1 Tɛsalonaika 3:11 - ALLALA KUMƐ

¹¹ Alamɛ ma Fa Alla anubɛ ma Mari Yisa ya kilɛ rabɛn ma ye ka na ke wo ma!

1 Tɛsalonaika 3:11 ပူးပေါင်းရင်းမြစ်များ

Aiseya 63:16

Ma fa le ile la. Iburayima ma a lɔn ni ala dan le male la. Yakoba fanan ma ma lɔn. Kɔnɔ ma fa le ile Mari nyɛrɛ la. Kebi hun, i tɔgɛ le, “Ma Kunkalɛ.”

Yɛrɛmaya 31:9

A ko wole, ala mɔgɛnu si sɛgi dila nyagalen bolo. Wo namato, a si wo niyi radiya. Wo ye bɔla kilɛ min fɛ, wo kan na ti gbala nyɔ. Wo ye bɔla kilɛ min fɛ, wo ti wo kian natugu nyɔ. Mari mani de wole, Isirɛla mɔgɛnu ye iko wo fa. Ala sarɛ le wole, Ifɛrɛm mɔgɛnu na.

Malakayi 1:6

Mari Sɛnbɛ-Bɛɛ-Tigi ya a fɔ ata saraka-masɔlɛnu ye ko a bɛnta, den-kei ni a fa gbiliya. A bɛnta fanan, wɔli-kɛlɛ ni a tigi gbiliya. Kɔnɔ a ko wo fa le ale la kɔnɔ wo sa ale gbiliyala. A ko wo tigi le a la fanan kɔnɔ wo sa a gbiliyala. A ko a ma di wole saraka-masɔlɛnu ye mumɛ kɔnɔ hali wo, wo ye a manyinikala ko, “Ma ya a yira a la kama ko a sɔgɔ la ara bɔ ma la?”

Matiyu 6:14

“Ado nfan, minnu bara ko-yogomɛ kɛ wo la, ni wo ya anu makoto, wo Fa Alla min bi Arinyɛni tɔ, wo si wo fanan makoto.

Matiyu 6:18

woletɔ mɔgɔ ti a lɔn ko i ye sunyɛ rɔ. I ya sa i Fa Alla min na, wo si wo lɔn. I Fa Alla min bi i yenna a kɛla dogɔn rɔ, wo si i barayi.

Matiyu 6:26

Wo ni konanu mafɛlɛn. Anu ti sugi fui. Anu ti a tɛgɛ. Anu ti a sa birɛ la. Kɔnɔ wo Fa min bi Arinyɛni tɔ, wo le ye anu dama kandanna! Wole ma tenbi konanu na, wa?

Matiyu 6:32

(Hali Alla-lɔnbɛlɛnu bi nyinina kɛnu denu ma tuma-wo-tuma.) Kɔnɔ wo Fa Alla min bi Arinyɛni tɔ, wo ya a lɔn ko wo makoe ye fan kɛ bɛɛ la.

Matiyu 6:4

I ni a ma dogɔn rɔ. Woletɔ i Fa Alla min bi i yenna a kɔla dogɔn rɔ, wo si i barayi.

Matiyu 6:6

Kɔnɔ i tenbi madiyali kɛla, i kelan ni don ila konko la ka a dɛ latogon. I ni i Fa Alla madiya, i sa min yenna. Ale i Fa Alla min bi i yenna a kɛla dogɔn rɔ, wo si i barayi.

Maraka 1:3

Mɔgɛ do gbele-gbelen-kan ye bɔla wulɛ rɔ ko, ‘Bɛɛ ni kilɛ laka Mari ye. Anu ni kila-latelennɛ ladan a ye!’ ”

Luka 12:30

Hali Alla-lɔnbɛlɛnu bi nyinina fan kɛnu ma tuma-wo-tuma kɔnɔ wo Fa Alla ya a lɔn ko wo makoe ye fan kɛ bɛɛ la.

Luka 12:32

“Wole, nna saga-kurun-nɛ, wo kana kilan bawo wo Fa fonde ara sa ka mansayɛ di wo ma.

Yɔni 20:17

Yisa ya a fɔ a ye ko, “I kana i bole tugu n na bawo n ma yɛlɛ wɛ n Fa Alla warɛ. Kɔnɔ ta a fɔ n na-kelen-nyɔgɛnu ye ko n bi nala yɛlɛla san-kole rɔ n Fa anubɛ wo Fa warɛ, nta Alla anubɛ wota Alla, kɔni.”

Romu 1:3

Kibara-nyimɛ wo tɛgɛnɛ Yisa le ma, Allala den-kei, kɔni, min sɔrɔnta Dawuda bɔnsɔn rɔ hadama-danta kilɛ fɛ.

2 Kɔrɛnti 6:18

N si ma wo fa la. Wo si ma nna dannu na. Mari-Sɛnbɛ-Bɛɛ-Tigi-kan le kɛ la.”

Kalesiya 1:4

Kirasiti ya ma Fa Alla sako kɛ ka a nyɛrɛ niyi ni male hakɛ-tiginuna ko la. A ya wo ma alako ma ni hɔrɔya wati-yogomɛ kɛ ma.

Kɔlɔsi 1:2

ka a lata wole, Allata mɔgɛnu ma Kɔlɔsi soe burɔ. Ma na-kelen-nyɔgɛ le wole la ka a tɛgɛ wola dɛnkɛninyɛ ma Kirasiti rɔ, ado lanaya-mɔgɛ le wole la fanan. Alamɛ ma Fa Alla hinara wo la ka yisi-kimɛ di wo ma.

1 Tɛsalonaika 3:13

Alamɛ wo yisi ragbɛlɛyara alako ma Mari Yisa anubɛ ata mɔgɔ-sɛnimɛnu ba na tumɛ min, wo sɛninyanɛ ni taran ma Fa Alla yala.

1 Tɛsalonaika 4:16

Wo wa gbele-gbelen-kan lamɔɛn anubɛ melika-kun-tigi-kan anubɛ Allata buru-fɛ-kan, Mari nyɛrɛ si yigi ka bɔ Arinyɛni tɔ wo tumɛ le tɔ! Minnu dɛnkɛninyara Kirasiti ma ka faga dɛnkɛninyɛ rɔ, wonu fɔlɔn si wuli ka anu niyi lafɛ.

1 Tɛsalonaika 5:23

Alla min bi yisi-kimɛ dila wo ma, alamɛ wo ya wo dɛnbɛ ka wo nyɛrɛ mara feu! Wo niyi wo, wo sɔndɔmɛ wo, wo fɛrɛ-bɔnkɛ wo, alamɛ wo ya wo bɛɛ mara a kin na! Ma Mari Yisa, Allata-Mɔgɔ-Yabɔnɛ wa na tumɛ min, a ni wo taran, fɛɛ-wo-fɛɛ sa wo la.

2 Tɛsalonaika 2:16

Alamɛ ma Mari Yisa, Allata-Mɔgɔ-Yabɔnɛ-nyɛrɛ anubɛ ma Fa Alla ya wo sɛnbɛ don. Alla ya ma keni ka habadan-yisi-kimɛ anubɛ yigi-nyimɛ di ma ma ala hinɛ le tɔ.

2 Tɛsalonaika 3:16

Mari nyɛrɛ min bi yisi-kimɛ dila ma ma, alamɛ wo ya yisi-kimɛ di wo ma tumɛ bɛɛ, nya bɛɛ ma. Mari ni to wo dama fɛ.

2 Tɛsalonaika 3:5

Alamɛ Mari ya Allala keninteyɛ yira wo la ka a ma, wo ni wo munyu iko Kirasiti nyɛrɛ.

1 Yɔni 3:1

Ma Fa Alla ara ma keni nya min, wo mafɛlɛn! Ala keninteyɛ kolo kati! A kolo ha, a ara ma kele ko ata dannu, ado male le wo la serr! Wo le wara a ma, duninya ma male lɔn bawo a ma Alla fɔlɔn lɔn.

Lankɛnimayɛ 21:3

N ya kuman-kan-ba lamɔɛn ka bɔ mansaya-sigi-fan rɔ. A ko, “Alla mayiginɛ mɔgɛnu fɛ kaka, ado a si to anu fɛ. Anu si ma ata mɔgɛnu na. Alla nyɛrɛ si taran anu fɛ ka ma anuta Alla la.