1 Tɛsalonaika 5:24 - ALLALA KUMƐ

²⁴ Ale Yisa min bara wo yabɔ, kan-kelen-tigi le ale la min kɛ, wo si la a la ko a ni koe wo bɛɛ ma wo ye.

1 Tɛsalonaika 5:24 ပူးပေါင်းရင်းမြစ်များ

2 Mansɛnu 19:31

Mɔgɛnu si to anu niyi la Yerusalɛm soe burɔ nyɔ kɔnkɛ kuma bawo Mari ara ban a latɛgɛla wo nya na le.”

Yaburi 100:5

Mari nyimayanɛ le. Dan sa ala keninteyɛ la. Ata lanayɛ si to burubukai!

Yaburi 138:2

N si n madu dugi ma i Bato-Bon-sɛnimɛ telen tɔ. N si baraka bira i ye ka a tɛgɛ ita hinɛ anubɛ ila lanayɛla ko la. I wara i tɔgɛ anubɛ i kuman-kan lawanka fan bɛɛ ko.

Yaburi 146:6

San-kolo wo, dugu-kolo wo, kɔgɔ-yi wo, anubɛ min bi anu tɔ, ale le ya wo bɛɛ dan. Tuma-wo-tuma, a si ala lanyirinu natɔnbagaya.

Yaburi 36:5

Mari, ila keninteya-dannatɛgɛbɛlɛ ye yɛlɛla ha san-kole. Ila lanayɛ ye tugula banda-finyɛ la.

Yaburi 40:10

I ya ma lakisi nya min, n ma wo fɔɛ dogon n yisi rɔ. I ya ma dɛnbɛ nya min, n tora wobɛ ila lanayɛ wara-koe rakaranna mɔgɛnu ye. N tora ita lanayɛ anubɛ ila keninteya-dannatɛgɛbɛlɛ wara-koe fɔla ita mɔgɛnu ye ladɛn-wɛ rɔ. N ma n tade muk!

Yaburi 86:15

Kɔnɔ ile n tigi, ila keninteyɛ kolo, ado i kinikinite. I munyara, i nyimayanɛ, ado i lanaya-tigi.

Yaburi 89:2

N ya a lɔn ko ila keninteyɛ si a laban de! Ila lanayɛ ye gbɛ le tɔ iko san-kole!

Yaburi 92:2

A di n ye, n ni to ila keninteya-dannatɛgɛbɛliya-koe fɔla sɔgɔma-wo-sɔgɔma. Wura-wo-wura, n si to ila lanaya-koe fɔla fanan.

Aiseya 25:1

Mari, nta Alla le ile la. N si i matɔgɔ ka i gbiliya. I wara kabana-koenu kɛ. I wara min miriya nun, i wara wonu natɔnbagaya, bi ko ma.

Aiseya 37:32

Mɔgɛnu si to anu niyi la Yerusalɛm soe burɔ nyɔ kɔnkɛ kuma bawo Mari ara ban a latɛgɛla wo nya na le.”

Aiseya 9:7

Ata mansaya-dan sa. Yisi-kimɛ le ye ata mansayɛ rɔ burubukai! A si mansayɛ kɛ a kebila Mansa Dawuda gbɛ rɔ. Ka a bi wo wati ma ha tumɛ min di Alla ye, ata mansaya-sɛnbɛ le tɔn-birɛ anubɛ telenbagayɛ la. Mari Sɛnbɛ-Bɛɛ-Tigi ara a wakila wo kɛ-koe ma.

Nimisa Koe 3:23

Anu kurɛ le sɔgɔma-wo-sɔgɔma. Ala telenbagayɛ kolo.

Maika 7:20

I si ita lanayɛ anubɛ ila keninteyɛ yira Iburayima anubɛ Yakoba kegeyɛnu na, ita mɔgɛnu, kɔni, iko i ya lanyiri kiri anu ye nya min nun!

Yilan-Yilan Koe 23:19

Alla sa iko mɔgɔni-finyɛ minnu si foninyɛ fɔ. A ti a miriya yɛlɛma iko hadama-dannu. A ya lanyiri kiri fenfenna ko la, a si wo ma, yɔ! Ni a kumara, a ara ban.

Matiyu 24:35

San-kole anubɛ dugu-kole si tenbi kɔnɔ nna kumɛ ti tenbi mumɛ!

Yɔni 1:17

Alla ya tɔn don Nɛbi Musa bolo kɔnɔ hinɛ anubɛ tonyɛ, ale Yisa Kirasiti le nara wonu na.

Yɔni 3:33

Min ba ala kumɛ bira, wo ara a yira ko Alla ara min fɔ, tonyɛ le.

Romu 8:30

Alla ara minnu yabɔ, a ya wonu denu kele. A ma a to kelelɛ wo dɔrɔn ma fɔ ka anu natelen a nyɛrɛ ye fanan, ado a ma a to latelan dɔrɔn ma fɔ ka a nyɛrɛta gbiliyɛ di anu ma fanan.

Romu 9:24

ado male le kelenɛ Alla bolo. Donu bɔra Yahudiyanu tɛma, donu bɔra sibolo-gbɛrɛnu fanan tɛma.

1 Kɔrɛnti 1:9

Alla, lanaya-tigi le. Ale le ya wo kele ka a ma, wobɛ ala dan Yisa ni ta-nyɔgɔnyɛ kɛ wo nyɔgɔn fɛ, ma Mari Yisa, Allata-Mɔgɔ-Yabɔnɛ, kɔni.

1 Kɔrɛnti 10:13

Kɔrɔbɔlɛ wa kɛ wo ma tumɛ min, wo ni wo yili to kɛ ko ko kɔrɔbɔlɔ-su wo duruta kɛla mɔgɔ-gbɛrɛnu fanan na. Alla ti nyina ala lanyiri-kirinɛ ko. A ti sɔn kɔrɔbɔlɛ su-wo-su ni ke wo ma, wo ti min nɔ. Kɔnɔ kɔrɔbɔlɛ wa kɛ wo ma tumɛ min, a si kilɛ yira wo la alako wo si a nɔ nya min.

Kalesiya 1:15

Kɔnɔ yanni n ni sɔrɔn, Alla le ya n yabɔ ata hinɛ fɛ. A ya n kele ko n ni wɔlɛ a ye.

Tɔn-Fɔɛ-Fila-Nyɔgɛ 7:9

Wo ni a lɔn serr, ko wota Mari Alla kelen pe le wota Alla la. A ti wo baya tele-kelen-bɛrɛni! A si ata lanyiri kanbali wo wara la. A si ata keninteyɛ yira wo bɔnsɔn-matiyinu na minnu si ata tɔnnu bira ka ale fanan keni.

1 Tɛsalonaika 2:12

Ma ya wo makawandi ko wo yisi ni kimɛ. Ma ya wo madiya ko wo ni tagama-nyimɛ kɛ ka Alla hɛnɛ, ado ale le ara wo kele ka wo ladon ata mansayɛ anubɛ ala gbiliyɛ rɔ.

2 Tɛsalonaika 2:14

Ma ya kibara-nyimɛ min nake wo ma, wo sebu le ya wo kele Alla wara. A ya wo kele alako wo ni wotɛ sɔrɔn Mari Yisa, Allata-Mɔgɔ-Yabɔnɛta gbiliyɛ rɔ.

2 Tɛsalonaika 3:3

Wo si ke lala Mari la ko a si wo sɛnbɛ don ka wo tanka Setanɛ ma.

2 Timoti 1:9

Alla ya ma kisi ka ma yabɔ ko ma ni ma ata mɔgɔ-sɛnimɛnu na. A ma ma yabɔ mata kɛwɔlɛnuna ko la fɔ a nyɛrɛ sako anubɛ ata hinɛ baraka rɔ. Yanni duninya ni dan, a ya ata hina-wɛ yira ma la Yisa Kirasiti rɔ.

2 Timoti 2:13

Kɔnɔ hali ni male ma lanayɛ kɛ, ale si lanayɛ kɛ tolon bawo a ti foninyɛ fɔ a nyɛrɛ ye.

Taita 1:2

Ale le si yigi di anu ma ko anu ni habadan-nimayɛ sɔrɔn. Alla, min ti foninyɛ fɔ, wo le ya habadan-niyi-lanyiri kɛ kiri ma ye yanni duninya-dan ni bira tumɛ min.

1 Pita 5:10

Kɔnɔ wo wa tɔrɔ wati-kundu-ni kɔrɔ, hinɛ-bɛɛ-tigi Alla min bi wo kelela ala habadan-gbiliyɛ ma Kirasiti rɔ, ale nyɛrɛ si wo kanbali ka wo sɔ-bole rabɛn gben!

2 Pita 1:3

Alla ye a fɛ, ma ni ata gbiliyɛ anubɛ ata nyimayɛ sɔrɔn a fɛ bawo ma ya a lɔn min ya ma kele. Lɔnnɛ wo baraka rɔ, ma makoe ye fan min bɛɛ la ka Alla diyana-koe kɛ, wo bɛɛ dinɛ ma ma.

Lankɛnimayɛ 17:14

Wonu si saga-dan kɛlɛ. Kɔnɔ saga-dan anubɛ ata mɔgɛnu si anu nɔ. A ya mɔgɛ wonu kele ka anu yabɔ anuta lanayɛla ko la. Saga-dan si anu nɔ bawo marinuta Mari le ale la anubɛ mansɛnuta Mansɛ.”