1 Timoti 5:5 - ALLALA KUMƐ

⁵ Kɛɛ-musi min kun makolɔn, wo si a yigi sa Alla kuma fasai! A si to Alla matarala ata dɛnbɛnɛla ko la su-ni-tele.

1 Timoti 5:5 ပူးပေါင်းရင်းမြစ်များ

Yaburi 91:4

A si a kanbannu burun i kuma. A kanbannu si i lakanan. Ata lanayɛ, wo le ye i lakisila.

Aiseya 12:2

Nna kisilɛ le Alla la. N si la a la, ado n ti kilan tun. Mari ye fanka anubɛ sɛnbɛ dila n ma. Nna kisilɛ le ale la.

Aiseya 3:26

Kiti-fɔ-tinɛnu si ma di-kɛ-tinɛnu na. Yerusalɛm soe rakolonyanɛ si to iko anu bara digin musi min ma.

Aiseya 49:21

Nba ile Yerusalɛm, i si a fɔ i nyɛrɛ ma ko, “Yon ya den-siyamɛ kɛ bɛɛ sɔrɔn n ye?” I si a fɔ ko i wara foo ila dan bɛɛ la ko i ti den-gbɛrɛ sɔrɔn tun. I ko anu bara i gben ka i to biralɛ rɔ kɔnɔ yon ya dan kɛ damasi labɔ a rɔ i ye? I si a fɔ tun ko i bolokanɛ tora min kɛ, dan kɛ bɛɛ bɔra mintɔ gbɛ?

Aiseya 50:10

Mɔgɔ-wo-mɔgɔ wa Mari gbiliya ka ala wɔli-kɛlɛla kumɛ bira, hali a tagama-kilɛ lapinpinɛ, a ni la Mari la. A dunnɛ ni to ata Alla ma.

Aiseya 54:1

Mari ko ile Yerusalɛm soe mani de iko musu-gbandɛ. Kɔnɔ kaka, i ni gbele-gbelen nyagalen-sigi sa tinɛ. I si yiri ka tenbi nyaganɛ la minna kei ma a yili rabɔ tele-kelen-bɛrɛni!

Nimisa Koe 1:13

“Alla ara fɛrɛma-kaliyɛ ladon n fɛrɛ rɔ iko tɛ. Mari ara gbɛrɛ lasigi n ye alako a si n nabui nya min. Wo kɔma, a ya a kɔɛn bɔ n tɔ ka mabɛ duma-belebele to sigini.

Luka 18:1

Lunyɛ do, Yisa ya tili kɛ tɛgɛ anu ye ka anu karan alako anu ni madiyali kɛ wati bɛɛ. Anu kana kuri.

Luka 18:7

Allata mɔgɛ minnu bi anu kan nabɔla a ma su-ni-tele, wonu don, a ti wonuna kiti tɛgɛ a kilɛ fɛ, wa? A ti anu dɛnbɛ tiriya, wa?

Kɛwɔlɛnu 26:7

Su-ni-tele, ma bɔnsɔn tan-ni-filɛ bɛɛ ye Alla batola ka anu yigi sa lanyiri kelan wo kuma. Mansɛ, Yahudiyanu bi n maburila wo yigi lela ko la!

Kɛwɔlɛnu 6:1

Karan-dannu yatɛ tora siyayala kɔnɔ wati do kenɛ, Yahudiya minnu bi anu nyɛrɛ kan fɔla wo, Yahudiya minnu bi Kiriki kan fɔla wo, kumɛ wulita wonu tɛma. Yahudiya Kiriki-kan-fɔlɛnu ko dɔn-fan min tafaranɛ mɔgɛnu tɛma tele-wo-tele, anuta kɛɛ-musinu sa anutɛ sɔrɔnna dɔn-fan wo rɔ.

Kɛwɔlɛnu 9:39

Woletɔ Pita wulita ka sɛgi anu fɛ. A kera tumɛ min, anu tara a la furi sanɛ kan min san-bɔn wo la. Kɛɛ-musi bɛɛ ya anu nadɛn Pita dafɛ. Anu bi Dɔrɔkasi dila kosɛbɛ! Ale Dɔrɔkasi ya duruku-kɔrɔ-donyɛ anubɛ duruku-wɛ minnu nadan a kɛndɛ tumɛ min, anu ya wo siyaman yira Pita la.

Kɛwɔlɛnu 9:41

Pita ya a bole bira ka a dɛnbɛ a lasɔla. Wo kɔma, a ya dɛnkɛninya-mɔgɛnu anubɛ kɛɛ-musinu kele ka a yira anu na, a kɛndɛ.

Romu 1:12

N bi min ma, wo le ko ma ni ma nyɔgɔn dɛnbɛ. Nde si do sɔrɔn wota dɛnkɛninyɛ fɛ. Wo si do sɔrɔn ntɛ fɛ.

Romu 1:5

Alla ara fɛrɛ di nde, Pɔli ma Yisa baraka rɔ ko n ni ma ata kilayɛ la. A ya wo ma alako sibole bɛɛ ni la ale Yisa la ka ala kumɛ bira.

1 Kɔrɛnti 7:32

A di n ye, wo kana hɔn fenfenna ko la. Kemini-gbana ye hɔnna Marita wɔlɛla ko la bawo a di a ye, a ni Mari hɛnɛ.

1 Kɔrɛnti 7:34

ado anu bi hɔnya filɛ wo tɛma. Ile musu-gbana wo, ile sunkurun-nasɔlɔnɛ wo, i ye hɔnna Marila wɔlɛla ko la bawo, a di i ye, i fɛrɛ-bɔnkɛ wo, i niyi wo, i ni wonu nyɛrɛ dantɛgɛ Alla ma. Kɔnɔ musi min bi furi rɔ, ale ye hɔnna duninya-koenu denu na bawo a di a ye, a ni ala kei hɛnɛ.

Ɛfɛsa 6:18

Wo ni to madiyali kɛla tuma-wo-tuma koe bɛɛla ko la iko ata Ni-Sɛnimɛ ye wo labilala nya min. Wo yɛ bɛnnɛ ni to. Wo kana bandan madiyali kɛla Allata mɔgɛnu ye.

Filipai 4:6

Wo kana hɔn ko-wo-ko la fɔ ka to wo makoenu fɔla Alla ye madiyalɛ rɔ. Wo ni baraka bira a ye wo yisi bɛɛ la tumɛ bɛɛ.

1 Timoti 2:1

A fɔlɔtɛ, n bi wo madiyala alako wo ni Alla madiya mɔgɛ bɛɛ ye katarala mansɛnu anubɛ kun-tiginu ma. Wo ni to tarali kɛla ko Alla ni anu dɛnbɛ alako ma ni to sabarɛ anubɛ yisi-kimɛ rɔ anu bolo. Ma ni to Alla gbiliyala ka ma hadama-den-nyɔgɛnu bira a kilɛ fɛ.

1 Timoti 5:16

Kɔnɔ ni kɛɛ-musinu bi dɛnkɛninya-musi do bolo ala denbayɛ tɛma, ale le ni wonu makoe nyinya. A kana dunɛ wo sa chɔchi kuma. Fɔ kɛɛ-musi minnu bi anu nyɛrɛ ma, chɔchi si wonu makoe nyinya.

1 Timoti 5:3

Mɔgɔ-wo-mɔgɔ sa kɛɛ-musi minnu bolo, i ni wonu makoe nyinya.

2 Timoti 1:3

Mabɛ n benbanu bi Alla batola ma sɔndɔma-sɛninyanɛ la. N ba Alla madiya su-ni-tele, n si baraka bira a ye ilela ko la.

1 Pita 3:5

Ado nfan, musu-sɛnimɛ minnu ya anu yigi sa Alla kuma fɔlɔ-nun, wonu sɔnnayara anuna keinu ye.

Ruti 2:12

Alamɛ Mari ya i sara wo la. I wara na Isirɛla mɔgɛnuta Mari Alla wara ka don a kanban kɔrɔ i kisi-koe la. Alamɛ Alla ya i sara boi!”