1 Tɛsalonaika 5:27 - ALLALA KUMƐ

²⁷ N bi wo madiyala ma Mari tɔgɔ rɔ ko wo ni kɛdi kɛ karan dɛnkɛninya-mɔgɛ bɛɛ ye.

1 Tɛsalonaika 5:27 ပူးပေါင်းရင်းမြစ်များ

1 Mansɛnu 22:16

Kɔnɔ Mansa Ehabu ya a fɔ a ye ko, “N bara mɛ i makawandila iko siyaman, ni i ye kumala malebɛ Mari tɛma, fɔ i ni tonya-kunɛ fɔ n ye.”

2 Ko-Kɔrɔta-Karan 18:15

Kɔnɔ Mansa Ehabu ya a fɔ a ye ko, “N bara mɛ i makawandila iko siyaman, ni i ye kumala malebɛ Mari tɛma, fɔ i ni tonya-kunanɛ fɔ n ye.”

Yɛrɛmaya 51:61

N ya a fɔ Sɛraya ye ko, “I wa ke Babilɔn, n ya min bɛɛ sɛbɛ kɛ rɔ, i ni wo karan nyɔ-mɔgɛnu ye.

Yilan-Yilan Koe 27:23

Musa ya a bole sa Yasowa kun tɛma ka a dantɛgɛ Mari ma. A ya a fɔ Isirɛla mɔgɔ damasi ye ko, “Wo ara Yasowa kɛ yen? Kɛ le nde, Musa gbɛ rɔ gbɛ, yɔ!”

Matiyu 26:63

Kɔnɔ Yisa ya a made. Saraka-masɔla-kun-tigi-wɛ kumara a ye tun ko, “N bi i kelila Alla-nimɛ tɔgɛ rɔ, ni Allata-Mɔgɔ-Yabɔnɛ le ile la, Allatalata den-kei, kɔni, wo fɔ ma ye.”

Maraka 5:7

Yisa ya a fɔ nyinɛ wo ye ko, “Nyina-yogomɛ, bɔ kei kɛ fɛ!” A gbele-gbelenta a kulu-mayɛlɛnɛ la ko, “Alla min bi Fan Bɛɛ Kun Na, wola dan Yisa, i ye nyinina nfen ma n bolo? I keli ko i ti n tɔrɔ!”

Kɛwɔlɛnu 1:15

Tele-dande tenbinɛ, dɛnkɛninya-mɔgɛnu bi ladɛn wo rɔ. Anu dama lakofunɛ mɔgɔ kɛmɛ ani mɔgɔ mogan nyɔgɔn (120). Pita ya a lasɔ ka a fɔ anu ye ko,

Kɛwɔlɛnu 19:13

Nba, Yahudiya do minnu bi tagamana dinkirɛnu tɔ ka nyinɛnu gben mɔgɛnu fɛ, wonu wulita Mari Yisa tɔgɔ rakelela nyina-gben-koe la mɔgɛnu fɛ. Anu ya a fɔ nyina-yogomɛnu ye ko, “Pɔli ye Yisa minna koe kawandili bɔla, n bi wo bɔla wo tɔgɛ rɔ.”

Kɔlɔsi 4:16

Wo wa ban kɛdi kɛ karanna tumɛ min, wo ni a lata Leyodisiya chɔchi ma fanan. Anu fanan ni a karan. Leyodisiya kɛnu bi kɛdi min natala wo ma, wo fanan ni wo karan.

1 Tɛsalonaika 2:11

Wo ya a lɔn ko ma ya wo kelen-kelennamɛ-bɛɛ bira iko denbɛnu si anuna dannu bira nya min.

2 Tɛsalonaika 3:14

Ma ya kumɛ min sɛbɛ kɛdi kɛ rɔ, mɔgɛ do si taran nyɔ min ti wo bira. Wo ni wo yili to anu ko. Ko-wo-ko kana taran wo tɛma, woletɔ anu si miliya.

1 Timoti 1:18

Nna den Timoti, i yili ni to wɔlɔyiya-kumɛ wonu ko min fɔra ila ko la kebi fɔlɔ. I tenbi kɛlɛ-nyimɛ kɛla Alla ye, kumɛ wonu ni ma ila kɛlɛ-kɛ-fannu na.

1 Timoti 1:3

N bi a fɛ, i ni to Ɛfɛsa soe burɔ iko n ya i madiya nya min wo tumɛ n bi tala Masidoniya nyamanɛ rɔ. Mɔgɛ donu bi mɔgɛnu karanna foninya-dinanu ma nyɔ. A fɔ anu ye ko anu ni fara wo la.

1 Timoti 5:21

N bi kɛ fɔla i ye Alla anubɛ Yisa Kirasiti anubɛ melika-sɛnimɛnu yala ko i ni kawandili kɛnu bira. I kana mɔgɛ do latenbi mɔgɛ do la. I ni ko-latelennɛ kɛ mɔgɛnu tɛma koe bɛɛ rɔ.

1 Timoti 5:7

I ni anu makawandi koe kɛnu tɔ alako mɔgɔ-wo-mɔgɔ kana fɛɛ yen anu na.

1 Timoti 6:13

N bi Alla rakelela min bi nimayɛ dila fan bɛɛ ma anubɛ Yisa Kirasiti min ya sereya-nyimɛ bɔ Pontiyasi Pailɛti yala. N bi wonu takelela ko anu ni ma n sere la.

1 Timoti 6:17

Nɔnfuli ye minnu bolo duninya kɛ rɔ, i ni wonu makawandi ko anu kana wasi. Anu kana anu yigi sa nɔnfuli kuma iko fen de min bi mɛla. Anu ni anu yigi sa Alla kuma min bi fan bɛɛ dila ma ma foninsereyɛ la ka ma lasewa.

2 Timoti 4:1

Yisa Kirasiti wa na ala mansayɛ la tumɛ min, a si mɔgɛ bɛɛ kiti, minnu kɛndɛ wo, minnu faganɛ wo. Ale Yisa anubɛ Alla ye n sere la

Hiburunu 3:1

N na-kelen-nyɔgɔ dɛnkɛninya-mɔgɛnu, Alla ara wole bɛrɛn kele ko wo ni ma atɛnu na. Woletɔ wo ni wo miri Yisa le ma. Alla ara a sɔ mala saraka-masɔla-kun-tigi-wayɛ la mala dɛnkɛninyɛ kun na, ma sɔnɛ min tɔ gben!