1 Timoti 1:10 - ALLALA KUMƐ

¹⁰ yɛlannu wo, kei-maki-keinu wo, yɔɔn-mayiralɛnu wo, foninya-fɔlɛnu wo, foninya-sereya-bɔlɛnu wo, anubɛ ko-wo-ko min si tonya-karan masɔsɔ, tɔn kɛ sɛbɛnɛ wonu denu ye.

1 Timoti 1:10 ပူးပေါင်းရင်းမြစ်များ

Ko-Dabirɛnu 19:5

Anu ya Lɔti kele ka a fɔ a ye ko, “Kei minnu nara i warɛ wurɛ kɛ la, wonu bi mi? Anu nabɔ ma ye alako ma ni ma sa anu fɛ.”

Ko-Dabirɛnu 37:27

Wo na, ma ni a mayira Sumanyila kegeyɛnu ma. Ma kana ko-yogoma ma a la kamasɔrɔn ma na-kelen-nyɔgɔ-bɛrɛbɛrɛ le ale la.” Anu ya a kuman-kan wo bira.

Ko-Dabirɛnu 40:15

Anu ya n kankan de ka bɔ n barɛ Hiburu nyamanɛ rɔ. Hali yan fanan, n ma ko-wo-ko ma mɔgɔ la. Anu bara n bira ka n nadon yele la pinpi-bɔn kɛ la.”

Bɔ-Koe-Iyipiti 20:7

“Mɔgɔ kana n tɔgɛ ratɛgɛ fufafui la. Ni min ya wo ma, n si wo tigi tɔrɔ.

Bɔ-Koe-Iyipiti 21:16

“Ni min ya mɔgɛ kankan, ni a ya mɔgɛ wo mayira le wo, ni a tora a bolo le wo, wo ni kankan wo faga.

Hoseya 10:4

Wole ye kuma-fuyinu fɔla ka foninya-lanyirinu kiri ka to wo da le fɔla kɛlɛ-makima-koe rɔ. Latelan ara a laban wo bolo ko-raduyi ma kiti-fɔ-tinɛ. Wo mani de iko mɔgɛ wa fui-fan fui, fen-gbɛrɛkɛ ma fɛrɛn nyɔ fɔ dawurɛ.

Saraka-Masɔlɛnuta Tɔnnu 18:22

Mɔgɔ kana a sa a ta-nyɔgɔ-kei fɛ. Wo ma di Alla ye mumɛ!

Saraka-Masɔlɛnuta Tɔnnu 20:13

“Ni min ya a sa mɔgɔla yɔɔn-musi fɛ min mabiranɛ kei do bolo kɔnɔ a ma kunka wɛ, anu ti ale yɔɔn-tigi wo faga bawo a ya a sa ala yɔɔn-musi fɛ kɔnɔ a si yiliki-sarakɛ bɔ dɔrɔn.

Sakaraya 5:4

Mari Sɛnbɛ-Bɛɛ-Tigi ko dankɛ wo si don wonuna bɔnnu na ka a bon-kɔlɔmanu keri anubɛ a bon-kuri minnu siginɛ anu nyɔgɔn kuma. Digi Yen-Koe

Sakaraya 8:17

A ko wo kana wo miri ko-yogomɛ ma wo nyɔgɔn tɔgɔ rɔ. A ko wo kana foninyɛ fɔ gboroli-kɛ-tinɛ bawo foninya-fɔɛ wo, telenbɛlitayɛ wo, wunduyogoyɛ wo, a ko wonu gbo a ye.

Malakayi 3:5

Mari Sɛnbɛ-Bɛɛ-Tigi ko a si bɔ gbɛ rɔ wo ye ka ko-yogoma-kɛlɛnu makuma. A duru wo, a yɛlɛn wo, a foninya-sereya-fɔla wo, minnu bi wɔli-kɛlɛnu kensunyala anu sarɛnu kuma wo, a kɛɛ-musu bolo-labirala wo, a kelenni bolo-labirala wo, a sundan bolo-labirala wo, ado anu fenfen sa a gbiliyala, a si wo bɛɛ kiti!

Yɔni 8:44

Wo fa Setanɛla dannu le wole la. Nba, wo ye a fɛ ka wo fa diyana-koenu kɛ. Kebi fɔlɔ, mɔgɔ-fagalɛ le ale la. A ma sɔn tonyɛ ma bawo tonyɛ sa ale rɔ. A wa foninya fɔ, wo ye a yirala a ye nya min. Foninya-fɔlɛ le ale la, ado ale Setanɛ, foninya-fɔlɛ bɛɛ fa le ale la.

Romu 1:26

Alla ya anu to anu sako-latinyanɛ rɔ. Hali anuna musinu, anu ya anuna keinu to nyɔ ka to anu sala anu nyɔgɔn fɛ, ado wo ma daga.

Tɔn-Fɔɛ-Fila-Nyɔgɛ 24:7

“Ni min ya a na-kelen-nyɔgɛ Isirɛla mɔgɛ do kankan ka a ma ala yɔɔn la, ni wo ma, ka a mayira yɔɔnyɛ rɔ, wo si wo tigi faga don! Ni wo ya wo ma, wo si ko-yogoma-su wonu ban wo tɛma.

1 Timoti 4:6

Ni i ya i na-kelen-nyɔgɛnu makawandi koe kɛnu na, i si ma Yisa Kirasitita wɔli-kɛla-nyimɛ la. I si a lagbɛ ko i makolota dɛnkɛninya-kumɛ anubɛ tonya-karan wonu na i wara minnu bira.

1 Timoti 6:3

Ni mɔgɔ-wo-mɔgɔ ya karan-gbɛrɛ do kɛ, ado a ma sɔn Mari Yisa, Allata-Mɔgɔ-Yabɔnɛta kumɛnu ma, hali maleta dina-karan wara-koe rɔ,

2 Timoti 1:13

N ya i karan kuma-kɛndɛ minnu na, wonu bira gben! Wonu ni ma misalɛ la ile ye ko i ni wo nyɔgɔn kɛ. Dɛnkɛninyɛ anubɛ keninteyɛ minnu bi ma bolo Yisa Kirasiti baraka rɔ, i ni to wonu tɔ.

2 Timoti 4:3

bawo wati ye nala, mɔgɛnu ti anu tole masɔ tonyɛ la tun. Anu si bila anu nyɛrɛ-natanu fɛ. Anu si to karan-mɔgɛnu nadɛnna anu nyɛrɛ ye, minnu si anu toleta diyana-koenu fɔ anu ye.

Taita 1:13

Nɛbi wo ya min fɔ, tonyɛ le. Wo le ya a to, i ni anu makuma bɛrɛkɛ alako anu ni dɛnkɛninya-kɛndɛ sɔrɔn.

Taita 1:9

A ni kiri lanaya-kumɛ wonu ma minnu bɛnnɛ karan-kɛndɛ ma. A si ke worɔ ka donu makawandi tonya-karan kɛ fɛ anubɛ minnu bi tonya-karan kɛ masɔsɔla, a ni wonu natelen.

Hiburunu 13:4

Mɔgɛ bɛɛ ni furi gbiliya. Keinubɛ musinu ni telen anu nyɔgɔn ye dɛɛ, ado Alla si sɔn-yogoma-tiginu anubɛ yɛlannu kiti.

Yude 1:7

Wo ni wo hɛnkili to Sɔdɔm anubɛ Kɔmɔra anubɛ anu dafɛ-soenu ko. Nyɔ-mɔgɛnu ya a ma iko melikanu ya a ma nya min. Anu ya yɛlɛnya-su kɛ min ma daga mumɛ! Anu bi tɔrɔla habadan-tɛ le tɔ alako anu ni ma misali-bɛrɛ la mɔgɛ bɛɛ ye.

Lankɛnimayɛ 18:13

Anuna fan min tɔgɛ sinamɔn wo, kɛnɛ wo, isɛnti wo, mira wo, anubɛ farankinsɛnsɛ, yila-wo-yila sa nyɔ min si wonu fanan san. Baan wo, tulu wo, dɛgɛ-munku wo, fui-fen wo, wonu sanna-wo-sanna sa nyɔ. Ninki wo, sagɛ wo, soee wo, kirindi wo, yɔɔn wo, hali mɔgɔni-gbui, wonu fanan sanna-wo-sanna sa nyɔ.

Lankɛnimayɛ 21:27

Kɔnɔ fen-kɔsɔni wo fenfen ti don soe wo burɔ. Mɔgɛ min si kisimiriya-koe kɛ, wonu ti don soe wo burɔ mumɛ! Hali foninya-fɔlɛnu ti don. Fɔ minnu tɔgɛ sɛbɛnɛ saga-danta nimaya-buku rɔ, wonu denu dɔrɔn si don soe wo burɔ.

Lankɛnimayɛ 21:8

Kɔnɔ a kilandɔgɔ wo, a lanayabɛlɛ wo, a haramu-ko-kɛla wo, a mɔgɔ-fagala wo, a yɛlan wo, minnu bi duriyɛ kɛla wo, minnu bi bɛsɛnu kɔla wo, anubɛ foninya-fɔlɛ bɛɛ, wonu barɛ le ta-dalɛ wo la. Dalɛ wo ye mintanna tɛ anubɛ munku-gbɛ le la. Sayɛ fila nyɔgɛ le wo la.”

Lankɛnimayɛ 22:15

Kɔnɔ haramu-ko-kɛla bɛɛ, a duru wo, a yɛlɛn wo, a mɔgɔ-fagala wo, a bɛsi-kɔla wo, minnu bara foninya-fɔɛ keni wo, wonu bi soe kɔma.