1 Timoti 5:17 - ALLALA KUMƐ

¹⁷ Chɔchi-mɔgɔ-ba minnu bi kun-tigiya-wɔlɛ kɛla a kilɛ fɛ, a bɛnnɛ, wonu ni gbiliyɛ anubɛ sara-kɛndɛ sɔrɔn, katarala minnu bi wɔlila bɛrɛkɛ kawandili bɔ tinɛ anubɛ mɔgɔ karan-tinɛ,

1 Timoti 5:17 ပူးပေါင်းရင်းမြစ်များ

2 Mansɛnu 2:9

Anu ke bɛ kɔma, Nɛbi Ilaya ya a fɔ Nɛbi Ilaisa ye ko, “Yanni n ni ta ka i to yan, n si nfen ma i ye?” A ya a fɔ a ye ko, “I si i kɛɛ min to n bolo, Marita sɛnbɛ min bi i fɛ, alamɛ wo nyɔgɔn fila tora nde bolo.”

Aiseya 40:2

N ni Yerusalɛm kɛnu manugu-nɛgɛ. Anu bara tɔrɛ min kɛ, wo da ra ara kolo, ado anu hakɛ ma ara koto le gbɛ! Mari ko a bɛnta, tɔrɔya sufa min ni sigi anu ma, a ara ban wo sigila anu ma.

Yɛrɛmaya 16:18

A ko wole, Yuda mɔgɛnu ya karagbɛlɛyɛ min bɛɛ ma, a si wo yili sara wo la ka wo tɔrɔ hakɛ wo la iko fila fila. A ko a si wo ma bawo wo ara nyamanɛ latinya wola kisimiriya-bɛsɛnu na, ado wo ara ale Marita nyamanɛ kɛ lafa bɛsɛnu na pen!

Yɛrɛmaya 17:18

Minnu bi n yakɔrɔ-mamɔla, alamɛ wonu yarabira miliyɛ bolo pɔ! I yandi, n Mari, i kana n namiliya. Anu kumakɔ n ye kɔnɔ i kana sɔn, nde kun ma ni kɔ. Alamɛ i ya kasarɛ sigi n yogenu ma. I ni anu tinya ka anu tabunden n ye iko kɔrɛ.

Sakaraya 9:12

Yigi ye wole mɔgɔ-biranɛ minnu bolo, wo ni wo sɛgi tun wola so-latankanɛnu tɔ. Wo ara min bɛɛsi nyɔgɔn tɔrɔyɛ dunu, a ko a si wo nyɔgɔn fila duwɛ di wo ma.

Yilan-Yilan Koe 18:31

Ni wo ara ban wo yaka dila Mari ma, a ma yogo ni wo ya a toe dɔn mumɛ! Kɔnɔ wobɛ wola denbayɛnu si ta a toe la wo wara-bɔnnu na ka a bɛɛ dɔn fegba! Wo sarɛ le kɛ la bawo wo ye wɔlila Marita Fani-Bɔn la.

Matiyu 24:25

Wo ni wo tole masɔ! N bara kɛ fɔ wo ye yanni a wati ni ke.

Luka 10:7

Wo ni to bon kelan wo la. Dɔn-fen wo, min-kɛ-yi wo, anu ba min di wo ma, wo ni wo dɔn bawo a bɛnta, wɔli-kɛlɛ ni a sarɛ sɔrɔn. Wo kana to yilan-yilanna wo yiya tinɛ.

Luka 12:42

Mari ya a yabi ko, “Wɔli-kɛla-latelennɛ anubɛ hɛnkilimɛ ye yon na wo tɛma? Ale le wo la, min tigi si a sigi wɔli-kɛlɛnu kun na alako a ni anuna dɔn-fan di anu ma a wati-bɛnnɛ rɔ.

Yɔni 4:38

N bara wo sɔ fui-fen-tɛgɛ-tinɛ sɛnɛ rɔ, wo ma wɔli kan min. Mɔgɔ-gbɛrɛnu denu wɔlita nyɔ. Wole ara tɔnɛ sɔrɔn wonuna wɔli-kɛ-gbɛ rɔ.”

Kɛwɔlɛnu 11:30

Anu ya wodi wo don Banabasi anubɛ Sɔli bolo ka a lata Mari Yisata mɔgɔ-banu ma Yerusalɛm soe burɔ.

Kɛwɔlɛnu 20:35

Wo si to sɛnbɛbɔnɛnu dɛnbɛna nya min, n bara wo dama yira wo la nta wɔlɔ-gbɛlɛmɛ fɛ. Mari Yisa nyɛrɛ ya kumɛ minnu fɔ, wo ni wo yili to wonu ko. A ko, ‘Min bi fan nila, wota sewɛ kolo ka tenbi a ye a dila min ma.’ ”

Kɛwɔlɛnu 28:10

Anu ya ma gbiliya ka fen siyaman di ma ma. Ma ye bɔla nyɔ tumɛ min, ma makoe ye fan min bɛɛ la mala tagamala ko la, anu ya wonu nadon kulɔn rɔ.

Romu 12:8

Ni mala sanbɛ le ka donu sɛnbɛ don, ma ni wo ma. Ni nɔnfuli ye min bolo ka donu kɔ, ma ni wo ma ma yisi bɛɛ la. Ni mata sanbɛ le kun-tigiyɛ la, ma ni wo kɛ a kilɛ fɛ. Ni mata sanbɛ le ko-nyima-kɛ la, ma ni a kɛ sewɛ la.

Romu 15:27

Anu denu denu ya wo latɛgɛ, ado a bɛnnɛ anu ni bolo-kolɔn wonu dɛnbɛ. Nyɔ-Yahudiyanu bara duwɛ donu sɔrɔn sibolo-gbɛrɛnu na min kɛ, woletɔ a bɛnnɛ sibolo-gbɛrɛnu ni Yahudiyanu makoe nyinya anu nyɛrɛ bolo-fannu tɔ.

Romu 16:12

Tarifina anubɛ Tarifosa kɔndɔn n ye minnu wɔlita Mari ye bɛrɛkɛ anubɛ n diyana-mɔgɛ Perasi. Ale fanan wɔlita Mari ye duk!

1 Kɔrɛnti 15:10

Kɔnɔ n mara kilayɛ la ka a tɛgɛ Allata hinɛ ma, ado a ya keninteyɛ min yira n na wo la, wo ma ma fuyi la. N wɔlita bɛrɛkɛ ka tenbi kilaya-toe bɛɛ la, hali n nyɛrɛla kɛwɔli ma kɔnɔ Allala hinɛ ye wɔlila n tɔ.

1 Kɔrɛnti 16:16

wo ni mɔgɔ-su wonuna kumɛ bira anubɛ min bɛɛ ye wɔlila anu fɛ.

1 Kɔrɛnti 3:9

Allata wɔli-kɛ-nyɔgɛnu denu bi ma dama la. Allata sɛnɛ le wole la. Ado nfan, Allata bɔn le wo la fanan.

2 Kɔrɛnti 6:1

Allala wɔli-kɛlɛ le ma dama la. Ma ye wo madiyala worɔ ko wo ara Allala hinɛ sɔrɔn min kɛ, wo kana wo tinya.

Kalesiya 6:6

Wole min bi karan-denyɛ la Allala kumɛ rɔ, wo ni wo karan-mɔgɛnu kɔ wola fen-nyimɛnu tɔ.

Tɔn-Fɔɛ-Fila-Nyɔgɛ 18:8

Hali a ya a bolo-fan bɛɛsi mayira ka nɔnfuli sɔrɔn a bɔra kan min kɔnɔ saraka-masɔlɛnu bi fan min bɛɛsi sɔrɔnna Marita kan-tina-yabɔnɛ wo rɔ, anu damasi bɛnta worɔ.

Filipai 2:29

Wo ni ale Ɛpaforodaita rabira sewɛ bɛɛ la iko wo na-kelen-nyɔgɛ Mari rɔ. Mɔgɛ min bɛɛ ye iko ale ye nya min, wo ni wonu gbiliya

Filipai 4:3

Ile bɛrɛn Timoti, n ta-nyɔgɛ lanaya-mɔgɛ le ile la. N bi a fɛ, i ni musi wonu dɛnbɛ bawo anu bara wɔli n fɛ kati! Anubɛ Kalɛmɛnti ara kibara-nyimɛ nyɛnsɛn anubɛ n ta-nyɔgɛ minnu bɛɛ tɔgɛ sɛbɛnɛ Allata nimaya-buku rɔ.

1 Timoti 3:5

ado ni a ma ala denbayɛ bira-nya lɔn, a si ke Allala chɔchi kandanna kama?

1 Timoti 4:10

Wo le ya a to, ma ye ma rayala ka Allata wɔlɛ kɛ kati, bawo ma ara ma yigi sa Alla-nimɛ kuma, mɔgɛ bɛɛ kisilɛ, kɔni, katarala male dɛnkɛninya-mɔgɛnu ma.

1 Timoti 4:14

I kana i ban Allata Ni-Sɛnimɛta fandɛ la min bi wɔlila i rɔ. Wo dira i ma wo tumɛ chɔchi-mɔgɔ-banu ya anu bole sa i kuma wɔlɔyiya-kumɛ fɔ tinɛ.

1 Timoti 4:16

I hɛnkili to i nyɛrɛ anubɛ ila karan ko. I ni to koe kɛnu kɛla bawo Alla si wobɛ i kan-namɔɛnnɛnu kisi ka a tɛgɛ ila wɔli-nyimɛ ma.

1 Timoti 4:6

Ni i ya i na-kelen-nyɔgɛnu makawandi koe kɛnu na, i si ma Yisa Kirasitita wɔli-kɛla-nyimɛ la. I si a lagbɛ ko i makolota dɛnkɛninya-kumɛ anubɛ tonya-karan wonu na i wara minnu bira.

1 Timoti 5:19

I kana i tole sigi chɔchi-mɔgɔ-banu maburi-kan la fɔ sereya fila, ni wo ma, sawa bɔra a ma.

1 Timoti 5:3

Mɔgɔ-wo-mɔgɔ sa kɛɛ-musi minnu bolo, i ni wonu makoe nyinya.

2 Timoti 2:6

Sɛni-salɛ min bi wɔli-gbɛlɛmɛ kɛla, a bɛnta, wo fɔlɔn ni sɛnita-fan wo do dɔn.

2 Timoti 4:2

ko ile Timoti ni Allala kumɛ lake ka i kiri a fɔɛ ma. Ni mɔgɛnu ya a bira, ni anu ma a bira, ile ni to a fɔla anu ye tun! I ni mɔgɛnu makuma ka anu makawandi. Kɔnɔ i ni anu karan dinyɛ rɔ

Hiburunu 13:17

Wo ni wola chɔchi-mɔgɔ-banuna kumɛ bira ka wo famayigi anu ye. Anu bi wo niyi lakandan tinɛ le dɛɛ! Anu sa anu sulenna bawo anu si anu dantɛgɛ Alla ye anuta wɔlɛla ko la. Ni wo ya anuna kumɛ bira, anu si anuna wɔlɛ kɛ sewɛ rɔ. Ni wo ma, anu si a kɛ yisi-magboyɛ la, ado wo ti wo munanfaga.

Hiburunu 13:24

Wo ni wola kun-tiginu anubɛ Allata mɔgɛ bɛɛ kɔndɔn ma ye. Ma na-kelen-nyɔgɛ minnu bɔra Itali, wonu fanan bi wo kɔndɔnna.

Hiburunu 13:7

Wola kun-tigi-fɔlɔtɛ minnu ya wo karan Allala kumɛ la, wo ni wo hɛnkili to wonu ko. Wonu manɛ nya min ha anu fagara, wo ni wo miri wonu ma ka wo sanka anuna dɛnkɛninyɛ ma.