1 Tɛsalonaika 4:9 - ALLALA KUMƐ

⁹ Wo ni wo nyɔgɔn keni nya min, wo nyɛrɛ ara wo karan Alla bolo. Hali ma ma kɛdi sɛbɛ ka wo ta-nyɔgɛ dɛnkɛninya-mɔgɛnu keni-koe fɔ wo ye.

1 Tɛsalonaika 4:9 ပူးပေါင်းရင်းမြစ်များ

Yaburi 133:1

Allata mɔgɛnu ba sigi anu nyɔgɔn fɛ kan kelen tɔ, wo kin dɔgɔma-ma-de!

Aiseya 51:13

Wo ma nyina ale Mari ko min ya wo dan? Ale le ya san-kole rafulen ka dugu-kole kurukɛ. Nfenna wo kumakɔnɛ tonɛ kilan bolo? Anu bi wo niyi ragbɛrɛnna. Anu tabɛnnɛ wo kasara-koe ma. Kɔnɔ anuna kɔnkɔn ti ko-wo-ko ma wo la.

Yɛrɛmaya 31:33

A ko sarama-kan-kurɛ min bi taranna anubɛ wole, Isirɛla mɔgɛnu tɛma, wo le kɛ la. A ko a si ata tɔnnu sɛbɛ wo yisi rɔ. Ale si ma wota Alla la. Wole si ma ata mɔgɛnu na.

Yɛrɛmaya 31:34

Mɔgɔ-wo-mɔgɔ ti a ta-nyɔgɛ karan Mari wara-koe ma tun bawo ka a bi dennɛ ma ka a sigi kina la, bɛɛ si a lɔn. A ko a si wo hakɛ makoto. A ti a fonde lamiri wo sɔn-yogomɛnu ma. Mari kan le kɛ la.

Saraka-Masɔlɛnuta Tɔnnu 19:8

Ni min ya wo dɔn, wo tigi si nanparan sɔrɔn nde, Mari bolo bawo fan min dantɛgɛnɛ nde ma, a ara wo bi iko saraka-sogo ma. Wo kana wo miri mɔgɔ sufa kɛ ma tun ko nde, Maritɛ le ale la.

Matiyu 22:39

A fila nyɔgɛ min tugunnɛ wo la, wo le kɛ la ko, ‘I ni i sigi-nyɔgɛ keni iko i nyɛrɛ.’

Yɔni 14:26

N Fa Alla ye nala min sɔla n tɔgɔ rɔ wo dɛnbɛn tinɛ, Allata Ni-Sɛnimɛ, kɔni, ale le si wo karan koe bɛɛ la. N bara min bɛɛ fɔ wo ye, a si wo hɛnkili labila wo bɛɛ ko.

Kɛwɔlɛnu 4:32

Nba, dɛnkɛninya-mɔgɔ-nyama bɛɛ taranta kan kelen anubɛ yisi kelan rɔ. Mɔgɔ-wo-mɔgɔ ma a fɔ a bolo-fannuna ko la ko atɛ le kɔnɔ fan min bɛɛ ye anu bolo, anu ya wonu tafara anu nyɔgɔn tɛma.

Romu 12:10

Wo ni wo nyɔgɔn keni a kilɛ fɛ iko na kelannu Kirasiti rɔ. Bɛɛ ni anu nyɔgɔn gbiliya ka tenbi a nyɛrɛ la.

2 Kɔrɛnti 9:1

Nba, hali n ma kɛdi sɛbɛ wo ma ka a tɛgɛ Allala mɔgɛnu dɛnbɛn-koe ma Yudiya nyamanɛ rɔ.

Filipai 3:15

Male min dama kanbalinɛ Kirasiti rɔ, a bɛnta miriya wo ni taran ma dama bolo, ado ni miriya-dogbɛrɛ ye mɔgɛ do bolo, alamɛ Alla ya wo labɔ gbɛ rɔ wo tigi ye.

1 Tɛsalonaika 5:1

Nba, ma na-kelen-nyɔgɛnu, koe kɛnu si kɛ tumɛ min, hali n ma kɛdi sɛbɛ wo ma

Hiburunu 10:16

“N bi sarama-kan min kirila yarɔ, wo le kɛ la. N si nna tɔnnu sa anu yisi rɔ. N si wonu sɛbɛ anu hɛnkili rɔ.”

Hiburunu 13:1

Wo ni to wo nyɔgɔn kenina iko a bɛnta na-kelen-nyɔgɛnu ni anu nyɔgɔn keni nya min Kirasiti rɔ.

1 Pita 3:8

Ala ban, wo dama miri-nya anubɛ wo kɛ-nya ni ma kelen na. Wo ni wo nyɔgɔn keni iko na-kelen-nyɔgɛnu. Wo ni ko-nyimɛ kɛ ka wo famayigi wo nyɔgɔn ye.

1 Pita 4:8

Min tenbira wo bɛɛ la, wo ni wo nyɔgɔn keni bɛrɛkɛ, bawo keninteyɛ ye hakɛ siyaman yamatogonna.

2 Pita 1:7

Wo ni diyanayɛ sa wota Alla-yala-kilan kuma. Wo ni keninteyɛ sa wola diyanayɛ kuma.

1 Yɔni 2:10

Ni min bi a na-kelen-nyɔgɛ kenina, wo tigi ye waan rɔ. Nba, fenfen sa ale nyɛrɛ rɔ min si mɔgɔ-gbɛrɛkɛ ladon hakɛ rɔ.

1 Yɔni 3:11

Wo ya karan min bara-koe namɔɛn kebi fɔlɔfɔlɔ, wo le kɛ la—ma ni ma nyɔgɔn keni wona.

1 Yɔni 3:23

Alla ya tɔn minnu di ma ma, wo le kɛnu na—ma ni dɛnkɛninya ala den Yisa Kirasiti tɔgɛ ma ka ma nyɔgɔn keni iko Kirasiti ya a fɔ ma ye nya min.

1 Yɔni 4:21

Kirasiti ya tɔn kɛ di ma ma—a ko min bi Alla kenina fɔ wo ni a na-kelen-nyɔgɛ keni fanan.