1 Tɛsalonaika 2:9 - ALLALA KUMƐ

⁹ Ma na-kelen-nyɔgɛnu, wo hɛnkili ye mala wɔlɛ anubɛ mala nyagbɛ ko, yɔ! Ma tenbi Allala kibara-nyima-kawandili bɔla wo ye, ma tora wɔlila ma bole la su-ni-tele alako ma kana wo tɔrɔ.

1 Tɛsalonaika 2:9 ပူးပေါင်းရင်းမြစ်များ

2 Mansɛnu 6:2

Ma ta Yorodan bɛ dafɛ ka bon-kɔn donu tɛgɛ. Ma ni bɔn do sɔ nyɔ rɔ.” Nɛbi Ilaisa sɔnta wo ma.

Nihɛmaya 5:15

Kun-tigi minnu bi yan nun kɔrɔma la, wonu taranta a lagbɛlɛyala mɔgɛnu kuma. Tele-wo-tele, mɔgɛnu bi wodi-gbɛ-gbu bi-nani bɔla ka wo sa kun-tigila dɔn-fen anubɛ minni-fen kuma. Hali anuna wɔli-kɛlɛnu, wonu bi mɔgɛnu tɔrɔla. Kɔnɔ bawo nde ye Alla gbiliyala, n ma a ma iko kun-tigi wonu.

Nihɛmaya 5:18

Tele-wo-tele, n si tura kelen, saga-hakika wɔrɔ ani sisi-siyaman faga mɔgɛnu ye. Tele-tan wo tele-tan, n si na minni-fen-kurɛ la anu ye. A bɛnta, kun-tigi ni min nyɔgɔn sɔrɔn, n ma wo makele mɔgɛnu na bawo dunɛ kolo anu kuma.

Yaburi 32:4

Mari, su-ni-tele, i ye n tɔrɔla nun. N sɛnbɛ ara ban fegba iko yi wa gbala telemɛ rɔ.

Yaburi 88:1

E, n kisilɛ Mari Alla, telen-gbɛn, n bi dila n dɛnbɛn-koe rɔ. Hali suyi le tɔ, n si i rakele.

Hɛnkilimaya-Kumɛnu 31:18

A ya a lɔn ko a ya wɔli-wo-wɔli kɛ, a si tɔnɛ sɔrɔn wo rɔ. A si to wɔlila ha su-talɛ ma.

Yɛrɛmaya 9:1

Alamɛ n kunyɛ mara iko tenke woletɔ n ya-denkɛ ra ti gbala. Ka a tɛgɛ nna mɔgɛnuna sayɛ ma, n bi diyi le kun na su-ni-tele.

Luka 18:7

Allata mɔgɛ minnu bi anu kan nabɔla a ma su-ni-tele, wonu don, a ti wonuna kiti tɛgɛ a kilɛ fɛ, wa? A ti anu dɛnbɛ tiriya, wa?

Kɛwɔlɛnu 18:3

A mɛra nyɔ wɔlila anu fɛ bawo a ye a beli-fan sɔrɔnna fani-bɔn-nadan-wɔlɛ wo le tɔ iko wonu fanan bi a mala nya min.

Kɛwɔlɛnu 20:24

Kɔnɔ n ma n nyɛrɛ niyi lɔn fenfen na wo rɔ fɔ n ni nna kilayɛ lakanbali. Mari Yisa ya wɔlɛ min di n ma, fɔ n ni wo ban. Allata hina-wɛ, n ni to wo kibara-nyimɛ fɔla.

Kɛwɔlɛnu 20:31

Woletɔ wo ni wo yɛ lakalan. Wo yili ni to kɛ ko. San sawa, n tɔrɔta wola ko la ka wo kelen-kelennamɛ-bɛɛ karan su-ni-tele.

Romu 1:1

Nde, Pɔli le ye kɛdi kɛ sɛbɛla wo ma. Alla ara nde yabɔ alako n ni ma Yisa Kirasitila wɔli-kɛlɛ la anubɛ ata kilayɛ. A ya n kele Allala kibara-nyimɛ-lake-wɔli ma.

Romu 15:19

N ya tamaserenu anubɛ kabana-ko-sɛnbɛmɛnu kɛ Allata Ni-Sɛnimɛta sɛnbɛ fɛ. Woletɔ ka a dabira Yerusalɛm ha ka ta ke Ilirikim nyamanɛ rɔ, n bara tagama wo bɛɛ rɔ Kirasitita kibara-nyimɛ lake-koe la.

1 Kɔrɛnti 4:12

Ma ye boloma-wɔlɛnu kɛla ka ma nyɛrɛ makoenu nyinya. Anu ba ma danka, male si duwa anu ye. Anu ba a lagbɛlɛya ma kuma, ma si ma munyu.

1 Kɔrɛnti 9:15

Kɔnɔ nde ma yoe wo fenfen bi, ado n sa kɛ sɛbɛla fanan kaka alako n ni yoe wonu bi n nyɛrɛ ye. Yanni n ni fara n nyɛrɛ matɔgɔla nna sarabirabɛlitayɛla ko la, n faganɛ fisa wo ko!

1 Kɔrɛnti 9:18

N si sarɛ nyuman sɔrɔn worɔ? Ka kibara-nyimɛ lake sarabirabɛlitayɛ la, nta sarɛ le wo la. N ya wɔlɛ min bɛɛ kɛ kibara-nyimɛla ko la, n ma n yoe fenfen nabɔ gbɛ ma worɔ.

1 Kɔrɛnti 9:4

A bɛnta mɔgɛnu ni mabɛ Banabasi fanda bawo Marita wɔli-kɛlɛ le male la.

2 Kɔrɛnti 11:27

N taranta wɔlɔ-wɛ anubɛ yakɔrɔ-mamɔɛ rɔ. N kira n ya-la tuma siyaman. Kɔnkɛ ya n bira. N kan lagbalata. Tuma siyaman, dɔn-fan ma n tabɔ. Yiya sa n bolo. Fɛrɛya-bɔ sa n bolo.

2 Kɔrɛnti 11:9

N bi wo tɛma tumɛ min nun, ni n makoe bilara fenfen na, n ma wo yakɔrɔ-mamɔ n dɛnbɛn-koe la. N makoe ye fan min bɛɛ la, ma na-kelen-nyɔgɛ minnu bɔra Masidoniya, wonu nara wo bɛɛ la n ye. Iko a ye nya min kebi fɔlɔ, n ti ma dunɛ la wo ye mumɛ! Alamɛ a tora wo nya fanan.

2 Kɔrɛnti 6:5

Mɔgɛnu ya ma gbesi ka ma ladon yele la ka sɔnkɔ layɛlɛ ma ma. Ma wɔlita ha ka a dan-natenbi. Ma si ki ma ya la anubɛ ka ki a la.

Filipai 4:16

N bi Tɛsalonaika tumɛ min, n makoe taranta dɛnbɛnɛ la, wo ya a lata n ma le, ado a ma dan kinyama kelen dɔrɔn ma

1 Tɛsalonaika 1:3

Ma wa madiyali kɛ ma Fa Alla ye tuma-wo-tuma, ma si to wola kɛwɔlɛnu takaranna a ye, wo ara minnu kɛ ka a tɛgɛ wola dɛnkɛninyɛ ma. Wo ya wɔli-gbɛlɛmɛ min kɛ ka a tɛgɛ wola keninteyɛ ma Yisa wara la, ma yili tonɛ wo ko. Wo yigi tonɛ Mari Yisa, Allata-Mɔgɔ-Yabɔnɛ rɔ nya min, ma yili tonɛ wo bɛɛ ko wo nya na le!

1 Tɛsalonaika 2:2

Yanni ma ni ke wo ma Tɛsalonaika, Filipai kɛnu bara ma bira boloko-yogomɛ-kɛ. Mɔgɛnu ya ma lafɛya nyɔ kɔnɔ hali wo, mata Alla ya yisi-latɛgɛ di ma ma ko ma ni ata kibara-nyimɛ fɔ wo ye.

1 Tɛsalonaika 2:6

Ma ma ma raya ka tɔgɛ sɔrɔn hadama-den wo hadama-den bolo, wole wo, mɔgɔ-gbɛrɛ wo.

1 Tɛsalonaika 3:10

Su-ni-tele, ma ye a matarala ma yisi bɛɛ la alako a ni sɔn ma ni wo yen tun. Wo kɔma fanan, ni ma nara wo wara, wo makoe ye min na dɛnkɛninyɛ rɔ, ma ni wo dɛnbɛ wola ko la.

1 Timoti 1:11

N bi kibara-nyimɛ min nakela mɔgɛnu ma, tonya-karan wo si taran wo rɔ, ado a kerifanɛ nde le la. Alla min gbiliyanɛ, duwɛ ye bɔla min bolo, kɔni, kibara-nyimɛ kɛ bɔnɛ wo le bolo.

1 Timoti 4:10

Wo le ya a to, ma ye ma rayala ka Allata wɔlɛ kɛ kati, bawo ma ara ma yigi sa Alla-nimɛ kuma, mɔgɛ bɛɛ kisilɛ, kɔni, katarala male dɛnkɛninya-mɔgɛnu ma.

1 Timoti 5:5

Kɛɛ-musi min kun makolɔn, wo si a yigi sa Alla kuma fasai! A si to Alla matarala ata dɛnbɛnɛla ko la su-ni-tele.

2 Timoti 1:3

Mabɛ n benbanu bi Alla batola ma sɔndɔma-sɛninyanɛ la. N ba Alla madiya su-ni-tele, n si baraka bira a ye ilela ko la.