1 Tɛsalonaika 4:8 - ALLALA KUMƐ

⁸ Woletɔ mɔgɔ-wo-mɔgɔ wa a ban karan kɛ ma, wo ma a ban mɔgɔ bolo de fɔ Alla min bi ata Ni-Sɛnimɛ dila wo ma.

1 Tɛsalonaika 4:8 ပူးပေါင်းရင်းမြစ်များ

Nihɛmaya 9:30

San-bo-san, i ye i munyuna anu kɔrɔ ka to anu makawandila tolon! I tora kumɛ donna ila nɛbinu da rɔ ka wo latenbi anu ma kɔnɔ mɔgɛnu tole gberenɛ gben! Woletɔ i ya a ma, sibolo-gbɛrɛnu ya anu nɔ tun.

Bɔ-Koe-Iyipiti 16:8

Musa ya a fɔ ko, “Wo si a lɔn ko Mari le ale la min si mɛya-fan di wo ma wura-wo-wura ka dɔn-fan di wo ma sɔgɔma-wo-sɔgɔma wo si minnu dɔn ka wasa. A ye wo mala bawo a ye wo gbunya-kan lamɔɛnna. Wo ye gbunya-kumɛ min fɔla male ma, wo sa a fɔla male ma, fɔ Mari.”

Hɛnkilimaya-Kumɛnu 1:7

Hɛnkilimayɛ dabira fɔlɔtɛ, wo le ka kilan Mari la. Hɛnkilibɔnɛnu si tɛgɛ hɛnkilimayɛ rɔ ka anu ban ata kuma-bira-koe ma.

Hɛnkilimaya-Kumɛnu 23:9

Hali i ma i tɔrɔ hɛnkilimaya-kumɛ fɔla kun-takolɔn ye bawo a ti sɔn a bira-koe ma fɔ ka i lafɛya.

Aiseya 49:7

Isirɛlata wɔli-kɛlɛ wo gboyara mɔgɛnu ye. A bɔrɔbɔnɛ sibolenu ye, ado a mara mansɛnuna yɔɔn la fanan. Wo kunkalɛ, Isirɛlata Alla-sɛnimɛ, wo ya a fɔ mɔgɛ wo ye ko, mansɛnu ba a yen anu ni anu nakɔɛnma a gbiliya tinɛ. Kun-tiginu fanan si mɔgɔ kelan wo yen ka anu madu a kɔrɔ ka anu famayigi. Kɛ bɛɛ si ma bawo Mari ara ban ata wɔli-kɛlɛ yabɔla. Isirɛlata Alla-sɛnimɛ ti a kan tinya.

Aiseya 53:10

Ala tɔrɔyɛ ya Mari hɛnɛ feu! Ata sayɛ mara yiliki-sarakɛ la. Hali wo, a siyi-fɛ si yanya, ado a si a kebilɛnu yen. Min bɛɛ sigira a ma, wo le ya a ma, Mari miriya bɔra.

Luka 10:16

Yisa ya a fɔ ala karan-dannu ye ko, “Min ba a tole masɔ wole la, wo tigi ara a tole masɔ nde la. Min ba a ban wole la, wo tigi ara a ban nde la. Min ba a ban nde la, wo ara a ban n sɔlɛ la.”

Yɔni 12:48

Min ba a ban n na, ado a ma nna kumɛ bira, nna kumɛnu si ma kiti-tɛgɛlɛ la min si wo tigi yiliki. N bi kumɛ minnu fɔla, wonu denu si wo tigi yiliki tele-laban-lun!

Kɛwɔlɛnu 13:41

‘Wole minnu bi nde, Alla mayɛlɛnna, wo si ko-makawanɛ yen ka faga don! N bi nala min mala wota wati kɛ rɔ, hali wo wa a lamɔɛn, wo ti la a la.’ ”

Romu 5:5

ado yigi kɛ ti ma baya mumɛ! A ti ma baya bawo Alla ara ala keninteyɛ kɛ ma yisi rɔ. A ya ata Ni-Sɛnimɛ min di ma ma, wo le ye ma yisi lafala keninteyɛ la.

1 Kɔrɛnti 2:10

Alla ara male lalɔn ala gbundu-koe ma ata Ni-Sɛnimɛ baraka rɔ, ado ata Ni-Sɛnimɛ ye koe bɛɛ nya-nyinina a kilɛ fɛ, hali Allata ko-dogonnɛnu.

1 Kɔrɛnti 7:40

Hali wo, ndeta miriya rɔ, musi wo si sewa ni a ma sigi kei wara tun, ado n lanɛ a la ko Allala Ni-Sɛnimɛ le ye n nabilala kɛ la.

2 Kɔrɛnti 1:22

A ara ma ma atɛ la ka ata tamasere sigi ma kuma, ata Ni-Sɛnimɛ, kɔni. A ya wo ladon ma yisi rɔ alako min bɛɛ ye a bolo ma ye, ale Allata Ni-Sɛnimɛ le wo kun-fɔlɛ la.

Kalesiya 4:6

Ka a yira ko Allata dan le male la, Alla ya ala danta Ni-Sɛnimɛ sɔ ko a ni sigi ma yisi rɔ. A ye a lagbɛla ma ye ko Alla le ma fa la.

1 Pita 1:12

Alla ya a yira nɛbi wonu na ko anuna wɔlɔyiyɛ ti ko-nyinya anu denu ma anuta wati rɔ fɔ woleta wati. Iko anu kumara nya min ka tonyɛ fɔ, wo ara wo lamɔɛn kaka. Anu ya kawandili bɔ wo ye Allata Ni-Sɛnimɛ baraka rɔ, min nara ka bɔ Arinyɛni tɔ. Hali a lɔn-sɔgɛ ye melikanu na nun, kawandili wo bɔra wole le dɔrɔnna ko la.

2 Pita 1:21

Kɛnu ma bɔ anu nyɛrɛta hɛnkili rɔ! Alla ya kumɛ min don nɛbinu da rɔ, anu ya wonu denu fɔ Allala Ni-Sɛnimɛ baraka rɔ.

1 Yɔni 3:24

Min ba Allala tɔnnu bira, wo ye Alla le tɔ. Alla ye ale fanan tɔ. Nba, ma ya a lɔn kɛ le fɛ ko Alla ye male rɔ. Ma ya wo lɔn bawo a ara ata Ni-Sɛnimɛ di ma ma nun.

Yude 1:8

Foninya-karan-mɔgɔ kɛnu fanan bi ko-rayirɛ kɛla wo nya na le. Wonu bi anu nyɛrɛ bagbuyi latinyana. Anu bi Allala sɛnbɛ lafɛyala ka kuma-yogomɛ fɔ gbiliya-tiginu ma minnu bi san-kole rɔ.

1 Samuwɛli 10:19

A ko ale le wota Alla la min bi wo bɔla wola kɔndɔfilinu tɔ. Kɔnɔ a ko kaka, wo ara don mansa-kura-nyinɛ rɔ ka wo ban ale la. A ko ale le wo la. A ara sɔn wo bolo. Kɔnɔ a ko wo ni wo ladɛn wola bɔnsɔn anubɛ wola kebilɛ ma ale Mari yakɔrɔ.”

1 Samuwɛli 8:7

Mari ya a fɔ ale Samuwɛli ye ko, “Mɔgɛnu bara min fɔ i ye, i ni i tole masɔ wo la. Anu sa anu banna ilela kun-tigiyɛ ma. Anu bi anu banna nde letɛ ma.