1 Timoti 5:6 - ALLALA KUMƐ

⁶ Kɔnɔ kɛɛ-musi min bi tola a nyɛrɛ diyana-koenu kɛla, hali a ye a kɛndɛ la, a faganɛ le. A tɔnɔ sa a la.

1 Timoti 5:6 ပူးပေါင်းရင်းမြစ်များ

Ko-Dabirɛnu 2:17

Kɔnɔ fɔ ‘Ko-Nyimɛ-anubɛ-Ko-Yoge-Lɔn-Kɔlɔma’ gbɔɛ, i kana wo dɔn kamasɔrɔn ni i ya wo dɔn, i si faga serr!”

Hɛnkilimaya-Kumɛnu 29:21

Mɔgɔla yɔɔn-pose tenbi, ni i yɛgɛ-yɛgɛra a kɔrɔ, tɔ-a-la, i ti ke a nɔla tun.

Aiseya 22:13

kɔnɔ wo ma wo ma. Wo ya wo nyɛrɛ ladiyɛ anubɛ tolon-minyɛ buta a ma. Wo ya kolo-fannu faga ka anu dɔn iko a di wo ye nya min. Wo ya wo min kolikoli! Wo ya a fɔ ko, “Min fisa, a bɛnnɛ ma ni fen dɔn ka ma min bawo ma ye nala fagala le sina.”

Aiseya 47:1

Mari ko, “Babilɔn soe, bɔ ila mansaya-waganɛ rɔ. I ni i sigi gbangban rɔ di-kɛ-tinɛ. I mani de nun iko kɔɛn-kurɛ. So-karantan le ile la nun, kɛlɛ ma ke bɛ min tɔ. I yereyere ma tun iko fɔlɔ. I ye yɔɔnyɛ le la gbɛ!

Yɛrɛmaya 6:2

Hali Yerusalɛm soe kɛ kin, a si tinya pɔ!

Nimisa Koe 4:5

Minnu bi dɔn-fen-diyama-su bɛɛ dɔnna fɔlɔ nun, wonu bolokanɛ kila-kole la kɔnkɛ bolo. Hali fen-tiginuna-dannu, wonu bi dugu-matɔnbɔnna kaka.

Matiyu 8:22

Yisa ya a fɔ a ye ko, “Bila n fɛ. Mɔgɔ-faganɛnu ni anuna mɔgɔ-faganɛ togon.”

Luka 12:19

Wo kɔma, n si a fɔ n nyɛrɛ ye ko, “Nde harayɛgɛ-tigi, n mako ye fen-nyimɛ min bɛɛ la san siyaman kɔrɔ, n bara wo bɛɛ sɔrɔn. N ni n sigi n fanbolo fen dɔn tinɛ ka n min gbɛɛtorenu fɛ ka n nyɛrɛ lasewa!” ’

Luka 15:13

A ma mɛ, a dɔgɔmɛ ya ata fen-kolomɛ wonu fere wodi la ka ta a ye. A tara nyamani gbɛrɛkɛ rɔ pon! A ke nyɔ, a ya ala wodi bɛɛ kasara yabatoyɛ la.

Luka 15:24

bawo nna dan kɛ ara faga nun kɔnɔ kaka, a ye a niyi la. A tonɛ-a-rɔ nun kɔnɔ kaka, n bara a yen.’ Nba, anu ya ladiyɛ kɛ a kilɛ fɛ.

Luka 15:32

Kɔnɔ a bɛnta ma sewanɛ ni ladiyɛ kɛ bawo i dɔgɔ faganɛ le nun kɔnɔ kaka, a ye a niyi la. A tonɛ-a-rɔ nun kɔnɔ kaka, ma ara a yen tun.’ ”

Luka 16:19

“Nɔnfulu-tigi do ye nyɔ nun min fɛrɛya bɔnɛ kura-da-gbɛlɛnu na. Tele-wo-tele, a si to dɔn-fen-nyimɛ dɔnna.

Luka 7:25

Wo tara nfen yen-koe la worɔ? Kei min fɛrɛya bɔnɛ kura-nyimɛ la, wa? Ade, mɔgɔ fɛrɛya bɔnɛ sufa wonu bi mansɛla bolɔnnu na!

Ɛfɛsa 2:1

Wole faganɛ fɔlɔ-nun Alla yala wola kuma-birabɛlitayɛ anubɛ hakɛ bolo.

Ɛfɛsa 5:14

ado koe min bara sa tele la, dogonta ko ma wo la tun. Woletɔ anu bi a fɔla ko, “Kinɔgɔlɛ, i ni kunden, i lawuli ka bɔ furinu tɛma! Wo kɔma, Kirasiti si waan raka i ma waran!”

Tɔn-Fɔɛ-Fila-Nyɔgɛ 28:54

Kɔnkɛ si wo bira dɔgɔma-ma-de, bawo dɔnta-gbɛrɛkɛ ti taran wo bolo. Hali kei-nɔnfulu-tigi minnu bi wo tɛma, wonu si anuna dannu dɔn. Mɔgɔ-nyimɛ wonu ti kinikini mɔgɛ ma ka anu kɔ anuna den-soge wonu tɔ. Hali anuna bara-musinu anubɛ anu dɔgɛnu, hali anuna dan-tomɛnu, anu ti wonu fanan kɔ.

Tɔn-Fɔɛ-Fila-Nyɔgɛ 28:56

Hali musu-nɔnfulu-tigi minnu bi anu diya nun wo tɛma, ni wo do muira kɔnkɔ-wati wo rɔ, ala dan wonubɛ min bi bɔla, a kelen pe si wonu dɔn sa! Hali ala kei min di a ye, wo ti ko lɔn wo rɔ, hali ka a ratala ala dannu na.

Kɔlɔsi 2:13

Wole Kɔlɔsi kɛnu, wo faganɛ le fɔlɔ-nun, wo hakɛ bolo. Wo ma hɔrɔya bɛ ka bɔ wo gba-kɔrɛnu tɔ mumɛ! Alla ya wo hakɛ bɛɛ makoto lunyɛ min, a ya ni-kurɛ di wo ma Kirasiti rɔ wulɔn le.

2 Timoti 3:6

Anu donu si don denbaya-tiginuna bɔnnu na yanfɛ la alako anu si anuna musinu mayuwaya nya min. Musi wonu ma a lɔn anu bi min kun na. Anu hakɛ ara siyaya. Anu bi anu diyana-koe kɛla tolon!

Yemesi 5:5

Wo siyi duninya kɛ rɔ, a fanɛ ladiyɛ anubɛ nyɛrɛ-diyana-ko-gbansan le la. Wo ara wo nyɛrɛ matɔlɔ wo kan-natɛgɛ-tele ye.

Lankɛnimayɛ 18:7

A ara gbiliyɛ anubɛ nɔnfuli min nyɔgɛ di a nyɛrɛ ma nun, wo ni wo nyɔgɔn nyagbɛ anubɛ yisi-gbalɛ di ale ma kaka bawo a tora a fɔla a nyɛrɛ ma ko, ‘Wo ma a yen, n siginɛ musu-mansayɛ le la gbɛ! Kɛɛ-musu ma n na. N yisi ti gbala mumɛ!’

Lankɛnimayɛ 3:1

“I ni kɛdi sɛbɛ ka a lata Sadisi-chɔchi-melika ma. “ ‘Allata Ni wɔrɔnfilɛ ye n bolo anubɛ lolo wɔrɔnfilɛ, ado nde le ye kumɛ kɛ fɔla. Wole Sadisi-chɔchi-mɔgɛnu, wo ye wɔlɛ min kɛla, n ya wo lɔn. N ya a lɔn ko wo ye wo nyɛrɛ mala iko dɛnkɛninya-mɔgɛnu kɔnɔ wo sɔndɔmɛ rɔ, wo bilani ma nde fɛ.

1 Samuwɛli 15:32

Anu ke nyɔ, Samuwɛli ya a fɔ anu ye ko, “Wo ta Amalɛkinuna Mansa Ekaki bi, wo ni na a la n bara.” Mansa Ekaki yili-latɛgɛnɛ nara bawo a ya a lɔn ko a ara saya-masibɛ to a kɔma.

1 Samuwɛli 25:6

A ya a sara anu na ko anu ni ta a fɔ Nebali ye ko, “Nde ara wobɛ wola denbayɛnu kɔndɔn bɛrɛkɛ!