1 Tɛsalonaika 5:6 - ALLALA KUMƐ

⁶ Nba, ma kana kinɔgɔ iko doinu. Ma kundennɛ ni to ka ma yɛ lakalan anubɛ ka ma hɛnkili masɔ.

1 Tɛsalonaika 5:6 ပူးပေါင်းရင်းမြစ်များ

Hɛnkilimaya-Kumɛnu 19:15

Tinya-mansɛ si to sani bɔn la, kɔnkɛ ye a fisikanna.

Aiseya 56:10

Kun-tigi minnu bɛnta ka mɔgɛnu kandan, wonu fiyonyanɛ. Anu ma a lɔn anu bi min kun na. Anu dama manɛ iko wuli min ti ke gbongbonna. Anu ti ke wonwonna mɔgɛnu ma. Kinɔgɛ di anu ye ha! Anu sa fenfen kun na fɔ kiyo-kunba-sɛ.

Yona 1:6

Kulun-kun-tigi ya a sanɛ taran. A ya a lakunden ka a fɔ a ye ko, “I ye kinɔgɔla kama kɛ la? I lasɔ, i ni ita bɛsɛ madiya fɔ a si ma dɛnbɛ. Tumado, a si kinikini ma ma. A si a ma, ma ti faga.”

Matiyu 13:25

Suyi kelen tɔ, bɛɛ ye kinɔgɛ rɔ tumɛ min, a yoge nara ka bin-kole fui ala sɛnɛ rɔ. A tara a ye.

Matiyu 24:42

“Wo rabɛnnɛ ni to bawo wo ma nde, Mari na-tele lɔn.

Matiyu 25:13

Yisa ko, “Nba, wo ni wo yɛ lakalan bawo wo ma n na-tele anubɛ a wati lɔn.

Matiyu 25:5

Kɔnyɔ-tigi ma na yona, woletɔ sunkurɔn wonu ya anu dabira ka yunkun. Anu kinɔgɔra.

Matiyu 26:38

A ya a fɔ anu ye ko, “N yisi tɔrɔnɛ ha n fagamatoe le! Wo ni to yan ka ki wo ya la n fɛ.”

Maraka 13:37

Nba, n bi min fɔla wo ye, n bi wo le fɔla bɛɛ ye. Wo yɛ-lakalannɛ ni to tolon!”

Luka 12:37

Wɔli-kɛlɛ minnu tigi si anu taran, anu tabɛnnɛ, anu bi anu ya la, a si sewa anu na! Wo ni wo hɛnkili to kɛ ko! A si anu nasigi ka a nyɛrɛ mabɛn wɔli-kɛ-koe la anu ye.

Luka 12:39

Wo ni wo hɛnkili to kɛ ko! Ni bon-tigi ya kankan na-wati lɔn ala bɔn la, a ti sɔn kankan ni ala bɔn tinya ka don.

Luka 21:36

Wo ni wo yɛ lakalan ka madiyali kɛ tuma-wo-tuma alako wo ni sɛnbɛ sɔrɔn ka tanka koe kɛ bɛɛ ma minnu si ma. Wo ni sɛnbɛ sɔrɔn alako wo si wo sɔ nde, Hadama-dan yakɔrɔ nya min.”

Luka 22:46

A ya anu manyinika ko, “Wo ye kinɔgɔla nfenna? Wo ni wo lasɔ ka madiyali kɛ ko wo kana don magbɛrɛnkɛ rɔ.”

Kɛwɔlɛnu 20:31

Woletɔ wo ni wo yɛ lakalan. Wo yili ni to kɛ ko. San sawa, n tɔrɔta wola ko la ka wo kelen-kelennamɛ-bɛɛ karan su-ni-tele.

1 Kɔrɛnti 15:34

Wo ni wo hɛnkili masɔ ka fara hakɛ la. N ya a fɔ min kɛ ko donu bi wo tɛma, wonu ma Alla lɔn, miliya-koe le wo la.

1 Kɔrɛnti 16:13

Wo ni wo ya lakalan ka wo sɔ dɛnkɛninyɛ rɔ yiri! Wo ni wo kerinteya ka wo sɛnbɛ don.

Ɛfɛsa 2:3

Tonyɛ le wo la, ma dama manɛ nun iko mɔgɛ wonu. Ma tagamanta iko ma fɛrɛ-natanu bi nya min ka ma nyɛrɛ bagbuyi anubɛ hɛnkili-diyana-koenu ma. Ka a tɛgɛ ma sɔn wonu ma, a bɛnta, Allata fondo-bɔɛ ni kɛ ma iko doinu ka ma tɔrɔ a nya-bɛrɛbɛrɛ ma!

Ɛfɛsa 5:14

ado koe min bara sa tele la, dogonta ko ma wo la tun. Woletɔ anu bi a fɔla ko, “Kinɔgɔlɛ, i ni kunden, i lawuli ka bɔ furinu tɛma! Wo kɔma, Kirasiti si waan raka i ma waran!”

Ɛfɛsa 6:18

Wo ni to madiyali kɛla tuma-wo-tuma koe bɛɛla ko la iko ata Ni-Sɛnimɛ ye wo labilala nya min. Wo yɛ bɛnnɛ ni to. Wo kana bandan madiyali kɛla Allata mɔgɛnu ye.

Filipai 4:5

Mɔgɛ bɛɛ ni a lɔn ko wo dinyanɛ, ado Mari na-tumɛ ara gbɛrɛn!

Kɔlɔsi 4:2

Wo ni to madiyali kɛla dɛɛ! Wo hɛnkili-lakanɛ ni to baraka-birɛ la madiyalɛ rɔ Alla ye.

1 Tɛsalonaika 4:13

Ma na-kelen-nyɔgɛnu, minnu bara ta lakira nun, ma ye a fɛ, wo ni a lɔn anu bara-koe ye nya min. Wo le si a ma, wo ma ti kinikini iko minnu yigi sa habadan-nimayɛla ko la.

1 Tɛsalonaika 5:10

Yisa fagara ma ye alako ni ala nɛ ya ma kɛndɛ taran, ni wo ma, ma faganɛ, wo bɛɛ rɔ, ma si nimayɛ sɔrɔn a bolo.

1 Tɛsalonaika 5:8

Kɔnɔ teleta-mɔgɛ le male la, woletɔ fɔ ma ni ma hɛnkili masɔ. Ma ni dɛnkɛninyɛ anubɛ keninteyɛ don iko kɔgɔ-matanka-fan. Alla ara lɔnnɛ min di ma ma ko ma ara kisi, wo ni ma mala kɛlɛ-kɛ-fulɛ la.

1 Timoti 2:15

Kɔnɔ tɔ-a-la, musinu si kisi den-sɔrɔn fɛ ni anu tora dɛnkɛninyɛ anubɛ keninteyɛ anubɛ sɛninyɛ rɔ ka anu sɛbɛ don.

1 Timoti 2:9

N bi a fɛ fanan, musinu ni ma hɛnkilimɛnu na. Anu kana anu makiri-nya latenbi a dan kun na! Kun-sigi-dannɛ wo, sɛnɛ wo, wodi-gbɛ wo, kuru-da-gbɛlɛ wo, anu kana kinya wonu dɔrɔn fɛ

1 Timoti 3:11

Anuna musinu fanan ni ma sɔn-nyima-tiginu na. Anu kana ma mɔgɔ-dan-tinyanɛnu na. Anu ni ma sɛbɛna-mɔgɛnu na ka lanayɛ kɛ koe bɛɛ rɔ.

1 Timoti 3:2

Fɛɛ-wo-fɛɛ kana taran chɔchi-mɔgɔ-ba la. A ni a telen ala musi ye. A ni ma sɛbɛna-mɔgɛ la koe bɛɛ rɔ. A ni ma nyɛrɛ-mara-mɔgɛ la anubɛ ala ko-ladan-nya ni telen. A ni sundannu tabira a kin na! A ni kusanya mɔgɛnu karanna.

2 Timoti 4:5

Kɔnɔ i ni i nyɛrɛ mara koe bɛɛ rɔ ka i munyu nyagbɛ kɔrɔ. I ni kawandi-bɔ-wɔlɛ kɛ ka i se-koe-bɛɛ kɛ Allala wɔlɛ kɛ rɔ.

Taita 2:12

Allata hinɛ wo ye ma karanna ko ma ni ma kan-kɔ sɔ wunduyogoyɛ la anubɛ duninya-natanu. Ma ni ma nyɛrɛ-bira-mɔgɛnu na anubɛ mɔgɔ-telennɛnu.

Taita 2:6

I ni kemini-fonikenu fanan makawandi wo nya na ko anu ni ma nyɛrɛ-mara-mɔgɛnu na.

1 Pita 1:13

Nba, wo ni wo hɛnkili masɔ ka wo sɛbɛ don. Wo ni wo yɛ lakalan ka wo yigi sa Kirasitita duwɛ kuma, ado Kirasiti wa bɔ gbɛ rɔ tumɛ min, a si wo di wo ma feu!

1 Pita 4:7

Koe bɛɛ ban-tumɛ ara gbɛrɛn. Wo ni wo nyɛrɛ mara ka wo yɛ lakalan, woletɔ wo si ke ka Alla matara a kilɛ fɛ.

1 Pita 5:8

Wo ni wo yɛ laka, ado wo yɛ lakanɛ ni to dɛɛ! Wo yoge, Setanɛ ye wo manɛgɛnna iko yarɛ min bi borondo-borondola. A ye mɔgɛ nyinina, a si min dɔn.

Lankɛnimayɛ 16:15

Mari ko, “Wo ni wo tole masɔ! N bi nala wo latɛrɛnala iko kankan! Mɔgɔ-sewanɛ le wo tigi la min bi kila a ya la ka ala kurɛ makandan alako a lakolɔn kana na to tagamana miliyɛ bolo!”)

Lankɛnimayɛ 3:2

Woletɔ wo ni kunden. Sɛnbɛ-nɛ min bi wo bolo fɔlɔ, wo ni do sa wo kuma yanni a ni ban, ado n bara a yen ko wo ara min kɛ, wo kanbalini ma fɔlɔn ndeta Alla yala.