1 Timoti 3:8 - ALLALA KUMƐ

⁸ Chɔchi-dɛnbɛni-kɛlɛnu fanan ni ma sɔn-nyima-tiginu na. Anu ni ma kan-kelen-tiginu na. Anu kana ma baan-minnɛnu na, ni wo ma, tɔnɔ-yogo-nyininɛnu.

1 Timoti 3:8 ပူးပေါင်းရင်းမြစ်များ

Yaburi 12:2

Anu bi foninyɛ fɔla anu nyɔgɔn ye. Anu bi anu nyɔgɔn yanfala kuma-teleka-telekɛnu na.

Yaburi 5:9

Tonya-kuma-wo-kuma sa n yoge wonu da rɔ, fɔ kasarɛ gbansan! Fenfen sa anu da rɔ fɔ yanfanteya-kuma-teleka-telekɛnu. Anuna darɔ-diya-kumɛ wonu si mɔgɛnu natuntun lakira.

Yaburi 50:19

“Kuma-yogoma-fɔɛ di wo ye tuma-wo-tuma. Tamayi sa wo la foninya-fɔɛ rɔ.

Yaburi 52:2

Telen-gbɛn, i ye i mirila karagbɛlɛyɛ ma. I dɛ latugunɛ iko muru-da-diyamɛ. Tuma-wo-tuma, ile ye i mirila foninya-kurɛ le ma.

Isikiyɛli 44:21

Yanni a ni don Bato-Bon-luyi ma, saraka-masɔla fenfen kana gbɛɛ min.

Saraka-Masɔlɛnuta Tɔnnu 10:9

“Ile anubɛ ila den-keminɛnu, yanni wo ni ta nta Fani-Bɔn la tumɛ min, wo kana baan min. Fenfen min si mɔgɔ kun tafin, wo kana wonu min. Ni wo ya wo ma, wo si faga. Tɔn le kɛ la ka a fɔlɔ ile Aruna ma ha i kegeyɛnu. Wo kana a tinya.

Romu 3:13

Anuna darɔ-gboyɛ manɛ iko kanba-lakanɛ. Fenfen sa anu da rɔ fɔ yanfanteya-kumɛnu. Niyi-ragbɛrɛn-kumɛnu bi bɔla anu da rɔ iko duguma-fen-marɛ.

Filipai 1:1

Nde, Pɔli anubɛ Timoti ye kɛdi kɛ sɛbɛla. Yisa Kirasitila wɔli-kɛlɛ le male la. Kɛ sɛbɛnɛ wole, Allata mɔgɛnu ma minnu bi Filipai soe burɔ ka a lake wobɛ chɔchi-mɔgɔ-banu ma anubɛ minnu bi dɛnbɛnɛ kɛla nyɔ. Wo bɛɛ ye Kirasiti Yisa rɔ dɛnkɛninya-kilɛ fɛ.

1 Timoti 3:12

Chɔchi-dɛnbɛni-kɛlɛ ni telen ala musi ye. A ni ala dannu anubɛ ala bonna-mɔgɛnu mara a kin na!

1 Timoti 3:2

Fɛɛ-wo-fɛɛ kana taran chɔchi-mɔgɔ-ba la. A ni a telen ala musi ye. A ni ma sɛbɛna-mɔgɛ la koe bɛɛ rɔ. A ni ma nyɛrɛ-mara-mɔgɛ la anubɛ ala ko-ladan-nya ni telen. A ni sundannu tabira a kin na! A ni kusanya mɔgɛnu karanna.

1 Timoti 3:3

A kana ma baan-minnɛ la anubɛ kɛlɛ-tɛgɛlɛ. A ni ma sabari-mɔgɛ anubɛ yisi-kima-mɔgɛ la. A kana wodi keni.

1 Timoti 5:23

N bara a lamɔɛn min kɛ ko i buyi ye i dimila, ado kirayɛ sa i bolokala. I kana dan yi dɔrɔn ma fɔ ka to nɔnbɔ-gbɔ-yi doni minna.

Taita 1:7

Fɛɛ kana taran chɔchi-mɔgɔ-ba la bawo Allala wɔlɛ kerifanɛ ale le la. A kana ma nyɛrɛ-sako-kɛlɛ la. A yisi kana bɔ tiriya! A kana ma baan-minnɛ la anubɛ kɛlɛ-tɛgɛlɛ anubɛ tɔnɔ-yogo-nyininɛ.

Taita 2:3

A fɔ musu-kɔrɛnu fanan ye wo nya ko anu ni anu tagama-nya sɛninya iko a bɛnnɛ musu-sɛnimɛnu ma nya min. Anu kana ma mɔgɔ-tɔgɔ-tinyalɛnu na, ni wo ma, baan-minnɛnu. Anu ni ma ko-nyima-karan-mɔgɛnu na.

Yemesi 3:10

Baraka-bira-kumɛ anubɛ dankali-kumɛnu bi bɔla da kelan wo le tɔ. N na-kelen-nyɔgɛnu, wo ma bɛn hali,

1 Pita 5:2

N bi wo madiyala ko Alla ara mɔgɛ minnu di wo ma, wo ni wonu kandan iko saga-fɛ-biralɛ si ala saga-kurɔn kandan nya min. Wo ni anu kandan a kin na, ado wo le di Alla ye. Wo kana a kɛ fɔrɔsɛ la. Wo kana a kɛ sara-koe la. Wo ni to wɔlila sewɛ rɔ wo yisi bɛɛ la.