1 Tɛsalonaika 5:4 - ALLALA KUMƐ

⁴ Kɔnɔ ma na-kelen-nyɔgɛnu, wo sa pinpi rɔ min kɛ, wo tumɛ ti wole latɛrɛna iko kankan.

1 Tɛsalonaika 5:4 ပူးပေါင်းရင်းမြစ်များ

Yɛrɛmaya 42:16

nba, wo kilannɛ kɛlɛ min na, wo si wo taran wo yarɔ nyɔ. Wo kilannɛ kɔnkɛ min na, wo si wo sagaran nyɔ. A ko wo si faga Iyipiti nyamanɛ rɔ nyɔ.

Hoseya 10:9

Mari ko, “Kebi wole, Isirɛla mɔgɛnu ya hakɛ-kɛ dabira Kibiya soe burɔ, wo ma fara a la tun! Woletɔ kɛlɛ-bole si sa wo rɔ Kibiya.

Sakaraya 1:6

Ala wɔli-kɛlɛ wonu minnu bi ata nɛbiyɛ la, a ko wonu ya wo benbanu makawandi-siyaman kɛ ka tɔn fanan di anu ma kɔnɔ anu ya wonu kan bɔrɔbɔ ka tɔrɔya-belebele sɔrɔn. Wo kɔma, a ko anu ya anu sɔ anu hakɛ la ka a fɔ ko anu ya tɔrɔyɛ min sufa sɔrɔn Mari Sɛnbɛ-Bɛɛ-Tigi bolo, wo bɛnta le, yɔ, ado wo bɔra-a-la iko ale Mari ya a miri a ma nya min! Soeenu Yen-Koe

Matiyu 10:15

Wo ni wo hɛnkili to kɛ ko! Kiti-tɛgɛ-tele rɔ, Alla si kinikini Sɔdɔm anubɛ Kɔmɔra soe mɔgɛnu ma ka tenbi soe wo la!

Luka 21:34

“Wo ni a ma wo fɛrɛma wo nyɛrɛla ko la! Wo kana wo nyɛrɛ ma nugulamɛ anubɛ gbɛɛ-minnɛnu na. Wo kana hɔn niyi-kɛ-koenu na. Ni wo ya wonu ma, tele wo si wo latɛrɛna.

Kɛwɔlɛnu 26:18

I ni anu yɛ laka alako anu ni bɔ pinpi rɔ ka anu nana waan rɔ. I ni anu bɔ Setanɛta sɛnbɛ kɔrɔ ka anu nana Alla ma alako anuna hakɛ ma si koto anuna dɛnkɛninyɛ fɛ nya min. Anu si anuna sɔ tinɛ sɔrɔn Allala mɔgɔ-yabɔnɛnu tɛma.’

Tɔn-Fɔɛ-Fila-Nyɔgɛ 19:6

Ni wo ya so kelen de dɔrɔn yabɔ nyamanɛ wo damasi rɔ, a si ma wulɛ la donu bolo. Furi wota mɔgɛ minnu bi a tayili sarala yisi-bɔɛ bolo, wonu si ke mɔgɛ wo birala le bawo soe wo fɛ-yan a la. Ko tinyanta wo min bolo, ni anu ya kei wo faga, anu bara a faga fu bawo a ta-nyɔgɛ wo fagara a bolo sɔgɔ tɛgɛ tinɛ, a ma a lawuli a ma.

Tɔn-Fɔɛ-Fila-Nyɔgɛ 28:15

“N bara Allata tɔn min di wo ma kɛ la bi, ni wo ya wo ban wo bira-koe ma, dankɛ kɛnu si wo bira.

Tɔn-Fɔɛ-Fila-Nyɔgɛ 28:45

“Bawo wo ma wota Mari Alla kuman-kan bira min kɛ, woletɔ tɔrɔya-dɛgbɛ kɛ bɛɛ si sigi wo ma ha wo si ban fagala.

Kɔlɔsi 1:13

A ara ma kisi pinpita sɛnbɛ ma ka na ma la a diyana-danta mansaya-sɛnbɛ kɔrɔ.

1 Tɛsalonaika 5:2

bawo wo nyɛrɛ ya a lɔn ko Mari na-tumɛ si na iko surɔ-kankan.

2 Pita 3:10

Marita tele si na iko kankan. Wo tele kelan rɔ, san-kole si tenbi ka ban sɔnkɔ-sɔnkɔ-ba rɔ. San-kole anubɛ fan minnu bi a rɔ, wonu si mintan ka lee bandin! Dugu-kole anubɛ fan min bɛɛ ye a kuma, wonu bɛɛ si tenbi ka ban.

1 Yɔni 2:8

Hali wo, n bi tɔn-kurɛ do sɛbɛla fanan. Tonya-karan wo si yen wobɛ Kirasiti rɔ, ado pinpi ye nala tenbila ka ban. Wan-bɛrɛ ye bɔla le kaka.

Lankɛnimayɛ 16:15

Mari ko, “Wo ni wo tole masɔ! N bi nala wo latɛrɛnala iko kankan! Mɔgɔ-sewanɛ le wo tigi la min bi kila a ya la ka ala kurɛ makandan alako a lakolɔn kana na to tagamana miliyɛ bolo!”)

Lankɛnimayɛ 3:3

Nba, wo ara min karan wo, anubɛ wo ya min namɔɛn wo, wo hɛnkili ni to wonu ko. Wo ni wonu bira ka wo kɛ-nya yɛlɛma. Ni wo ma kunden, wo hɛnkili sa a ma tumɛ min, n si na kɛ wo ma iko kankan ka wo tɔrɔ.