1 Tɛsalonaika 4:4 - ALLALA KUMƐ

⁴ Kei kelen-kelennamɛ-bɛɛ ni a lɔn a si a nyɛrɛ fɛrɛ-bɔnkɛ mara sɛninyɛ rɔ nya min.

1 Tɛsalonaika 4:4 ပူးပေါင်းရင်းမြစ်များ

Kɛwɔlɛnu 9:15

Mari ya a fɔ a ye ko, “Ta! Nde le ara a yabɔ ko a ni wɔlɛ kɛ n ye. A si a ma, sibolo-gbɛrɛnu anubɛ anuna mansɛnu ni n tɔgɛ lamɔɛn, hali Isirɛla mɔgɛnu,

Romu 1:24

Nba, hadama-dannu kuntanyara min kɛ, woletɔ Alla ya anu to anu sɔn-yogomɛnu da kun tɔ. Anu ya kisimiriya-koenu ma anu nyɔgɛnu na.

Romu 12:1

Nba, n na-kelen-nyɔgɛnu, ka a tɛgɛ Allata kinikini-belebele-wɛla ko ma male ye, n bi wo madiyala ko wo ni wo nyɛrɛ ma saraka-nimɛ la Alla ye. Wo sɛninyanɛ ni taran Alla yala ka a kɔntɔ-diya-koenu kɛ. A bato-nya-bɛrɛ le wo la wo si min ma.

Romu 6:19

(N ya yɔɔnya-koe ma misalɛ la wo ye bawo wo si wo le nya-yen, ado wo rafaganɛ Alla wara-koe rɔ.) Fɔlɔ-nun, wo ya wo nyɛrɛ to ko-yogomɛ anubɛ sɔn-yogoyɛ kɔrɔ iko yɔɔn. Kɔnɔ kaka, fɔ wo ni wo nyɛrɛ to ko-sɛnimɛ anubɛ telenbagayɛ kɔrɔ iko yɔɔn alako wo si ma Allata mɔgɔ-kɛndɛnu na nya min.

1 Kɔrɛnti 6:15

Wole ya a lɔn ko Kirasiti fɛrɛ-bɔnkɛ-tɔnkɔ-do le wole la, wa? A ye kama? N si Kirasiti fɛrɛ-bɔnkɛ-tɔnkɔ-do bi ka a tugun yɛlan-fɛrɛ-bɔnkɛ la, wa? Alamɛ ma kisira wo ma!

1 Kɔrɛnti 7:2

Kɔnɔ yɛlɛnyɛ ara siyaya min kɛ, a fisa, kei bɛɛ ni musi furu. Musi bɛɛ ni sigi kei-wara-sigi rɔ.

1 Kɔrɛnti 7:9

Kɔnɔ ni wo ti ke wo nyɛrɛ mabirala, nba, keinu ni musi furu, musinu fanan ni sigi furi rɔ, ado ka furi kɛ anubɛ ka sigi kei-wara-sigi rɔ, wo fisa fɛrɛ-bɔnku-nata-tɔrɔyɛ ko.

2 Kɔrɛnti 4:7

Nba, wodi ti ke kibara-nyimɛ min sanna, wo ye male min bolo, ma mani de dɔrɔn iko bɔnku-dagɛnu. Wo si a yira ko Allata sɛnbɛ ye fan bɛɛ marala. Atɛ le, mata ma.

Filipai 4:8

Ala ban, n na-kelen-nyɔgɛnu, tonyɛ ye koe min bɛɛ la wo, tantolɛ ye min tɔ wo, koe min bɛɛ telennɛ wo, koe min bɛɛ sɛnima wo, koe min bɛɛ kin wo, koe min bɛɛ bɛnnɛ wo, koe min bɛɛ kɛndɛ wo, gbiliyɛ ye min bɛɛ rɔ wo, wo ni wo hɛnkili to wonu denu ma tolon!

Hiburunu 13:4

Mɔgɛ bɛɛ ni furi gbiliya. Keinubɛ musinu ni telen anu nyɔgɔn ye dɛɛ, ado Alla si sɔn-yogoma-tiginu anubɛ yɛlannu kiti.

1 Pita 3:7

Keinu fanan, wo ni wo miri wola musinu ma. Wo ni a lɔn ko wota sɛnbɛ kolo anutɛ ko, woletɔ wo ni anu bira a kin na ka anu gbiliya, ado Alla ye duwɛ min kɛla ka habadan-nimayɛ di wo ma, wo dama rakɛn wo sɔrɔn-koe rɔ Alla bolo. Ni wo ya wo ma, fenfen ti wola Alla-matarɛ tinya.

1 Samuwɛli 21:5

Dawuda ya a fɔ a ye ko, “Tele-dande kɛ kɔrɔ, male ma wo ma. Ma tara ma halala-tagama rɔ kan-bo-kan, ma sɛninyani de iko tɔn ya a fɔ nya min kumanato, tagama-latankanɛ kɛ rɔ.”