1 Timoti 1:16 - ALLALA KUMƐ

¹⁶ Alla kinikinita nde ma min kɛ, a ye nyinina ka a yira ko Yisa Kirasiti ya a munyu n kɔrɔ nya min, wo si a ma, minnu bɛɛsi lara a la, a ni a munyu wonu fanan kɔrɔ. Nde min mara hakɛ-tiginuna mansɛ la, a ya n ma misalɛ la bɛɛ ye alako mɔgɛnu si dɛnkɛninya a ma nya min ka habadan-nimayɛ sɔrɔn.

1 Timoti 1:16 ပူးပေါင်းရင်းမြစ်များ

2 Ko-Kɔrɔta-Karan 33:19

Ale mansɛta mataralɛ wo, Allata yabilɛ wo, ale mansɛ ara hakɛ min kɛ nun yanni a ni tubi wo, a ya ko-yogomɛ min kɛ wo, a ya bɛsi-kɔ-tinɛ minnu nadan wo, anubɛ a ya bɛsi-musi Asurala muninyɛ lɛsɛ wo, anu ya wo bɛɛ sɛbɛ nɛbiya-buku do rɔ.

Yaburi 25:11

E, Mari, n makoto n hakɛ-siyamɛ la iko i wara lanyiri kiri n ye nya min.

Bɔ-Koe-Iyipiti 34:8

A ma mɛ, Musa ya a madu dugi ma ka Mari bato.

Aiseya 1:18

Mari ko, “Wole Isirɛla mɔgɛnu, wo na, ma ni kumɛ kɛ ban.” Hali wo ara wo kɔsɔ hakɛ la, a ko a si wo ku ka wo gbɛ feu! Hali wo ara wo nyɛrɛ mafin hakɛ la, a ko a si wo gbɛ iko kɔlɔli-munke.

Aiseya 43:25

Kɔnɔ hali wo, a ko ma hakɛ-makotolɛ le ale Mari la. A ko a ye wo mala le ka a tɛgɛ a nyɛrɛla ko ma. A ko a ti ma bira ma hakɛ-yili la.

Aiseya 55:7

Karagbɛlɛ bɛɛ ni a kɛ-nya boloka ka anu miriyanu yɛlɛma. Anu ni anu ya-lamunun mata Mari Alla la, a si kinikini anu ma ka anu makoto feu!

Yilan-Yilan Koe 23:3

Wo kɔma, Belam ya a fɔ Mansa Balaki ye ko, “I sɔ ila sarakɛ kɛnu dafɛ ka n makɔnɔ anu tɔgɔfɛ. N ni ta n dan na. Tumado Mari si kuma n na. N ni a lɔn a ye nala min fɔla n ye. A ya fenfen fɔ n ye, n si a ma, i ni wo lɔn.” Ale kelen pe yɛlɛta a ma a dan na.

Luka 15:10

N bi a fɔla wo ye, hakɛ-tigi kelen ba tubi, Allala melikanu si sewa wo nya na le.”

Luka 23:43

Yisa ya a fɔ a ye ko, “Wo ni wo hɛnkili to kɛ ko! Bi, i si ke kan-tina-ladiyanɛ rɔ nde fɛ.”

Luka 7:47

N bi a fɔla i ye ko musi kɛ ara keninteyɛ min yira, wo ara bɔ gbɛ rɔ ko ala hakɛ siyamɛnu ma ara koto. Kɔnɔ minna hakɛ-nɛ makotora, wo si keninteyɛ dɔgɔmanɛ yira.”

Yɔni 20:31

Kɔnɔ kɛnu sɛbɛnɛ alako wo ni la a la ko Yisa kɛ, Allala dan le, Alla ya min yabɔ ma kisi-koe la. Wo wa dɛnkɛninya a ma, wo si habadan-nimayɛ sɔrɔn a tɔgɛ rɔ.

Yɔni 3:36

Ni min dɛnkɛninyara nde, Allala dan ma, habadan-nimayɛ ye wo bolo. Ni min ti to ala danta kumɛ birala, wo tigi ti niyi sɔrɔn fɔ Allala diminyɛ min si to a kuma tɛban!”

Yɔni 5:24

“N bi tonyɛ fɔla wo ye, min ba nna kumɛ lamɔɛn ka dɛnkɛninya n Fa Alla ma min ya n sɔ, habadan-nimayɛ ye wo bolo. Kiti sa wo tigi ma. A manɛ iko mɔgɛ min bara faga nun kɔnɔ kaka, a ara niyi-kurɛ sɔrɔn tun.

Yɔni 6:37

N fa ara mɔgɛ min bɛɛ di n ma, wonu si ma n gba-fɛ-bilalɛnu na. Min ba ma n gba-fɛ-bilalɛ la, n ti wo gben mumɛ!

Yɔni 6:40

N fa diyana-koe le ko min bɛɛ wa nde, ala dan mafɛlɛn ka dɛnkɛninya n ma, wo si habadan-nimayɛ sɔrɔn. Nba, tele-laban-lun, n si anu nawuli ka niyi-kurɛ di anu ma.”

Yɔni 6:54

Min ba n bagbuyi dɔn ka n yele min, habadan-nimayɛ ye wo tigi bolo. Tele-laban-lun, n si a lawuli ka niyi-kurɛ di a ma,

Romu 15:4

Min bɛɛ sɛbɛnɛ Allala kitabu rɔ kɔrɔma la, wo sɛbɛnɛ alako ka ma karan. Anu si a ma, ma ni ma munyu ka ma sɛnbɛ don alako ma si yigi sɔrɔn nya min.

Romu 6:23

Hakɛ sarɛ le sayɛ la kɔnɔ Allala sanbɛ le habadan-nimayɛ la ma Mari Yisa, Allata-Mɔgɔ-Yabɔnɛ baraka rɔ.

1 Kɔrɛnti 7:25

Nba, kemini-pose, anubɛ sunkurun-posenu, a bɛnta, wole si min ma, Alla ma wo fɔ n ye kɔnɔ n si nta miriya fɔ wo ye, ado Marita kinikini-wɛ ara a ma, n ba kumɛ min fɔ, mɔgɛnu si ke lala wo la.

2 Kɔrɛnti 4:1

Alla ara kinikini ma ma ka kawandili-bɔ-wɔlɛ kɛ di ma ma. Woletɔ ma ti kuri.

Ɛfɛsa 1:12

Nba, male Isirɛla mɔgɛ minnu fɔlɔn ya Kirasiti ma ma yigi la, male fɔlɔn ni Alla tanto wona ata gbiliyɛla ko la!

Ɛfɛsa 1:6

Ma ni a tanto ata hina-belebele-wɛla ko la kosɛbɛ! A ara wo di ma ma sewɛ rɔ a diyana-dan baraka rɔ.

Ɛfɛsa 2:7

Alla ya a latɛgɛ wo nya na le alako a ni ala hina-waranɛ labɔ gbɛ ma, ado a ya hinɛ wo yira ma la Yisa Kirasiti le tɔ.

2 Tɛsalonaika 1:10

Yisa wa na tele min tɔ, kɛ bɛɛ si ma. A si gbiliyɛ sɔrɔn ala mɔgɛnu bolo. Dɛnkɛninya-mɔgɛ-bɛɛ si kawa Yisa ma, ado wole fanan si taran wonu tɛma bawo ma ya kumɛ min fɔ wo ye, wo lara wo bɛɛ la.

1 Timoti 1:13

N bara kuma-yogomɛ fɔ Alla ma nun ka ala mɔgɛnu kɛlɛ hali ka wunduyogoyɛ sigi anu na. Kɔnɔ Alla kinikinita n ma bawo n ya wo bɛɛ kɛ dɛnkɛninyabɛlitayɛ le tɔ. N bi min kɛla nun, n ma wo lɔn.

Hiburunu 7:25

ado minnu bi nala Alla ma Yisa baraka rɔ, ale le si ke wonu nakisila feu, bawo a ye a kɛndɛ la habadan! A ye Alla madiyala wonu ye tɛban!

1 Pita 3:20

Wo tumɛ Nowa ye kulɔn ladanna, Alla ya a munyu mɔgɔ wonu kɔrɔ kati, bawo anu ma sɔn ala kumɛ birala. Mɔgɔ siyaman ma don kulɔn wo rɔ fɔ anu mɔgɔ segin pe minnu kisira yi-fɛ wo ma,

2 Pita 3:15

Iko ma na-kelen-nyɔgɛ, Pɔli min di ma ye, wo ya a sɛbɛ wo ma nya min, wo ni Marila munyu-koe lɔn ko a ye fɛrɛ le dila wo ma alako wo si kisi nya min. Alla ya hɛnkili min di a ma, a ya hɛnkilimaya-kumɛ wonu fɔ wo ye.

2 Pita 3:9

Mari kun kimayani ma ata lanyiri-lakanbaliya-koe rɔ iko doinu bi anu mirila nya min. Kɔnɔ a munyunɛ wolela ko la bawo a ma di a ye, mɔgɔ-wo-mɔgɔ ni halaki kɔnɔ a ye a fɛ, mɔgɛ bɛɛ ni yɛlɛma ka bɔ anu hakɛ rɔ.