1 Tɛsalonaika 5:12 - ALLALA KUMƐ

¹² Nba, ma na-kelen-nyɔgɛnu, ma ye wo madiyala ko-kelen-pela ko la. Mari ara wɔli-kɛlɛ minnu sɔ wo yarɔ, wo karan-mɔgɛnu anubɛ wo makawandilɛnu, kɔni, wo ni wonu gbiliya nya bɛɛ ma.

1 Tɛsalonaika 5:12 ပူးပေါင်းရင်းမြစ်များ

Luka 10:7

Wo ni to bon kelan wo la. Dɔn-fen wo, min-kɛ-yi wo, anu ba min di wo ma, wo ni wo dɔn bawo a bɛnta, wɔli-kɛlɛ ni a sarɛ sɔrɔn. Wo kana to yilan-yilanna wo yiya tinɛ.

Yɔni 4:38

N bara wo sɔ fui-fen-tɛgɛ-tinɛ sɛnɛ rɔ, wo ma wɔli kan min. Mɔgɔ-gbɛrɛnu denu wɔlita nyɔ. Wole ara tɔnɛ sɔrɔn wonuna wɔli-kɛ-gbɛ rɔ.”

Kɛwɔlɛnu 20:28

Wo ni ma saga-fɛ-biralɛnu na ka Allata mɔgɛnu fɛ-bira. Wo ni wo yili to wo nyɛrɛ ko anubɛ wo kurɔn ko Allata Ni-Sɛnimɛ ara min bɛɛ don wo bolo, ado a ya wonu ma atɛ la ala danta sayɛ fɛ.

Kɛwɔlɛnu 20:35

Wo si to sɛnbɛbɔnɛnu dɛnbɛna nya min, n bara wo dama yira wo la nta wɔlɔ-gbɛlɛmɛ fɛ. Mari Yisa nyɛrɛ ya kumɛ minnu fɔ, wo ni wo yili to wonu ko. A ko, ‘Min bi fan nila, wota sewɛ kolo ka tenbi a ye a dila min ma.’ ”

Romu 16:12

Tarifina anubɛ Tarifosa kɔndɔn n ye minnu wɔlita Mari ye bɛrɛkɛ anubɛ n diyana-mɔgɛ Perasi. Ale fanan wɔlita Mari ye duk!

Romu 16:6

Mariyama fanan kɔndɔn min wɔlita wo ye bɛrɛkɛ!

1 Kɔrɛnti 12:28

Alla ara bɛɛta wɔlɛ di a ma chɔchi la, a fɔlɔtɛ, kilayɛnu, a fila nyɔgɛ, wɔlɔyiya-kuma-fɔlɛnu, a sawa nyɔgɛ, karan-mɔgɛnu, wo kɔma, kabana-ko-kɛlɛnu anubɛ lakɛndɛyali-sɛnbɛ dinɛ minnu ma anubɛ minnu si ke bolo-kolɔnnu dɛnbɛna, minnu si ke kun-tigiyɛ kɛla, ni wo ma, ka kan-gbɛrɛnu fɔ.

1 Kɔrɛnti 15:10

Kɔnɔ n mara kilayɛ la ka a tɛgɛ Allata hinɛ ma, ado a ya keninteyɛ min yira n na wo la, wo ma ma fuyi la. N wɔlita bɛrɛkɛ ka tenbi kilaya-toe bɛɛ la, hali n nyɛrɛla kɛwɔli ma kɔnɔ Allala hinɛ ye wɔlila n tɔ.

1 Kɔrɛnti 16:16

wo ni mɔgɔ-su wonuna kumɛ bira anubɛ min bɛɛ ye wɔlila anu fɛ.

1 Kɔrɛnti 16:18

Wonu bara n niyi lakuraya iko anu ya wotɛ lakuraya nya min. Wo ni mɔgɔ-su wonu gbiliya.

1 Kɔrɛnti 3:9

Allata wɔli-kɛ-nyɔgɛnu denu bi ma dama la. Allata sɛnɛ le wole la. Ado nfan, Allata bɔn le wo la fanan.

2 Kɔrɛnti 11:23

Kirasitita wɔli-kɛlɛ le anu na, wa? Nde wɔlita ka tenbi anu denu na pirr! Anu bara n nadon yele la kinyama siyaman ka tenbi anu na. Mɔgɛnu bara n gbesi ka tenbi anu denu na. Sayɛ ara foo n na ka tenbi anu denu na. (Kɛ bɛɛ rɔ, n bi kumala iko hɛnkilibɔnɛ.)

2 Kɔrɛnti 5:9

Kɔnɔ min tenbira wo bɛɛ la, ni ma ye ma warɛ yan, ni wo ma, nyɔ, ma ye a fɛ le ka Alla hɛnɛ tolon!

2 Kɔrɛnti 6:1

Allala wɔli-kɛlɛ le ma dama la. Ma ye wo madiyala worɔ ko wo ara Allala hinɛ sɔrɔn min kɛ, wo kana wo tinya.

Kalesiya 4:11

ado n hɔnnɛ wo kuma kati! N bara wɔlɛ min bɛɛ kɛ wo ye, wonu kana to fu!

Filipai 2:19

Ni n Mari Yisa sɔnta, n si Timoti lata wo ma yona, woletɔ n ba wo wara-koe lamɔɛn, n yisi si kimɛ.

Kɔlɔsi 1:29

N bi wɔlila wola ko la ka n taya bɛrɛkɛ! Kirasiti ye fanka min dila ma ma, fanka wo ye wɔlila n tɔ.

1 Tɛsalonaika 2:9

Ma na-kelen-nyɔgɛnu, wo hɛnkili ye mala wɔlɛ anubɛ mala nyagbɛ ko, yɔ! Ma tenbi Allala kibara-nyima-kawandili bɔla wo ye, ma tora wɔlila ma bole la su-ni-tele alako ma kana wo tɔrɔ.

1 Tɛsalonaika 4:1

A laban, ma na-kelen-nyɔgɛnu, wola ko-ladan-nyanu si Alla hɛnɛ nya min, wo ara wo karan ma bolo, ado wo taranta wola koenu nadanna wo nya na le nun, yɔ! Nba kaka, ma ye wo madiyala ka wo makawandi Mari Yisa tɔgɔ rɔ ko wo ni to a kuma-sala tolon!

1 Tɛsalonaika 5:14

Ma na-kelen-nyɔgɛnu, wo ni kalabantenu makawandi. Wo ni yisi-latɛgɛ di kilandɔgɛnu ma. Minnu yisi rafaganɛ, wo ni to wonu dɛnbɛna ka wo munyu wo nyɔgɔn kɔrɔ.

1 Timoti 5:1

I kana kɛmɔgɛnu makuma fɔ ka anu manugu-nɛgɛ iko i fanu. I ni i ta-nyɔgɛ fonike-keimɛnu bira iko i na-kelen-nyɔgɛnu.

1 Timoti 5:20

Minnu ti sɔn hakɛ bolokala wo tɛma, wonu makuma gbɛ rɔ, alako mɔgɔ-toenu si kilan nya min.

2 Timoti 2:6

Sɛni-salɛ min bi wɔli-gbɛlɛmɛ kɛla, a bɛnta, wo fɔlɔn ni sɛnita-fan wo do dɔn.

Taita 1:3

A wati bɛnnɛ rɔ, Alla ya sarakanɛ kɛ labɔ gbɛ rɔ ma ye ata kumɛ rɔ. Alla ya wɔlɛ wo kerifa nde la iko ale, ma kisilɛ Alla ya a fɔ n ye nya min. A ko n ni a lake mɔgɛnu ma.

Taita 1:5

N ya i to Kariti alako koe minnu tora anu kɛbɛlɛ la, i ni to wonu kɛla. Wo kɔma, i ni chɔchi-mɔgɔ-banu sigi soe bɛɛ rɔ. N bara min fɔ i ye nun, i hɛnkili to wo ko.

Taita 2:15

I ni mɔgɛnu karan koe kɛnu na. I ni anu makawandi ka anu makuma sɛnbɛ la. I kana ko ladan min si a ma, anu ni i lafɛya.

Hiburunu 13:17

Wo ni wola chɔchi-mɔgɔ-banuna kumɛ bira ka wo famayigi anu ye. Anu bi wo niyi lakandan tinɛ le dɛɛ! Anu sa anu sulenna bawo anu si anu dantɛgɛ Alla ye anuta wɔlɛla ko la. Ni wo ya anuna kumɛ bira, anu si anuna wɔlɛ kɛ sewɛ rɔ. Ni wo ma, anu si a kɛ yisi-magboyɛ la, ado wo ti wo munanfaga.

Hiburunu 13:7

Wola kun-tigi-fɔlɔtɛ minnu ya wo karan Allala kumɛ la, wo ni wo hɛnkili to wonu ko. Wonu manɛ nya min ha anu fagara, wo ni wo miri wonu ma ka wo sanka anuna dɛnkɛninyɛ ma.

Lankɛnimayɛ 1:20

Lolo wɔrɔnfilɛ minnu bi n bolo-nyimɛ rɔ yan anubɛ sɛnɛ-lɛnpu-sigi-fen wɔrɔnfilɛ kɛnu, wonu gbundu-ko-kɔrɛ le kɛ la. Lolo wɔrɔnfilɛ wo, chɔchi wɔrɔnfilɛta melika-misalɛ le wonu na. Sɛnɛ-lɛnpu-sigi-fen wɔrɔnfilɛ wo, chɔchi wɔrɔnfilɛ misalɛ le wonu na.

Lankɛnimayɛ 2:12

“I ni kɛdi sɛbɛ ka a lata Pɛragama-chɔchi-melika ma. “ ‘Wole Pɛragama-chɔchi-mɔgɛnu, faan-da-filɛ min dɛ ye a la bɛrɛkɛ, wo le ye n bolo, ado nde le ye kɛ fɔla wo ye.

Lankɛnimayɛ 2:18

“I ni kɛdi sɛbɛ ka a lata Tayataira chɔchi-melika ma. “ ‘Wole Tayataira chɔchi-mɔgɛnu, kumɛ le kɛ la ka bɔ nde, Allala dan bolo. N yɛ manɛ iko ta-mɛlan. N kian ye malanna iko sila-kaganɛ.

Lankɛnimayɛ 2:3

Wo ara wo munyu nyagbɛ kɔrɔ ka tɔrɔyɛ sɔrɔn ndela ko la. Wo ma kuri.

Lankɛnimayɛ 2:8

“I ni kɛdi sɛbɛ ka a lata Simirina-chɔchi-melika ma. “ ‘Nde le a fɔlɔtɛ anubɛ a laban la. Nde faganɛ nun kɔnɔ kaka, n bi n niyi la.

Lankɛnimayɛ 3:1

“I ni kɛdi sɛbɛ ka a lata Sadisi-chɔchi-melika ma. “ ‘Allata Ni wɔrɔnfilɛ ye n bolo anubɛ lolo wɔrɔnfilɛ, ado nde le ye kumɛ kɛ fɔla. Wole Sadisi-chɔchi-mɔgɛnu, wo ye wɔlɛ min kɛla, n ya wo lɔn. N ya a lɔn ko wo ye wo nyɛrɛ mala iko dɛnkɛninya-mɔgɛnu kɔnɔ wo sɔndɔmɛ rɔ, wo bilani ma nde fɛ.

Lankɛnimayɛ 3:14

“I ni kɛdi sɛbɛ ka a lata Leyodisiya-chɔchi-melika ma. “ ‘Nde tɔgɛ le Amina. N bi Allata tonya-bɛrɛ fɔla wati bɛɛ. Alla ya dali-fan bɛɛ dan ka a tɛgɛ nde le ma, ado nta kumɛ le kɛ la.

Lankɛnimayɛ 3:7

“I ni kɛdi sɛbɛ ka a lata Filadɛlifiya-chɔchi-melika ma. “ ‘Nde sɛninyanɛ, ado n si tonyɛ fɔ tolon! Dawudata da-nyin ye n bolo. N ba dɛ laka, mɔgɔ-wo-mɔgɔ ti ke a latogonna. N ba a latogon, mɔgɔ-wo-mɔgɔ ti ke a lakala. Wole Filadɛlifiya-chɔchi-mɔgɛnu, wo ni wo tole masɔ nta kumɛ kɛ la.