1 Tɛsalonaika 5:3 - ALLALA KUMƐ

³ Mɔgɛnu tenbi a fɔla ko anu bi yisi-kimɛ anubɛ lafɛrɛ rɔ, nba, anu si tɛrɛna halakiyi la wo wati le tɔ, yɔ! A si ma iko musu-kolomɛ buyi wa a lamaga. Anu ti kisi Mari na-tumɛ rɔ.

1 Tɛsalonaika 5:3 ပူးပေါင်းရင်းမြစ်များ

Yobu 15:21

Kuman-kan-makilannɛnu si to a rakilanna. Ale miri wati min ma ko a latankanɛ, kankan si bui a ma.

Yobu 24:23

Tumado Alla si sɔn ko anu ni sigi lafɛrɛ rɔ kɔnɔ a kolan bɛnnɛ anu ma tuma-wo-tuma.

Yaburi 35:8

Kɔnɔ yaga, anu bi nala kasarala latɛrɛnɛ bolo. Anu si bira anu nyɛrɛta yili-lasiginɛ wo la. Anu si bui anu nyɛrɛta denka-sinnɛ wo rɔ.

Yaburi 48:6

Anu yɛrɛyɛrɛnta iko musi min buyi ara a lamaga

Yaburi 55:15

Alamɛ n yogenu tɛgɛra a ma, yanni anuta wati ni ke. Alamɛ anu kuran tara lakira bawo anu kan-nabila-bɔrɛ le ko-yogoma-kɛ la.

Yaburi 69:22

Anu tenbi fen dɔn kun na ladiyɛ rɔ, alamɛ ladiyɛ mara anu tabunden-fan la. Anu tenbi saraka-bɔɛ la, alamɛ wo mara anu bui-kunya la.

Hɛnkilimaya-Kumɛnu 29:1

Mɔgɛ min ti sɔn a sɔn-boloka-koe ma hali anu bi a makawandila, mɔgɛ wo dɛnbɛn-kila ti taran, ado a si tinya pɔ!

Aiseya 20:6

Wo wati wa ke, mɔgɛ minnu siginɛ Filisiti nyamanɛ rɔ kɔgɔ-yi dafɛ, Mari ko wonu si a fɔ ko, “Ma lanɛ minnu na ko anu si ma lakanan Asiriyanu masibɛ ma, wo ni wo yɛ lata anu bi nya min kaka. Male si ke kisila kama gbɛ?”

Aiseya 29:5

Sibolo-gbɛrɛ minnu bi nala ile Yerusalɛm kɛlɛla, wonu si fɛ iko fɔnyɔ wa ta gbangban la. Anuna kɛlɛ-den-makilannɛnu, fɔnyɔ si ta wonu na iko bin-gbalɛ. Wo dama si ma tiriya!

Aiseya 30:13

A ko a ara wo yiliki. A ko wo manɛ iko dandan min tafaranɛ. A ti mɛ lefan, wo ara bui.

Aiseya 47:11

Kasarɛ si na i ma. Ila duruya fenfen ti a lasɛgi. Tɔrɔyɛ si na i ma fenfen ti ke i kunyɛ bɔla min tɔ. Halakiyi si na i ma tiriya, i ma kiyo wɛ halakiyi min sufa la wɛ, kɔni.

Aiseya 47:9

Ko fila si sigi i ma anu nyɔgɔn fɛ nya-kun-kelen, i si foo ila dannubɛ ila kei la filili! Ado nfan, ila duruyɛ anubɛ ila kofo-denyɛ ti ke i lakisila muk!

Aiseya 56:12

Anu kɛnɛna a fɔla ko, “Wo na, ma ni ma min kɔlikɔli! Ma ni gbɛɛ-kunɛ min. Sinan-minnɛ si tenbi bitɛ la.”

Yɛrɛmaya 13:21

Wo ye a fɔla minnu ma ko wo diyana-mɔgɛ le, wonu ba sigi wo kun na, wo si nfen fɔ? Wo ti yakɔrɔ-mamɔɛ anubɛ dumɛ sɔrɔn? Wo dumɛ si ma wo bolo iko musi buyi wa a lamaga.

Yɛrɛmaya 14:19

Mari, i wara i ban bɛrɛbɛrɛkɛ male, Yuda mɔgɛnu na, wa? Yerusalɛm gbo i ye, wa? Nfen bara a to, i wara ma tanban boloko-yogomɛ-kɛ ha ma sa kɛndɛyala tun? Ma yili ye yisi-kimɛ le ma nun kɔnɔ ma ma a sɔrɔn. Ma yili-madiyanɛ ma kɛndɛya-koe la Yaga, kumakɔɛ le ma kuma.

Yɛrɛmaya 22:23

Wola mansɛla bɔn sɔra sida-fɛran minnu na ka bɔ Lɛbanan kɔnkɛnu kuma, ale mansɛ lafɛrɛnɛ sanɛ wo burɔ! Kɔnɔ dumɛ wa tagbaya a ma, a makinikininɛ si to iko nyaganɛ wa sigi tin kɔrɔ.

Yɛrɛmaya 4:31

N bi di-kɛ-kan lamɔɛnna iko musi tenbi a nyɛrɛ-masɔrɔnna. A ye dila iko nyaganɛ tenbi a fɔlɔtɛ sɔrɔnna. Yerusalɛm ye a niyi makawa-tinɛ le. A ara a bole rasagan ka a fɔ ko, “N bi kirɔnna-a-la le kɛ la. Anu bi n faga-tinɛ le kɛ la!”

Yɛrɛmaya 6:14

Mari ko wo ye wola mɔgɛnuna tɛlɛ-wɛnu dandanna iko wo si purupurɛ dandan nya min. Wo ye tola a fɔla ko a ma yogo. Kɔnɔ tonyɛ, a yogo ha ka a dan-natenbi.

Yɛrɛmaya 6:24

Wole Yerusalɛm so-burɔ-mɔgɛnu ba kɛlɛ-dan wonu na-koe lamɔɛn, wo mankulan si bɔ wo ma kilan bolo. Yisi-tɔrɛ si wo bira. Wo si taran dumɛ rɔ iko musi tenbi den sɔrɔn kun na.

Yɛrɛmaya 8:11

Mari ko wonu bi wole, ala mɔgɛnuna tɛlɛ-wɛnu dandanna iko anu si purupurɛ dandan nya min. Anu bi tola a fɔla ko a ma yogo. Kɔnɔ tonyɛ, a yogo ha ka a dan-natenbi.

Isikiyɛli 13:10

“Anu bi nna mɔgɛnu bɔla nta kilɛ fɛ bawo anu bi a fɔla ko yisi-kimɛ ye yan, ado yisi-kima sa kan-tinɛ wo rɔ. Ndeta mɔgɛnu bi tarɛ sɔla min ta ma gbɛlɛ. Foninya-nɛbi kɛnu bi nala bɔnku-gbɛ layɛlɛla tarɛ wo ma alako a ni kinya dɔrɔn.

Hoseya 13:13

Wole Isirɛla mɔgɛnu, fɛrɛ ye wo bolo, wo ni to wo niyi la kɔnɔ wo sa sɔnna fɛrɛ wo la. Wo mani de iko dan min sɔrɔn-wati ara ke kɔnɔ a ni a ban bɔ-koe ma fɔnyɔ la.

Nehami 1:10

Anu si mintan iko wɔnɔ-dɛngban anubɛ bin-gbalɛ si mintan nya min gburr!

Matiyu 23:33

Wo sɔn yogo iko duguma-fannu anubɛ duguma-fen-dannu! Wo si kisi nyahanama ma kama?

Yɔni 16:21

Ni musi ye a nyɛrɛ-masɔrɔn tinɛ, a yisi si gbala ata tɔrɔyɛla ko la. Kɔnɔ a wa dan sɔrɔn tumɛ min, a si nyina ala tɔrɔyɛ wo ko ka sewa bawo dan ara sɔrɔn a ye.

Kɛwɔlɛnu 13:41

‘Wole minnu bi nde, Alla mayɛlɛnna, wo si ko-makawanɛ yen ka faga don! N bi nala min mala wota wati kɛ rɔ, hali wo wa a lamɔɛn, wo ti la a la.’ ”

Tɔn-Fɔɛ-Fila-Nyɔgɛ 29:19

“Ni mɔgɔ-sufa wo ya lanyiri-kumɛ kɛ lamɔɛn, a ni duwa-kumɛ wo labira a nyɛrɛ ye kɔnɔ a yisi rɔ, a ye a fɔla ko, ‘Sɔ de, n bi min mala, n ni wo ma n ye. N ti nanparan mumɛ sɔrɔn.’ Ni min ya a tui ka wo ma, wo tigi si nanparan lana wo bɛɛsi kuma. Mɔgɔ-nyima wo, mɔgɔ-koron wo, wo bɛɛ si faga.

2 Tɛsalonaika 1:9

Anu si habadan-tɔrɔyɛ sɔrɔn. Anu ti gbɛrɛn Mari anubɛ ala gbiliya-makawanɛ ma.

Hiburunu 12:23

Wo ara na bɛn Allata den-fɔlɔtɛnuna ladiyɛ ma. Wonu damasi tɔgɛ sɛbɛnɛ Arinyɛni tɔ. Alla siginɛ soe wo le burɔ, mɔgɛ bɛɛ Kitilɛ, kɔni. Mɔgɔ-nyimɛ minnu kanbalinɛ Alla yala, wonu bi a fɛ nyɔ.

Hiburunu 2:3

Min tenbira wo la, ma Mari Yisa nyɛrɛ fɔlɔn ya kisi-koe min nabɔ gbɛ rɔ ma ye, ni ma ma ma tole masɔ kisi-ko-wɛ wo la, ma kunyɛ si bɔ a rɔ kama? Minnu ya a lamɔɛn, wonu ya a yira ma la ko tonyɛ le.

2 Pita 2:4

Melika minnu fɔlɔn ya hakɛ kɛ, Alla ma wonu yamasansan. A ya anu nakɛ Nyahanama rɔ ka yɔlɔkɛ kɛ anu ma pinpi rɔ kiti-tele makɔnɔ tinɛ nyɔ.

Kɛlɛ-Kurugbɛnu 8:11

Kilɛ min bi Noba soe anubɛ Yɔgabɛha soe tele-bɔɛ wara la wula-da-rakolɔn dan la, Kidiyɔn anubɛ ala kɛlɛ-dannu bilara wo fɛ. Anu tara mansɛ wonubɛ anuna kɛlɛ-dan wonu natɛrɛna.