1 Tɛsalonaika 3:8 - ALLALA KUMƐ

⁸ Wo sɔni tora Marila ko la min kɛ, wo ara ma yisi sa buda!

1 Tɛsalonaika 3:8 ပူးပေါင်းရင်းမြစ်များ

Yaburi 30:5

Ala fondo-bɔɛ mani de iko ya-makeri kelan kɔnɔ dan sa ala nyimayɛ wo la. Ya-yi si to yigila suyi rɔ kɔnɔ sɔgɔma, diyi wo si a laban a bolo nyagalan ma.

Yɔni 15:4

Wo ni to nde rɔ, nde fanan si to wole rɔ. Ni wo ma to nde rɔ, wo ti ke gbɔla. Wo si ma iko bolɔn min tugunni ma kɔlɔma-kuri la, wo sa gbɔla nya min.

Yɔni 15:7

Ni wo tora nde rɔ, ado ni nna kumɛ sigira wo yisi rɔ, wo wa n tara ko-wo-ko la, wo si wo diyana-koe wo sɔrɔn.

Yɔni 8:31

Wo kɔma, Yahudiya minnu dɛnkɛninyara a ma, Yisa kumara wonu ye. A ko, “Ni wo ya nna karan bira, nna karan-den-bɛrɛ le wole la.

Kɛwɔlɛnu 11:23

A kera nyɔ tumɛ min, Alla ara ata duwɛ layigi ata mɔgɛnu kuma nya min, wo yen a bolo, a sewara. A ya anu dama makawandi ko anu ni lanayɛ kɛ ka telen Mari ye anu yisi bɛɛ la.

1 Kɔrɛnti 15:58

Woletɔ n na-kelen-nyɔgɛnu, wo ni wo sɔ gben! Wo ni to wɔlila Mari ye tuma-wo-tuma bawo wo ya a lɔn ko wo ye min kɛla Marita wɔlɛ rɔ, wo ti ma fuyi la mumɛ!

1 Kɔrɛnti 16:13

Wo ni wo ya lakalan ka wo sɔ dɛnkɛninyɛ rɔ yiri! Wo ni wo kerinteya ka wo sɛnbɛ don.

Kalesiya 5:1

Kirasiti ara ma hɔrɔya feu! Wo ara hɔrɔya min kɛ, wo ni wola hɔrɔyɛ bira gben! Wo kana sɔn ko Nɛbi Musata tɔn-kitabu ni wo ma yɔɔn la tun!

Ɛfɛsa 3:17

N bi a matarala ko Kirasiti ni sigi tinɛ sɔrɔn wo yisi rɔ dɛnkɛninyɛ fɛ. Alamɛ wo suli banbanta ka sabati keninteyɛ rɔ.

Filipai 1:21

N bi n niyi la nfenna? Nde yala, Kirasiti le wo kɔrɛ la! Nba, sayɛ le si ma tɔnɛ la worɔ nde yala.

Filipai 1:27

Nba, ko-wɛ ye min na, wo le kɛ la. Wo tagama-nya ni bɛn Kirasitila kibara-nyimɛ ma. Woletɔ ni n ya fɛrɛ sɔrɔn ka ta wo yen, ni n ma ta, n si to a lamɔɛnna ko wo sɔnɛ yiri! Wo si a taran, wo ye wɔlila wo nyɔgɔn fɛ kan kelen tɔ kibara-nyimɛla ko la wo dɛnkɛninyanɛ min ma.

Filipai 4:1

Woletɔ n na-kelen-nyɔgɛnu, wola ko di n ye dɛɛ! Wo yen-sɔgɛ ye n na bɛrɛkɛ! Wo ara n nasewa kati, ado n wasinɛ wola ko la a nya ma. N diyana na-kelen-nyɔgɛnu, wo ni wo sɔ gben Marila koe rɔ.

Kɔlɔsi 1:23

Nba, wo ni wo sɔ yiri, wola dɛnkɛninyɛ rɔ. Wo kana sɔn, wo ni maga ka bɔ yigi wo rɔ. Wo ya kibara-nyimɛ lamɔɛn tumɛ min, wo ya yigi wo sɔrɔn. Nde, Pɔli le mara kibara-nyimɛ wota wɔli-kɛlɛ la, ado kibara-nyimɛ wo ara ke duninya-mɔgɛ bɛɛ ma.

1 Tɛsalonaika 3:7

Woletɔ ma na-kelen-nyɔgɛnu, hali mala tɔrɔyɛ anubɛ mala nyagbɛ kolo, wola dɛnkɛninyɛ ya ma sɛnbɛ don.

Hiburunu 10:23

Ma ye yigi minna ko fɔla, ma ni wo bira gben, bawo ma lanɛ Alla la ko a si ata lanyiri kanbali.

Hiburunu 3:14

Ni ma tora lanayɛ kɛla ka bi a fɔlɔtɛ ha ala ban, ma dama ye ta-nyɔgɔnyɛ kɛla Kirasiti fɛ worɔ.

Hiburunu 4:14

Saraka-masɔla-kun-tigi-wɛ ye ma bolo min bara ta ha Alla yakɔrɔ, Allala dan Yisa, kɔni. Nba, ma ara dɛnkɛninya Yisa ma min kɛ, ma ni dɛnkɛninyɛ wo bira ma bolo filɛ la gben,

1 Pita 5:10

Kɔnɔ wo wa tɔrɔ wati-kundu-ni kɔrɔ, hinɛ-bɛɛ-tigi Alla min bi wo kelela ala habadan-gbiliyɛ ma Kirasiti rɔ, ale nyɛrɛ si wo kanbali ka wo sɔ-bole rabɛn gben!

2 Pita 3:17

Kɔnɔ n diyana-mɔgɛnu, wo ara ban hɛnkili sɔrɔnna wonu ma min kɛ, wo ni a ma wo fɛrɛma worɔ. Tɔn-tinyalɛ wonu kana a ma, wo ni sama kilɛ ma.

Lankɛnimayɛ 3:11

N bi nala tiriya! Min bi wo bolo, wo ni wo mara gben! Woletɔ wo ara barayi min sɔrɔn ka a bɛn wola nɔlɛ ma, mɔgɔ-wo-mɔgɔ ti ke wo kankanna wo bolo.

Lankɛnimayɛ 3:3

Nba, wo ara min karan wo, anubɛ wo ya min namɔɛn wo, wo hɛnkili ni to wonu ko. Wo ni wonu bira ka wo kɛ-nya yɛlɛma. Ni wo ma kunden, wo hɛnkili sa a ma tumɛ min, n si na kɛ wo ma iko kankan ka wo tɔrɔ.

1 Samuwɛli 25:6

A ya a sara anu na ko anu ni ta a fɔ Nebali ye ko, “Nde ara wobɛ wola denbayɛnu kɔndɔn bɛrɛkɛ!