1 Tɛsalonaika 4:6 - ALLALA KUMƐ

⁶ Nba, koe kɛnu tɔ, mɔgɔ-wo-mɔgɔ kana ko-yogomɛ ma a na-kelen-nyɔgɛ la, ni wo ma, ka baga a ma. Ma ara a fɔ wo ye nun ka a lagbɛlɛya wo kuma gben! Minnu bi ko-yogoma-su wonu kɛla, Mari si wonu tɔrɔ.

1 Tɛsalonaika 4:6 ပူးပေါင်းရင်းမြစ်များ

Yaburi 140:12

Mari, n ya a lɔn de serr, i si bolo-kolɔnnu fɛka le. I si a ma, makolamɛnu ni anu yoe sɔrɔn.

Yaburi 94:1

Mari, Alla le ile la min si karagbɛlɛnu tɔrɔ. Ita fondo-bɔɛ yira anu na.

Bɔ-Koe-Iyipiti 20:15

“Wo kana kankanyɛ kɛ.

Bɔ-Koe-Iyipiti 20:17

“Mɔgɔ kana a niyi sa a sigi-nyɔgɛ bolo-fan kuma iko bon wo, musu wo, yɔɔn wo, anubɛ kolo-fen.”

Hɛnkilimaya-Kumɛnu 11:1

Mari ko mɔgɛ min bi kensunyɛ kɛla fen-suman-fan la, wo ma di a ye. Kɔnɔ mɔgɛ min bi fan sumanna a kilɛ fɛ, Mari ko wo di a ye.

Hɛnkilimaya-Kumɛnu 16:11

Ka fan suman telenbagayɛ la, wo ye bɔla Mari le bolo, ado Mari ti sɔn kensunteyɛ ma.

Hɛnkilimaya-Kumɛnu 20:14

Mɔgɛ tenbi fan do sanna, a si a fɔ ko, “A dɛ gbɛlɛ” kɔnɔ a wa ban a sanna tumɛ min, a sewanɛ si ta a fɔ ko, “Kɛ dɛ diyara n na.”

Hɛnkilimaya-Kumɛnu 20:23

Minnu si kensunyɛ kɛ fen-suman-fannu na, wonu ma di Mari ye.

Hɛnkilimaya-Kumɛnu 28:24

Mɔgɛ min bi a sɔrɔnbagɛnu kankanna, a ni a fɔ ko, “Tana ma kɛ la,” wonubɛ kasarantenu takɛn de!

Makawandili Kumɛnu 5:8

Ni i ya a yen, bolo-kolɔnnu bi tɔrɔla, anu sa yo sɔrɔnna, ado anuna tonyɛ sa bɔla gbɛ rɔ, i kana tɛrɛna wo la. Wo ye tɛgɛla bawo anu kun-tigi minnu bi anu kuma, wonu fanan bi kun-tigi donu denu kɔrɔ.

Aiseya 5:7

Mari Sɛnbɛ-Bɛɛ-Tigita nakɔɛ, wo le Isirɛla kɛ la. Yuda nyamanita-mɔgɛ wonu minnu di a ye, wonu denu bi ki-fenyɛ la. Mari miri ko anu bi ko-kɛndɛ le kun na nun, yaga, anu sa fenfen kun na fɔ mɔgɔ-fagɛ. A ya a lɔn ko anu bi ko-telennɛ le kun na nun, yaga, anu bi buila minnu ma, wonu bi dila a dala ko-telenni-koe la.

Yɛrɛmaya 7:6

Sundannu wo, kelennɛnu wo, kɛɛ-musinu wo, wo kana a lagbɛlɛya wonu kuma. Minnu ma ko-yogomɛ ma, wo fara anu fagɛ la nyamanɛ kɛ rɔ. Wo fara bɛsi-kɔ-koe la fanan. Ni wo ma, bɛsi-kɔ-koe wo si wo halaki.

Yɛrɛmaya 9:4

Bɛɛ ni a ma a fɛrɛma a diyana-mɔgɔ wara la. Hali i na-kelen-nyɔgɔ bɛrɛbɛrɛ le, i kana la a la. Bɛɛ ye a na-kelen-nyɔgɛ yanfala iko wo benba Yakoba. Bɛɛ ye tɔgɛ sala a diyana-mɔgɛ la.

Isikiyɛli 22:13

“N si n bolo-nɔlɔnɛ laperepere ka a yira ko n ma sɔn anu bolo ka a tɛgɛ anuna kankanyɛ anubɛ mɔgɔ-fagɛ ma.

Saraka-Masɔlɛnuta Tɔnnu 19:11

“Wo kana foninyɛ fɔ. Wo kana kankanyɛ anubɛ kensunyɛ kɛ.

Saraka-Masɔlɛnuta Tɔnnu 19:13

“Wo kana tɔnɔ-wɛ labɔ wo ta-nyɔgɛnu kuma. Ni wo ya wɔli-kɛlɛ bi ka ta wola wɔli-kɛ-tinɛ, yanni i ni a boloka, wo ni a sarɛ don a bolo. Wo kana a sarɛ bira ha wo banda kɛ sɔgɔma.

Saraka-Masɔlɛnuta Tɔnnu 25:14

Kɔnɔ n bara min fɔ nun, wo ni wo hɛnkili to wo ko. Min tenbi ata dugi mayirala a ta-nyɔgɛ Isirɛla mɔgɛ do ma, a kana a dɛ lagbɛlɛya a kuma.

Saraka-Masɔlɛnuta Tɔnnu 25:17

Wo kana wo na-kelen-nyɔgɛ Isirɛla mɔgɛnu kensunya. Wo ni kilan nde, Mari Alla la min ya kɛ fɔ.

Maika 2:2

Ni mɔgɔ-su kɛnu bi nyinina mɔgɛ do bolo-fan do ma, a mara wɔli-kɛ-tinɛ la wo, a mara bɔn la wo, anu si a bi kensunteyɛ la anu ta-nyɔgɛ donu bolo, hali anu ta-nyɔgɛ donuna denbayɛ donu.

Sɛfanaya 3:1

Yerusalɛm soe kɛ lafanɛ mɔgɔ-murutiyanɛnu anubɛ karagbɛlɛnu na. Yan-mɔgɔ-banu bi anuna mɔgɛnu nyagbala. Wola ko la, fɔ soe kɛ wa kasara serr!

Sɛfanaya 3:5

Kɔnɔ hali wo, Mari ye Yerusalɛm soe kɛ burɔ. Koe min telennɛ, Mari si wo le ma. A ti ko-raduni wo ko-raduni ma. Tuma-wo-tuma, a si telenbagaya-kilɛ yira ala mɔgɛnu na. Kɔnɔ hali wo, karagbɛlɛ minnu bi nyɔ, anu ti miliya karagbɛlɛya-kɛ-tinɛ.

Malakayi 3:5

Mari Sɛnbɛ-Bɛɛ-Tigi ko a si bɔ gbɛ rɔ wo ye ka ko-yogoma-kɛlɛnu makuma. A duru wo, a yɛlɛn wo, a foninya-sereya-fɔla wo, minnu bi wɔli-kɛlɛnu kensunyala anu sarɛnu kuma wo, a kɛɛ-musu bolo-labirala wo, a kelenni bolo-labirala wo, a sundan bolo-labirala wo, ado anu fenfen sa a gbiliyala, a si wo bɛɛ kiti!

Maraka 10:19

Ka ila nyinikalɛ yabi, i ya tɔn kɛnu lɔn. Anu ko, ‘Wo kana mɔgɔ faga. Wo kana yɛlɛnyɛ kɛ. Wo kana kankanyɛ kɛ. Wo kana foninya-sereyɛ bɔ. Wo kana mɔgɔ kensunya. Wo ni wo na anubɛ wo fa gbiliya.’ ”

Luka 12:5

Wo ni kilan min na, n si wo yira wo la. Wo ni kilan Allatala la bawo sɛnbɛ ye a bolo ka wo niyi bi, wo kɔma, a ni wo lakɛ nyahanama rɔ. Ɔnde, n bi tonyɛ le fɔla wo ye, wo ni kilan wo la!

Luka 16:28

N na-kelen-nyɔgɛ mɔgɔ loli ye nyɔ. A ni ta ka anu makawandi alako anu kana na tɔrɔya-su kɛ rɔ yan.’

Romu 1:18

Alla ye ala diminyɛ yirala mɔgɛnu na ka bɔ Arinyɛni tɔ ka a tɛgɛ anuna hakɛ anubɛ anuna ko-yoge bɛɛ ma. Wonuna ko-yogoma-kɛ le tonyɛ masɛgila anu na.

Romu 12:19

N diyana-mɔgɛnu, wo kana wotɛ lasɛgi. Wo ni wotɛ to Alla ma, ado a sɛbɛnɛ Allata kitabu rɔ ko, “Mari si wo tayili sara.”

Romu 13:4

Allala wɔli-kɛlɛ le anu na wo munanfaga-koe la. Kɔnɔ ni i wara ko-yogomɛ kɛ, i ni kilan anu na bawo sɛnbɛ ye anu bolo ka mɔgɛnu tɔrɔ. Allala wɔli-kɛlɛ le anu na min bi Allala diminyɛ labɔnna ko-yogoma-kɛlɛnu kuma.

2 Kɔrɛnti 7:11

Alla ya a ma, wo yisi lafinta min kɛ, wo ni a mafɛlɛn a ya wo dɛnbɛ nya min. Wo ara wo ma sɛbɛna-mɔgɛnu na gbɛ! A sɔgɛ ya wo bira ka a yira ko sɔn sa wo la! Wo diminyara kati, ado wo kilanta bawo wo ya ko-yogomɛ le ma. N yen-sɔgɛ ya wo bira. Nta hɔnyɛ ya wo bira fanan. A di wo ye ka ko-yogoma-kɛlɛ wo tɔrɔ! Wo ya a lagbɛ ko fɛɛ sa wo la kɛ fenfen tɔ.

Kalesiya 5:21

Anu sa nyinina ko-nyima wo ko-nyima ma anu bɔnuna ko la. Anu manɛ gbɛɛtoenu na. Anu bi anu fɛrɛ-bɔnku-natanu denu wasala tolon! Anu bi ko-sufa wo bɛɛ mala. N bi a fɔla wo ye tun ko minnu bi ko-sufa wo bɛɛ kɛla, wonu ti Allala mansayɛ sɔrɔn muk!

Ɛfɛsa 4:17

Marita kilayɛ le kɛ la n bi min nagbɛlɛyala wo kuma gben! Wo kana tagama tun iko Alla-batobɛlɛnu. Wonu miriya manɛ fuyi le la.

Ɛfɛsa 4:28

Ni min bara duru kankanyɛ la, wo ni kankanyɛ boloka ka a sɛbɛ don wɔlɛ ma. Wo si a ma, a ni ke a nyɛrɛ-beli-fannu sɔrɔnna ka bolo-kolɔnnu fanan dɛnbɛ.

Ɛfɛsa 5:6

Wo kana sɔn, mɔgɔ ni wo bolo labira kun-takolonya-kumɛnu na. Allata diminyɛ si na wonu denu kuma minnu ti sɔn ata kumɛ birala.

Tɔn-Fɔɛ-Fila-Nyɔgɛ 24:7

“Ni min ya a na-kelen-nyɔgɛ Isirɛla mɔgɛ do kankan ka a ma ala yɔɔn la, ni wo ma, ka a mayira yɔɔnyɛ rɔ, wo si wo tigi faga don! Ni wo ya wo ma, wo si ko-yogoma-su wonu ban wo tɛma.

Tɔn-Fɔɛ-Fila-Nyɔgɛ 32:35

Wota Mari si wota yili sara ka anu tɔrɔ kosɛbɛ! Anu fanan bu-wati si na. Anu halaki-wati ara gbɛrɛn.

1 Tɛsalonaika 2:11

Wo ya a lɔn ko ma ya wo kelen-kelennamɛ-bɛɛ bira iko denbɛnu si anuna dannu bira nya min.

2 Tɛsalonaika 1:8

ta-mɛlan la. A si Alla-lɔnbɛlɛnu tɔrɔ anubɛ minnu ma sɔn ma Mari Yisa, Allata-Mɔgɔ-Yabɔnɛta kibara-nyimɛ bira-koe ma.

Hiburunu 13:4

Mɔgɛ bɛɛ ni furi gbiliya. Keinubɛ musinu ni telen anu nyɔgɔn ye dɛɛ, ado Alla si sɔn-yogoma-tiginu anubɛ yɛlannu kiti.

Hiburunu 2:6

Kɔnɔ iko a sɛbɛnɛ Allata kitabu kan tinɛ do rɔ nya min, a ko, “E, Alla, nfen bi hadama-dan la min bi a tola, i ye i mirila a ma? Nfenna gbu, i miriya ye kɛla mɔgɔni-finyɛ ma?

Yemesi 2:6

Kɔnɔ wole ye bolo-kolɔnnu nafɛyala dɛɛ, ado yon bi wo niyi ragbɛrɛnna ka wo lafili kiti tɛgɛ tinɛ? Nɔnfulu-tiginu denu si wo ma!

Yemesi 5:4

Mɔgɛ minnu wɔlita wo ye wola sɛnɛnu tɔ, wo ya wonu kensunya. Alla ara wola yasere-masa-kan lamɔɛn. Nba, minnu ya wola fui-fan tɛgɛ ka a ladɛn wo ye, wonu di-kɛ-kan ara ke Mari Alla Sɛnbɛ Bɛɛ Tigi tole rɔ!