1 Tɛsalonaika 4:11 - ALLALA KUMƐ

¹¹ Wo ni wo raya alako yisi-kimɛ ni to wo tɛma. Wo ni wo nyɛrɛta wɔlɛ kɛ ka wo nyɛrɛ beli-fan sɔrɔn iko ma ya a fɔ wo ye nya min nun.

1 Tɛsalonaika 4:11 ပူးပေါင်းရင်းမြစ်များ

Hɛnkilimaya-Kumɛnu 17:1

Yanni mɔgɛ ni fen dɔn ladiyɛ rɔ rayogobo-yagaba, wobɛ kɔndɔfili, a fisa, a ni to biredi-gbalɛ dɔnna yisi-kimɛ rɔ.

Hɛnkilimaya-Kumɛnu 17:14

Ka sɔsɔlɛ lawuli, wo mani de iko yi wa balan sɔgɔ. I ni sɔsɔlɛ wo ban yona alako a kana na to koloyala.

Makawandili Kumɛnu 4:6

Yanni mɔgɛ ni a nyɛrɛ tɔrɔ wɔli-wɛ la, a fisa, fen-nɛ ni taran a bolo yisi-kimɛ rɔ bawo fen-nyinina-wɛ mani de iko mɔgɔ tenbi fɔnyɔ birala.

Nimisa Koe 3:26

Min fisa, fɔ ka i munyu alako Mari si na ma lakisi nya min.

Maraka 13:34

A si ma iko kei min bɔra a warɛ ka ta tagama rɔ. Wo ya ala wɔli-kɛlɛnu to ala bɔn kun na. A ya wɔlɛ to anu kelen-kelennamɛ-bɛɛ bolo. A ya a fɔ da-kandannɛ ye ko a ni a yɛ lakalan.

Kɛwɔlɛnu 18:3

A mɛra nyɔ wɔlila anu fɛ bawo a ye a beli-fan sɔrɔnna fani-bɔn-nadan-wɔlɛ wo le tɔ iko wonu fanan bi a mala nya min.

Kɛwɔlɛnu 20:35

Wo si to sɛnbɛbɔnɛnu dɛnbɛna nya min, n bara wo dama yira wo la nta wɔlɔ-gbɛlɛmɛ fɛ. Mari Yisa nyɛrɛ ya kumɛ minnu fɔ, wo ni wo yili to wonu ko. A ko, ‘Min bi fan nila, wota sewɛ kolo ka tenbi a ye a dila min ma.’ ”

Romu 12:11

Wo ni wola wɔlɛ kɛ bɛrɛkɛ! Mɔgɔ kana tinya-mansayɛ kɛ. Wo ni wɔli Mari ye wo yisi bɛɛ la sewɛ rɔ.

Romu 15:20

Mɔgɔ ma Kirasiti tɔgɔ fɔ kan min wɛ, a sɔgɛ ya n bira ka kibara-nyimɛ lake nyɔ bɛɛ rɔ. N kana nna bɔn sɔ mɔgɔ-gbɛrɛla bon-kurukɛnɛ kuma.

1 Kɔrɛnti 4:12

Ma ye boloma-wɔlɛnu kɛla ka ma nyɛrɛ makoenu nyinya. Anu ba ma danka, male si duwa anu ye. Anu ba a lagbɛlɛya ma kuma, ma si ma munyu.

2 Kɔrɛnti 5:9

Kɔnɔ min tenbira wo bɛɛ la, ni ma ye ma warɛ yan, ni wo ma, nyɔ, ma ye a fɛ le ka Alla hɛnɛ tolon!

Ɛfɛsa 4:28

Ni min bara duru kankanyɛ la, wo ni kankanyɛ boloka ka a sɛbɛ don wɔlɛ ma. Wo si a ma, a ni ke a nyɛrɛ-beli-fannu sɔrɔnna ka bolo-kolɔnnu fanan dɛnbɛ.

1 Timoti 5:13

Wo kɔma, anu si anuna wati tinya tagamana mɔgɛnuna bɔnnu na. Kɔnɔ min yogo wo ko, anu si to nafigiyɛ anubɛ kolandiyɛ kɛla. Anu si kumɛ donu fɔ, a ma bɛn, anu ni minnu fɔ.

Taita 3:14

I ni ila mɔgɛnu karan ko-nyima-kɛ la alako anu ni mɔgɛnu dɛnbɛ anu mako-nyinyɛ la. Anu kana ma mɔgɔ-fuyinu na.

1 Pita 3:4

Kɔnɔ ila kinyɛ ni taran i yisi fɔlɔn tɔ. Ila sabari-nya anubɛ ila dinyɛ, wonu denu si Alla hɛnɛ. Alla ya a fɔ ko-su kɛnu denu ma ko anu kin, ado kinya-su kɛnu denu si Alla kolan labɔ!

1 Pita 4:15

Kɔnɔ ni wo mara mɔgɔ-fagalɛ la, ni wo ma, kankan, ni wo ma, ko-yogoma-kɛlɛ, ni wo fanan ma, nafigi, anu ba wo tɔrɔ, wo ara wo bɛrɛmɛ sɔrɔn.