1 Tɛsalonaika 5:19 - ALLALA KUMƐ

¹⁹ Wo kana Allata Ni-Sɛnimɛta wɔlɛ mabeli.

1 Tɛsalonaika 5:19 ပူးပေါင်းရင်းမြစ်များ

Ko-Dabirɛnu 6:3

Woletɔ Mari ko, “N ti ke n munyuna hadama-dannuna sɔn-yogoyɛ kɔrɔ. Bɔnkɛ le anu na min kɛ, ka a dabira kaka ma, n si do bɔ anu siyi-tele la. Mɔgɔ-wo-mɔgɔ siyi ti tenbi san kɛmɛ ani san mogan (120) na tun.”

Nihɛmaya 9:30

San-bo-san, i ye i munyuna anu kɔrɔ ka to anu makawandila tolon! I tora kumɛ donna ila nɛbinu da rɔ ka wo latenbi anu ma kɔnɔ mɔgɛnu tole gberenɛ gben! Woletɔ i ya a ma, sibolo-gbɛrɛnu ya anu nɔ tun.

Yaburi 51:11

I kana n gben i fɛ. I kana ita niyi bɔ n tɔ.

Keninteya-Siginu 8:7

Yi ti ke wo ladufenna. Hali yi kerita a kun na, a ti ke a ladufenna muk! Ni mɔgɔ-wo-mɔgɔ ya a fɔ ko a si keninteyɛ san wodi-ba la, kun-takolonyɛ le wo la dɔrɔn!

Aiseya 63:10

Kɔnɔ anu kan-kɔ-sɔɛ Mari la, anu ya a ma, ata Ni-Sɛnimɛ yisi tinyanta. Woletɔ Mari mara anu yoge la, ado ka a tɛgɛ wo ma, a ya anu kɛlɛ.

Kɛwɔlɛnu 7:51

“Wole yisi-gbɛlɛnu! Wo yisi manɛ iko sibolo-gbɛrɛnutɛ. Wo tengberenyanɛ Allala kumɛ lamɔɛn-koe rɔ! Wo ye Allata Ni-Sɛnimɛ kɛlɛla tuma-wo-tuma iko wo benbanu ya a ma nya min!

1 Kɔrɛnti 14:30

Kɔnɔ ni mɔgɛ do siginɛ ladɛn wo rɔ, Alla wa kumɛ do fɔ a ye, min bi kumala wo wati rɔ, wo ni a made fɔlɔn.

Ɛfɛsa 4:30

Mɔgɔ kana Allata Ni-Sɛnimɛ ladiminya bawo ata Ni-Sɛnimɛ le Allala tamasere la wo kuma ko a halalɛ le wole la. Tamasere le ale ata Ni-Sɛnimɛ la ko Marita Tele wa na, a si ma hɔrɔya wulɔn.

Ɛfɛsa 6:16

Min sanɛ kɛnu kuma, wo ni dɛnkɛninyɛ ma nɛgɛ-lufɛ la, woletɔ Setanɛ wa ala kalabɛn-namalannɛnu nakɛ wo ma, wo si ke wo bɛɛ ladufenna.

1 Tɛsalonaika 5:20

Wo kana wɔlɔyiya-kumɛnu nafɛya.

1 Timoti 4:14

I kana i ban Allata Ni-Sɛnimɛta fandɛ la min bi wɔlila i rɔ. Wo dira i ma wo tumɛ chɔchi-mɔgɔ-banu ya anu bole sa i kuma wɔlɔyiya-kumɛ fɔ tinɛ.

2 Timoti 1:6

Wo le ya a to, n bi i hɛnkili bilala ko Alla ya fandɛ min di i ma, i ni wo mara a kin na! N ya n bole sa i kuma tumɛ min, i ya wo sɔrɔn tumɛ wo le tɔ,

1 Samuwɛli 16:4

Samuwɛli ya a ma iko Mari ya a fɔ a ye nya min. A tara Bɛtalehɛm. A ke nyɔ rɔ, so-burɔ-mɔgɔ-banu nara a taran. Anu bi yɛrɛyɛrɛnna kilan bolo. Anu ya a manyinika, anu ko, “I ma na a yogoma la?”