wola ko-yogomɛnu gberela-yi min.

Hɛnkilimaya-Kumɛnu 15:27

Tɔnɔ-yogoma-nyininɛ si nanparan lana a kebilɛ kuma kɔnɔ min ti sɔn dogonta-fan la, wo si simayɛ sɔrɔn.

Makawandili Kumɛnu 2:19

Ado nfan, ni hɛnkilimɛ le wo la, kuntan le wo la, n ti wo lɔn. N bara tɔrɔ min bɛɛ nyinɛ la wo, nna hɛnkilimayɛ ara min di n ma wo, wo bɛɛ si to wo tigi ye fu! Wo ragbɛlɛ kati!

Aiseya 1:23

Mɔgɔ-murutiyanɛ le wola mɔgɔ-banu na anubɛ kankannu diyana-mɔgɛnu. Tuma-wo-tuma, wo ye dogonta-fannu birala. Kelennɛnu ti yo-wo-yo sɔrɔn anuna kiti tɛgɛ tinɛnu tɔ. Wola kun-tiginu ti anu tole masɔ kɛɛ-musinuna yasere-masa-kan la fanan.

Aiseya 56:11

Anu hamahamɛ iko wulu-wasabɛlɛ. Anu mani de iko saga-fɛ-biralɛ min kunyɛ rakolɔn. Anu sa fenfen kun na fɔ ka hɔn anu nyɛrɛ la. Anu bi nyɔ dɔrɔn fɔ ka anu kin-kɔrɛ lafasa.

Isikiyɛli 13:19

Anu bi n nafɛyala nna mɔgɛnu yala buyi bolo-nya kelen anubɛ biredi-kundunɛnuna ko la. A ma bɛn minnu ni faga, anu bi wonu fagala. A bɛnnɛ minnu ni faga, anu bi wonu tola anu niyi la. Nta mɔgɛnu si anu tole masɔ foninyɛ la. Anu bi ko-sufa kɛ sigila wonu denu ma.

Isikiyɛli 16:33

Yɛlan doinu bi fen sɔrɔnna yɛlɛnyɛ rɔ kɔnɔ ile ye fen sala i nyɛrɛ kuma yɛlɛnya-kɛ-tinɛ. I ye keinu sarala kan-tinɛ bɛɛ rɔ alako anu ni na anu sa i fɛ.

Isikiyɛli 22:12

Anu bi donu sarala mɔgɛnu faga-koe la. Donu bi tɔnɛ sala anuna yili-donnɛnu kuma anu ta-nyɔgɔn Isirɛla mɔgɛnu bolo, ado donu bi mala-a-la wo le tɔ. Anu bara nyina nde, Mari ko. Nde, anu Tigi Mari kan le kɛ la.

Maika 3:11

Anu bi dogonta-fannu dila wole kun-tiginu ma kiti-tɛgɛ-tinɛ. Tɔn-karan-mɔgɛnu bi wodi makelela mɔgɛnu bolo tɔn-karan-koe la. Wola nɛbinu bi kuntɔ-kumɛnu fɔla tɔnɔ-nyini-koe la mɔgɛnu bolo. Nɛbi-su kɛnu bi tɔgɛ sala Mari la ko Mari ye anu fɛ. N ba a fɔ ko, ‘tɔrɔyɛ ye nala,’ anu ni n sɔsɔ ko, ‘wo ti ma.’ Anu ko Mari ye anu fɛ.

Malakayi 1:10

Mari Sɛnbɛ-Bɛɛ-Tigi ko alako nun, wole saraka-masɔlɛ mɔgɔ kelen ya Bato-Bɔn don-dɛ balan nun. Wo si a ma, mɔgɔ ti saraka-fuyinu mintan nyɔ. A sewani ma wonu na. A ko wo ya saraka-wo-saraka di a ma, a ti sɔn wo la.

Matiyu 13:22

Sugi min buira wɔnɛnu tɛma, wo mani de iko mɔgɛ min bi kumɛ lamɔɛnna kɔnɔ duninya-hɔn-koe anubɛ nɔnfulu-keni ya a ma, kumɛ wo fagara a yisi rɔ feu! A ti gbɔ hali!

Matiyu 23:13

“Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, Alla min bi Arinyɛni tɔ, wo ara ata mansayɛ don-dɛ sɔgɔ mɔgɛnu yarɔ. Kɔnɔ wole fanan ti don, ado mɔgɛ minnu bi anu tayala don-koe ma, wo ti sɔn wonu ni don. [

Matiyu 6:19

“Wo kana wola nɔnfuli lamara wola bɔnnu na duninya kɛ rɔ, kɔrɔkɔrɔyɛ anubɛ kisinu si a tinya kan min. Kankannu fanan si ila bɔn keri ka a kankan.

Maraka 4:19

kɔnɔ duninya hɔn-koe anubɛ nɔnfulu-keni anubɛ nata-su bɛɛ ya a ma, kumɛ wo fagara a yisi rɔ feu! A ti gbɔ hali!

Tɔn-Fɔɛ-Fila-Nyɔgɛ 16:19

Anu kana ma mɔgɔ-radunɛnu na. Anu kana lafisayalɛ kɛ kiti tɛgɛ tinɛ. Anu kana dogonta-fan bira. Hali mɔgɛ hɛnkili kolo, dogonta-fan si a ma, a ni fiyonya. Hali a telenta, a ra si du kɔnkɔrɔntɔn!

Tɔn-Fɔɛ-Fila-Nyɔgɛ 23:18

Ni min ya wodi sɔrɔn yɛlɛnyɛ wo rɔ, a kana na wodi wo la wota Mari Alla Bato-Bɔn la ka wo ma a dakan-kanbali-fan la. Wo ko-sunu gbo Mari ye.

Kɔlɔsi 3:5

Duninya-nata min bi wɔlila wo rɔ, wo ni wo faga. Yɛlɛnyɛ wo, ko-kɔsɔnɛ wo, keni-yoge wo, nata-yogomɛnu wo, wonu fenfen kana sigi tina sɔrɔn wo yisi rɔ. Fan minnu bi duninya kɛ rɔ, wonu bi-sɔgɛ kana wo bira bawo bɛsi-kɔ-ko-su do le wonu na.

1 Timoti 3:3

A kana ma baan-minnɛ la anubɛ kɛlɛ-tɛgɛlɛ. A ni ma sabari-mɔgɛ anubɛ yisi-kima-mɔgɛ la. A kana wodi keni.

1 Timoti 6:21

ado donu ko lɔnnɛ ye anu bolo kɔnɔ a laban, anu bara dɛnkɛninya-kilɛ to. Alamɛ Allala hinɛ tora wo dama fɛ.

1 Timoti 6:9

Kɔnɔ minnu bi a fɛ ka ma nɔnfulu-tigi la, wonu si bui nata-yogoma-su bɛɛ rɔ. Yuwaya-koe anubɛ sɔn-yogoma-siyamɛ si ma gbɛrɛ la anu ye. Wonu bi nala buila ka don nyɛrɛ-tinya anubɛ halaki-koe rɔ

2 Timoti 3:2

Mɔgɛnu si to hɔnna anu nyɛrɛ la alako ka fan bɛɛ ladɛn anu nyɛrɛ ye. Anu si ma nyɛrɛ-matɔgɔlɛnu na ha ka anu yɛ layigi a mɔgɔ-toenu ma. Anu si ma mɔgɔ-lafɛyalɛnu na ka anu sɔrɔnnɛnuna kumɛ tinya. Anu si ma fisiri-fasarɛnu na anubɛ dina-birabɛlɛnu.

2 Timoti 4:10

ado Dimasi ara bɔ n fɛ duninya kɛ diyɛla ko la. A ara ta Tɛsalonaika soe burɔ. Karɛsɛn fanan tara Kalesiya nyamanɛ rɔ. Taita tara Dametiya sigisɔn rɔ.

Taita 1:11

A bɛnta, i ni anu nakala anuna kumɛ ma bawo anu bi denbaya-siyaman tinyana karan wo fɛ. Anu bi wo mala wodila ko la, ado miliya-koe le wodi-makele-koe wo la.

Yemesi 5:19

N na-kelen-nyɔgɛnu, ni do samara wo tɛma ka tonyɛ boloka, ni mɔgɔ-gbɛrɛ ya a lasɛgi tonya-kilɛ ma tun,

Yasowa 7:21

N ya Babilɔn duruku-kinyanɛ do yen Yɛrikɔ soe burɔ anubɛ wodi-gbɛ anubɛ sɛnɛ-gbu kelen. Wonu sɔgɛ ya n bira, woletɔ n ya anu bi. I si anu taran nna fani-bɔn la, a sanɛ dugu kɔrɔ. Duruki anubɛ sɛnɛ, wo sanɛ wodi-gbɛ kuma.”

Yude 1:11

Gbalo ye anu ma! Anu bara bila Kenta kilɛ fɛ. Anu bara anu nyɛrɛ di ko-yogomɛ ma wodila ko la iko Belam ya a ma nya min. Anu bara halaki murutiyɛ rɔ iko Kora murutiyara nya min.

Lankɛnimayɛ 18:13

Anuna fan min tɔgɛ sinamɔn wo, kɛnɛ wo, isɛnti wo, mira wo, anubɛ farankinsɛnsɛ, yila-wo-yila sa nyɔ min si wonu fanan san. Baan wo, tulu wo, dɛgɛ-munku wo, fui-fen wo, wonu sanna-wo-sanna sa nyɔ. Ninki wo, sagɛ wo, soee wo, kirindi wo, yɔɔn wo, hali mɔgɔni-gbui, wonu fanan sanna-wo-sanna sa nyɔ.