1 Timoti 5:25 - ALLALA KUMƐ

²⁵ Kɛwɔli-nyimɛ fanan bi wo nya na le feu! Kɛwɔlɛ donu ti ke dogonna. Hali minnu dogonnɛ, wonu si bɔ gbɛ rɔ wati-laban.

1 Timoti 5:25 ပူးပေါင်းရင်းမြစ်များ

Hɛnkilimaya-Kumɛnu 10:9

Minnu natelennɛ, wonu nafɛrɛni de! Kɔnɔ minnu natelenni ma, wonu si bira mɔrɔtɔ!

Matiyu 5:16

Iko lɛnpu si waan raka mɔgɛ ma nya min, wo ni wola kɛwɔlɛ yira mɔgɛnu na wo nya na le. Anu si wo kɛ-nya-nyimɛnu yen worɔ ka wo Fa gbiliya min bi Arinyɛni tɔ.

Luka 11:33

“Mɔgɔ ti lɛnpu lamalan ka a dogon. A ti gbengberan burun a kuma fanan kɔnɔ a si a sigi tebulu kuma, woletɔ mɔgɛnu ba don, anu si waan yen.

Kɛwɔlɛnu 10:22

Anu ya a yabi ko, “Romu kɛlɛ-den-kun-tigi Kɔniliyasi le ya ma sɔ i wara. Mɔgɔ-nyimɛ le min bi Alla batola. Yahudiya bɛɛ ye a gbiliyala bɛrɛkɛ! Allala melika do le ya a fɔ a ye ko a ni ile kele ala bɔn la. I ye nala min fɔla, a ye a fɛ ka wo lamɔɛn i bolo.”

Kɛwɔlɛnu 22:12

“Kei do ye nyɔ nun, a tɔgɛ Ananayasi. Mɔgɔ-telennɛ le min si Nɛbi Musata tɔn bɛɛ bira. Yahudiya min bɛɛ siginɛ Damasika, wonu si a gbiliya bɛrɛkɛ!

Kɛwɔlɛnu 9:36

Musi do fanan bi Yapa soe burɔ nun, wo tɔgɛ Tabita. Dɛnkɛninya-mɔgɛ le. (Kiriki-kan rɔ, a tɔgɛ le Dɔrɔkasi. Wo kɔrɛ le “Mina.”) A ya ala wati bɛɛ kɛ ko-nyimɛ kɛ-koe la bolo-kolɔnnu dɛnbɛn tinɛ.

Filipai 1:11

Yisa Kirasiti kelen pe si ke wo lafala ko-nyimɛ minnu na, alamɛ wo yisi fara wonu na. Alamɛ Alla ya gbiliyɛ anubɛ tantolɛ sɔrɔn wo bɛɛ rɔ.

1 Timoti 3:7

A ni ma mɔgɛ la min gbiliyanɛ hali dɛnkɛninyabɛlɛnu bolo alako mɔgɔ kana a lafɛya min si a ma, a ni bui Setanɛta gbonse kɔrɔ.

Lankɛnimayɛ 14:13

Wo kɔma, n ya kuman-kan lamɔɛn bɔla Arinyɛni tɔ. A ko, “Kɛ sɛbɛ. Ka a dabira kaka ma, minnu bi fagala Marita wɔlɛ rɔ, mɔgɔ-sewanɛ le wonu na!” Allala Ni-Sɛnimɛ ya a labira, a ko, “Ɔnde. Anu si anu sulen anuna wɔlɛ ma sewɛ rɔ bawo anu bi barayi sɔrɔnna ka a tɛgɛ anuna wɔli-kɛ-nya ma.”