1 Timoti 4:6 - ALLALA KUMƐ

⁶ Ni i ya i na-kelen-nyɔgɛnu makawandi koe kɛnu na, i si ma Yisa Kirasitita wɔli-kɛla-nyimɛ la. I si a lagbɛ ko i makolota dɛnkɛninya-kumɛ anubɛ tonya-karan wonu na i wara minnu bira.

1 Timoti 4:6 ပူးပေါင်းရင်းမြစ်များ

Yaburi 19:7

Fɛɛ sa Marita karan la. A si sɛnbɛ-kurɛ di ma ma. Mari wa koe minnu ma-koe fɔ ma ye, sika ti ma bira wonu ma-tinɛ. Ni min bi nyinina hɛnkili ma, Tɔn-birɛ si wo di a ma.

Hɛnkilimaya-Kumɛnu 4:2

ado n bi karan-nyimɛ dila wo ma, woletɔ wo ni to wo mirila kumɛ wo dama ma.

Yɛrɛmaya 15:16

I kumara n ye tumɛ min, n ya n tole masɔ a kin na! Ila kumɛ ara a diya don n tɔ. N sewanɛ bawo mɔgɛnu bi n kelela ko ile Mari Sɛnbɛ-Bɛɛ-Tigita mɔgɛ.

Matiyu 13:52

Woletɔ a ya a fɔ anu ye ko, “Nba, Alla min bi Arinyɛni tɔ, tɔn-karan-mɔgɛ min bɛɛ ara ma karan-dannu na ata mansayɛ rɔ, wonu mani de iko bon-tigi min bi fen-kurɛnu anubɛ a kɔrɔmɛnu nabɔla ala fen namara tinɛ.”

Luka 1:3

N bara koe kɛ bɛɛ karan ka a fɛsɛfɛsɛ a kin na, woletɔ kebi a fɔlɔfɔlɛ, n miriya rɔ, a kin ka a sɛbɛ a kilɛ fɛ ka a lata i ma.

Kɛwɔlɛnu 1:15

Tele-dande tenbinɛ, dɛnkɛninya-mɔgɛnu bi ladɛn wo rɔ. Anu dama lakofunɛ mɔgɔ kɛmɛ ani mɔgɔ mogan nyɔgɔn (120). Pita ya a lasɔ ka a fɔ anu ye ko,

Kɛwɔlɛnu 20:31

Woletɔ wo ni wo yɛ lakalan. Wo yili ni to kɛ ko. San sawa, n tɔrɔta wola ko la ka wo kelen-kelennamɛ-bɛɛ karan su-ni-tele.

Kɛwɔlɛnu 20:35

Wo si to sɛnbɛbɔnɛnu dɛnbɛna nya min, n bara wo dama yira wo la nta wɔlɔ-gbɛlɛmɛ fɛ. Mari Yisa nyɛrɛ ya kumɛ minnu fɔ, wo ni wo yili to wonu ko. A ko, ‘Min bi fan nila, wota sewɛ kolo ka tenbi a ye a dila min ma.’ ”

Romu 15:15

Kɔnɔ kɛdi kɛ rɔ, Alla ara n yisi ragbɛlɛya ka wo hɛnkili bila koe donu ko. Ka ma Kirasiti Yisala wɔli-kɛlɛ la sibolo-gbɛrɛnu ye, Alla ya wo fɛrɛ di n ma. N tenbi Allala kibara-nyimɛ-kawandili bɔla, n bi saraka-masɔ-wɔlɛ le kɛla. N ya wo ma le alako sibolo-gbɛrɛnu ni ma kɔ-fen-nyimɛ la Alla ye. Anu sɛninyanɛ a yala ata Ni-Sɛnimɛ baraka rɔ.

1 Kɔrɛnti 4:17

Ka a tɛgɛ wo ma, n bi Timoti latala wo ma. N diyana-dan le ale la Mari rɔ, ado n lara a la feu! N bi ni-kura-kilayɛ minnu nakela chɔchi bɛɛ rɔ kan-bo-kan Kirasiti Yisa rɔ, a si wo labila wo bɛɛ la.

2 Kɔrɛnti 11:23

Kirasitita wɔli-kɛlɛ le anu na, wa? Nde wɔlita ka tenbi anu denu na pirr! Anu bara n nadon yele la kinyama siyaman ka tenbi anu na. Mɔgɛnu bara n gbesi ka tenbi anu denu na. Sayɛ ara foo n na ka tenbi anu denu na. (Kɛ bɛɛ rɔ, n bi kumala iko hɛnkilibɔnɛ.)

2 Kɔrɛnti 3:6

Ale le ya sɛnbɛ di ma ma ko ma ni ma sarama-kan-kurɛta wɔli-kɛlɛnu na, min sɛbɛnɛ anubɛ ala mɔgɛnu tɛma. Sarama-kan-kurɛ kɛ sɛbɛni ma kɔnɔ a nanɛ ata Ni-Sɛnimɛ bolo. Tɔn-sɛbɛnɛ si na sayɛ la mɔgɛnu ye kɔnɔ ata Ni-Sɛnimɛ si niyi di mɔgɛnu ma.

2 Kɔrɛnti 6:4

Kɔnɔ ma ya ma munyu tɔrɔyɛ anubɛ gbɛlɛyɛ anubɛ kɔndɔfili-su-bɛɛ kɔrɔ. Ma ye koe min bɛɛ kɛla, ma ye a yirala wonu tɔ ko Allata wɔli-kɛlɛ le male la.

Ɛfɛsa 6:21

Ma na-kelen-nyɔgɛ Tikika, ma diyana-mɔgɛ, kɔni, mɔgɛ le wo la min si Allala wɔlɛ kɛ a sɛbɛ la. Min bi mala n na, ale le si wo bɛɛ fɔ wo ye.

Filipai 2:20

Male dɛnkɛninya-mɔgɛnu tɛma, wola ko siginɛ mabɛ Timoti le dɔrɔn yisi rɔ gben!

Filipai 2:22

Wole nyɛrɛ ya a lɔn Timoti mara lanaya-mɔgɛ la nya min. Ale ara ma n ye iko n nyɛrɛta dan, ado a wɔlita nde fɛ kibara-nyimɛla ko la.

Filipai 3:16

Kɔnɔ a fɛrɛ sa fɔ ma ni to tala yarɔ iko ma ara wuli a mala nya min nun.

Kɔlɔsi 2:19

Kirasiti min bi mɔgɛ bɛɛ kunyɛ la, anu tugunni ma wo la. Kirasiti bagbuyi bɛɛ belinɛ Alla baraka le tɔ. A kolo latugun tinɛnu anubɛ a fasɛnu denu bi a mala, ma bagbuyinu ni kiri anu nyɔgɔn na, ado ma bagbuyi ye koloyala iko a di Alla ye, a ni koloya nya min.

Kɔlɔsi 3:16

Kirasitita kumɛ ni sigi wo yisi rɔ ka wara nyɔ. Wo ni wo nyɔgɔn karan ka wo nyɔgɔn makawandi hɛnkilimayɛ la. Wo ni to bɛtinu bɔla Yaburi kitabu rɔ ka sigi-sɛnimɛnu sa. Wo ni bɛti wonu bɔ Alla ye baraka-birɛ la wo yisi rɔ.

Kɔlɔsi 4:7

Ma na-kelen-nyɔgɛ Tikika, lanaya wɔli-kɛlɛ le ale la anubɛ ma wɔli-kɛ-nyɔgɛ Marita wɔlɛ kɛ rɔ. Wo le si n bara-koe-bɛɛ fɔ wo ye.

1 Tɛsalonaika 3:2

ka ma na-kelen-nyɔgɛ Timoti lata wo ma. Mabɛ ale ye wɔlila ma nyɔgɔn fɛ Alla ye ka Kirasitita kibara-nyimɛ-kawandilɛ bɔ. Ma ya Timoti lata wo ma alako wo ni wo sɛbɛ don wola dɛnkɛninyɛ ma.

1 Timoti 1:10

yɛlannu wo, kei-maki-keinu wo, yɔɔn-mayiralɛnu wo, foninya-fɔlɛnu wo, foninya-sereya-bɔlɛnu wo, anubɛ ko-wo-ko min si tonya-karan masɔsɔ, tɔn kɛ sɛbɛnɛ wonu denu ye.

1 Timoti 4:16

I hɛnkili to i nyɛrɛ anubɛ ila karan ko. I ni to koe kɛnu kɛla bawo Alla si wobɛ i kan-namɔɛnnɛnu kisi ka a tɛgɛ ila wɔli-nyimɛ ma.

1 Timoti 6:3

Ni mɔgɔ-wo-mɔgɔ ya karan-gbɛrɛ do kɛ, ado a ma sɔn Mari Yisa, Allata-Mɔgɔ-Yabɔnɛta kumɛnu ma, hali maleta dina-karan wara-koe rɔ,

2 Timoti 1:6

Wo le ya a to, n bi i hɛnkili bilala ko Alla ya fandɛ min di i ma, i ni wo mara a kin na! N ya n bole sa i kuma tumɛ min, i ya wo sɔrɔn tumɛ wo le tɔ,

2 Timoti 3:10

I wara nna karan lakɔrɔsi ka bila n fɛ. I ya n kɛ-nya lɔn anubɛ nna ko-latɛgɛ-nya. I wara nta dɛnkɛninyɛ yen Yisa ma anubɛ n si n munyu nya min. Keninteyɛ min bi n tɔ, i ya wo bɛɛ lɔn, ado n ti kuri fenfen ma.

2 Timoti 4:3

bawo wati ye nala, mɔgɛnu ti anu tole masɔ tonyɛ la tun. Anu si bila anu nyɛrɛ-natanu fɛ. Anu si to karan-mɔgɛnu nadɛnna anu nyɛrɛ ye, minnu si anu toleta diyana-koenu fɔ anu ye.

Taita 2:1

Alla ye nyinina, hadama-dannu ni ko ladan nya min, i si to mɔgɛnu karanna koe wonu na.

1 Pita 2:2

Wo ni ma iko den-sɔrɔn-sannu susun-sɔgɛ si minnu bira tuma-wo-tuma. Kin-yi-sɛnimɛ-sɔgɛ ni male bira wo nya na le. Woletɔ wo tenbi wo susunna, wola dɛnkɛninyɛ si to koloyala,

2 Yɔni 1:9

Min ti to Kirasitila karan rɔ fɔ ka do sa a kuma, Alla sa wo bolo. Kɔnɔ min tonɛ karan wo rɔ, ma Fa Alla anubɛ ala den Yisa, anu fila bɛɛ ye wo le bolo.

Yude 1:5

Hali wo ya koe kɛ bɛɛ lɔn, n bi a fɛ ka wo hɛnkili bila wola ko la. Alla ya Isirɛla mɔgɛnu kisi ka anu bɔ Iyipiti nyamanɛ rɔ kɔnɔ wo kɔma, a ya wonu halaki minnu dɛnkɛninyani ma a ma.