1 Tɛsalonaika 5:13 - ALLALA KUMƐ

¹³ Wo ni anu bira gbiliyɛ anubɛ keninteyɛ rɔ ka a tɛgɛ anu bi wɔlɛ min kɛla wola ko la. Wo ni to yisi-kimɛ rɔ dɛɛ!

1 Tɛsalonaika 5:13 ပူးပေါင်းရင်းမြစ်များ

Ko-Dabirɛnu 45:24

Yusufu ya a na-kelen-nyɔgɛnu masara. A ya a fɔ anu ye ko, “Wo ni a ma wo fɛrɛma. Wo kana kɛlɛ kilɛ la de!”

Yaburi 133:1

Allata mɔgɛnu ba sigi anu nyɔgɔn fɛ kan kelen tɔ, wo kin dɔgɔma-ma-de!

Matiyu 10:40

“Mɔgɔ-wo-mɔgɔ min ba wole, nta karan-dannu tabira, wo ara nde rabira. Nba, ni min ya nde rabira, a ara ale fanan tabira min ya n sɔ.

Maraka 9:50

“Kɔgɛ kin kɔnɔ ni a diyɛ bɔra a la, mɔgɛ si ke a mala kɔgɛ la kama tun? Kɔgɛ ni taran wola diyanayɛ rɔ, ado yisi-kimɛ ni taran wo nyɔgɔn fɛ.”

Yɔni 15:17

Woletɔ n bi a fɔla wo ye ko wo ni wo nyɔgɔn keni.”

2 Kɔrɛnti 13:11

Nba, n na-kelen-nyɔgɛnu, Alla ni to wo fɛ! Wo ni wo raya alako wo kanbalinɛ ni taran. N bara min fɔ wo ye, wo ni wo bira. Sɔn kelen ni taran wo bolo. Wo ni to yisi-kimɛ rɔ. Nba, Alla min bi keninteyɛ anubɛ yisi-kimɛ dila ma ma, wo ni to wo fɛ.

Kalesiya 4:14

Hali nna kirayɛ ye n tɔrɔla tumɛ min, wo gbɛlɛyara wo ma, ado wo ma a ma, wo ni wo ban n na ka n nafɛya. Wo ya n tabira iko wo si Allata melika rabira nya min. Wo ya n tabira iko wo si Yisa Kirasiti nyɛrɛ rabira nya min!

Kalesiya 5:22

Kɔnɔ Allata Ni-Sɛnimɛ si wo labila min na, wo le kɛnu na, keninteyɛ wo, sewɛ wo, yisi-kimɛ wo, munyɛ wo, dinyɛ wo, nyimayɛ wo, lanayɛ wo,

Kalesiya 6:6

Wole min bi karan-denyɛ la Allala kumɛ rɔ, wo ni wo karan-mɔgɛnu kɔ wola fen-nyimɛnu tɔ.

Ɛfɛsa 4:3

Wo ara ma na kelan la Allata Ni-Sɛnimɛ baraka rɔ min kɛ, wo ni wo raya ka to kan kelen tɔ yisi-kimɛ rɔ, ado yisi-kimɛ wo si wo latugun wo nyɔgɔn na.

Kɔlɔsi 3:15

Kirasiti ye yisi-kimɛ min dila mɔgɛnu ma, wo ni kun-tigiyɛ kɛ wo yisi rɔ. Alla ara wo ladɛn ka wo ma bagbu kelen na alako wo si yisi-kimɛ kɛ su lɔn nya min. Wo kana ma fisiriwɔlɛnu na.

1 Tɛsalonaika 5:14

Ma na-kelen-nyɔgɛnu, wo ni kalabantenu makawandi. Wo ni yisi-latɛgɛ di kilandɔgɛnu ma. Minnu yisi rafaganɛ, wo ni to wonu dɛnbɛna ka wo munyu wo nyɔgɔn kɔrɔ.

2 Tɛsalonaika 3:16

Mari nyɛrɛ min bi yisi-kimɛ dila ma ma, alamɛ wo ya yisi-kimɛ di wo ma tumɛ bɛɛ, nya bɛɛ ma. Mari ni to wo dama fɛ.

2 Timoti 2:22

I ni i tanka fonikeya-natanu ma. I raya telenbagayɛ anubɛ dɛnkɛninyɛ ma, wo kɔma, keninteyɛ anubɛ yisi kimɛ ma. I ni to sɔndɔma-tiginu kurun tɔ.

Hiburunu 12:14

Wo ni wo raya ka to yisi-kimɛ rɔ mɔgɛ bɛɛ fɛ. Wo ni wo raya ka ma mɔgɔ-sɛninyanɛnu na bawo mɔgɔ-wo-mɔgɔ ti Mari yen sɛninyɛ kɔma.

Yemesi 3:18

Nyimayɛ ye tɔnɛ min nabɔla, kɛlɛ-makimalɛnu denu ya wo ki. Tɔ-a-la, yisi-kimɛ si tɛgɛ nyɔ.