1 Timoti 3:7 - ALLALA KUMƐ

⁷ A ni ma mɔgɛ la min gbiliyanɛ hali dɛnkɛninyabɛlɛnu bolo alako mɔgɔ kana a lafɛya min si a ma, a ni bui Setanɛta gbonse kɔrɔ.

1 Timoti 3:7 ပူးပေါင်းရင်းမြစ်များ

Maraka 4:11

Yisa ya a fɔ anu ye ko, “Allala mansayɛ gbundu-ko-hɛnkilimayɛ dira wole ma. Kɔnɔ n si a fɔ doinu ye tilinu tɔ.

Kɛwɔlɛnu 10:22

Anu ya a yabi ko, “Romu kɛlɛ-den-kun-tigi Kɔniliyasi le ya ma sɔ i wara. Mɔgɔ-nyimɛ le min bi Alla batola. Yahudiya bɛɛ ye a gbiliyala bɛrɛkɛ! Allala melika do le ya a fɔ a ye ko a ni ile kele ala bɔn la. I ye nala min fɔla, a ye a fɛ ka wo lamɔɛn i bolo.”

Kɛwɔlɛnu 22:12

“Kei do ye nyɔ nun, a tɔgɛ Ananayasi. Mɔgɔ-telennɛ le min si Nɛbi Musata tɔn bɛɛ bira. Yahudiya min bɛɛ siginɛ Damasika, wonu si a gbiliya bɛrɛkɛ!

Kɛwɔlɛnu 6:3

Woletɔ n diyana-mɔgɛnu, wo ni kei wɔrɔnfila yabɔ wo tɛma, mɔgɛnu bi minnu matɔgɔla ko anu fanɛ Allala Ni-Sɛnimɛ anubɛ hɛnkili la. Ma ni wonu sigi koe kɛ kun na.

1 Kɔrɛnti 10:32

Wo kana ma tɔrɔya-sebu la Yahudiyanu anubɛ sibolo-gbɛrɛnu ye, wo ta-nyɔgɛ dɛnkɛninya-mɔgɛnu, kɔni.

1 Kɔrɛnti 5:12

Ka mɔgɔ-gbɛrɛnu kiti, nta wɔli ma wo la! Alla le si wonu kiti. Ka kiti tɛgɛ wo nyɔgɔn tɛma chɔchi burɔ, wota wɔlɛ le wo la. Iko a sɛbɛnɛ Allala kitabu rɔ nya min ko, “Wo ni ko-yogoma-kɛlɛnu nabɔ wo tɛma.”

2 Kɔrɛnti 6:3

Ma sa a fɛ, mɔgɔ-wo-mɔgɔ ni fɛɛ yen mala wɔlɛ la. Woletɔ ma ye ma rayala ko ma kana kin-natugu-fan sa kilɛ la mɔgɛnu ye.

2 Kɔrɛnti 8:21

Ma sako le ka ko-latelennɛ kɛ. Ka a kɛ Mari yala dɔrɔn, wo ma, fɔ mɔgɛnu yala fanan.

Kɔlɔsi 4:5

Wo ni ma hɛnkilimɛnu na dɛnkɛninyabɛlɛnu bara la. Wo ye fɛrɛ min bɛɛ sɔrɔnna, wo kana wo tinya.

1 Tɛsalonaika 4:12

Wo le ya a to, wo si gbiliyɛ sɔrɔn hali dɛnkɛninyabɛlɛnu bolo. Wo ti wola dunɛ sa mɔgɔ-wo-mɔgɔ kuma worɔ.

1 Tɛsalonaika 5:22

Min yogo, wo ni wo tanka ko-su wo bɛɛ ma.

1 Timoti 3:6

A kana ma dɛnkɛninya-mɔgɔ-kurɛ la bawo ni a wasira, Alla si a kiti iko a ya Setanɛ kiti nya min.

1 Timoti 5:14

Woletɔ min fisa, kɛɛ-musu-fonikenu ni sigi furi rɔ ka to dannu sɔrɔnna. Anu ni anuna bɔnnu fɛ-bira alako ma kana fɛrɛ di ma yogenu ma ka kuma-yogomɛ fɔ ma ma,

1 Timoti 6:9

Kɔnɔ minnu bi a fɛ ka ma nɔnfulu-tigi la, wonu si bui nata-yogoma-su bɛɛ rɔ. Yuwaya-koe anubɛ sɔn-yogoma-siyamɛ si ma gbɛrɛ la anu ye. Wonu bi nala buila ka don nyɛrɛ-tinya anubɛ halaki-koe rɔ

2 Timoti 2:26

Wo kɔma, anu si hɛnkili sɔrɔn alako anu ni bɔ Setanɛta gbɛrɛ la nya min. Bawo Setanɛ ara anu bira ko anu ni ale sako kɛ.

Taita 2:5

Musu-fonike wonu ni ma nyɛrɛ-bira-mɔgɛnu na anubɛ mɔgɔ-sɛnimɛnu. Anu ni ma furu-musu-nyimɛnu anubɛ ko-nyima-kɛlɛnu na minnu bi anuna keinuna kumɛ birala. Ni wo mara, mɔgɔ-wo-mɔgɔ ti kuma-yogomɛ fɔ Allala kumɛ ma.

Taita 2:8

I wa mɔgɛnu karan, i ni kuma-latelennɛnu fɔ alako ko-yogoma wo ko-yogoma kana taran anu yisi rɔ malela ko la. Ni i tora kuma-latelennɛnu fɔla, anu si miliya bawo anuna kumɛ, kolo sa a rɔ.

3 Yɔni 1:12

Bɛɛ ye n fa Dimitiya tɔgɔ-nyimɛ fɔla, ado anu bi min fɔla, wo bɛɛ tonyɛ. Ma ara mata sereyɛ kofu wo ma. Wo ya a lɔn ko ma ya min fɔ, tonyɛ le.

1 Samuwɛli 2:24

Nna dannu, Marila mɔgɛnu bi min fɔla n ye, ko-yogomɛ le wonu na. Wo ni wo sɔn-yogomɛ wonu boloka!