1 Timoti 1:20 - ALLALA KUMƐ

²⁰ Wo do le Haimɛneyasi anubɛ Alɛsanda la, n bara minnu nadon Setanɛta sɛnbɛ kɔrɔ. N ya wo ma alako anu ni fara kuma-yogoma-fɔɛ la Alla ma.

1 Timoti 1:20 ပူးပေါင်းရင်းမြစ်များ

Matiyu 18:17

Kɔnɔ ni a ma sɔn wonu fanan bolo, i ni koe wo bɛɛ rakaran wo ta-nyɔgɛ dɛnkɛninya-mɔgɛnu ye. Nba, ni a ma sɔn wonu fanan bolo, i ni a bira iko sibolo-gbɛrɛ, ni wo ma, duti-makelelɛ.

Kɛwɔlɛnu 13:45

Yahudiyanu ya nyama yen tumɛ min, keliyɛ wulita anu na kati! Anu ya Pɔli manyini ka ala kumɛ bɛɛ masɔsɔ.

Kɛwɔlɛnu 19:33

Tɔ-a-la, mɔgɛ donu ko Alɛsanda le koe wo kunyɛ la bawo Yahudiyanu ya a sɔ anu yarɔ. Alɛsanda ya a bole sa a dɛ la ko mɔgɛnu ni anu sabari. A ya a raya ka a nyɛrɛ fɛka mɔgɛnu yala.

1 Kɔrɛnti 11:32

Mari ye ma kitila ka ma tɔrɔ kaka alako mabɛ dɛnkɛninyabɛlɛnu kana halaki ma nyɔgɔn fɛ kiti-tɛgɛ-lunyɛ.

2 Kɔrɛnti 10:6

Wo ni wota kuma-birɛ yira fɔlɔn, wo kɔma, ma si ma rabɛn ka kuma-birabɛlɛ-bɛɛ tɔrɔ!

2 Kɔrɛnti 13:10

Yanni n ni ke nyɔ, n bi koe kɛnu sɛbɛla wo ma. Woletɔ n ba ke nyɔ tumɛ min, n kana a lagbɛlɛya wo kuma. Mari ya sɛnbɛ min di n ma, n bi wo lawɔlila ka wo lasabati kɔnɔ wo labui ko ma de!

2 Tɛsalonaika 3:15

N ma a fɔ wo ye ko wo ni anu bira iko wo yogenu kɔnɔ wo ni anu makawandi iko wo na-kelen-nyɔgɛnu.

1 Timoti 5:15

ado kɛɛ-musi donu bara ban yɛlɛmana ka bila Setanɛ fɛ.

2 Timoti 2:14

I ni ila mɔgɛnu hɛnkili bila kɛ ko ka anu makawandi bɛrɛkɛ Alla yala. Kumɛ minnu ti ko-wo-ko nyinya fɔ ka a lamɔɛnnɛnu tinya, i kana sɔsɔli sa kumɛ wonu ma.

2 Timoti 2:17

Anu bi mɔgɛnu karanna min na, wo manɛ iko tɛlɛ-wɛ min bi mɔgɔ fɛrɛ dɔnna tala. Haimɛneyasi anubɛ Failita ye karan-mɔgɔ wonu tɛma.

2 Timoti 3:2

Mɔgɛnu si to hɔnna anu nyɛrɛ la alako ka fan bɛɛ ladɛn anu nyɛrɛ ye. Anu si ma nyɛrɛ-matɔgɔlɛnu na ha ka anu yɛ layigi a mɔgɔ-toenu ma. Anu si ma mɔgɔ-lafɛyalɛnu na ka anu sɔrɔnnɛnuna kumɛ tinya. Anu si ma fisiri-fasarɛnu na anubɛ dina-birabɛlɛnu.

Hiburunu 12:5

Alla ya a fɔ wole, ala dannu ye ko, “Nna dan, nde, Mari tenbi i latelennna, i ni i tole masɔ n na a kin na! N tenbi i makumala, i yisi kana tinya, ado nde, Mari ara min bɛɛ keni, n si wonu bɛɛ kolo. N bi min bɛɛ rabirala iko nna dannu, n bi wonu denu tɔrɔla.” Wo ara nyina makawandili-kumɛ wonu ko, wa?

Lankɛnimayɛ 13:1

Wo kɔma, n ya sogo-feremɛ namatoe yen bɔla kɔgɔ-yi rɔ. A kere tan. A kunyɛ wɔrɔnfila. Mansaya-fulɛ ye a kere kelen-kelennamɛ-bɛɛ la. Alla-rapɔsi-kumɛnu sɛbɛnɛ a kunyɛ wonu ma.

Lankɛnimayɛ 3:19

Min bɛɛ di n ye, n si wo tigi makuma ka a kolo. Nba, wo ni wo raya ka wo kɛ-nya yɛlɛma ka wola hakɛ boloka.