1 Tɛsalonaika 2:2 - ALLALA KUMƐ

² Yanni ma ni ke wo ma Tɛsalonaika, Filipai kɛnu bara ma bira boloko-yogomɛ-kɛ. Mɔgɛnu ya ma lafɛya nyɔ kɔnɔ hali wo, mata Alla ya yisi-latɛgɛ di ma ma ko ma ni ata kibara-nyimɛ fɔ wo ye.

1 Tɛsalonaika 2:2 ပူးပေါင်းရင်းမြစ်များ

Kɛwɔlɛnu 14:3

Hali wo, Pɔli anubɛ Banabasi mɛra Marita koe fɔla yisi-latɛgɛ rɔ nyɔ bɛrɛkɛ! Mari nyɛrɛ ya a ragbɛ ko anu bi kumɛ min fɔla ala keninteyɛla ko la ko tonyɛ le bawo a ya tamaserenu anubɛ kabana-ko-kɛ-sɛnbɛ di anu ma.

Kɛwɔlɛnu 14:5

Tɔ-a-la, sibolo-gbɛrɛ donu wo, Yahudiya donu wo, anubɛ anuna kun-tiginu wo, wonu ya a latɛgɛ ko anu ni Pɔli anubɛ Banabasi bira boloko-yogomɛ-kɛ ka anu mabon kuri la ha anu ni faga.

Kɛwɔlɛnu 16:12

Ma bɔra nyɔ ka ta Filipai so-karantan burɔ min bi Masidoniya nyamanɛ rɔ. Romu kɛnu denu ya soe wo datɛgɛ fɔlɔ-nun. Ma ya tele-dande bɔ Filipai soe wo burɔ.

Kɛwɔlɛnu 16:19

Nba, a tiginu ya a lɔn tumɛ min ko anu sa wodi sɔrɔnna a fɛ tun, anu ya Pɔli anubɛ Sailasi bira ka anu sagan anuna kun-tiginu bara barɛ rɔ.

Kɛwɔlɛnu 16:37

Kɔnɔ Pɔli ya a fɔ polisi-kun-tiginu ye ko, “Anu ya male, Romu kɛnu, gbesi gbɛ rɔ ka ma ladon yele la hali ma yilikini ma! Nba kaka, anu bi a fɛ ka ma boloka dogɔn rɔ, wa? Wo ti ma dɛɛ! Fɔ Romu kun-tiginu nyɛrɛ ni na yan ka ma labɔ.”

Kɛwɔlɛnu 17:1

Pɔli anubɛ a ta-nyɔgɛnu tenbira Amfipolisi anubɛ Apaloniya soenu tɔ ka na ke Tɛsalonaika soe burɔ, Yahudiya-dina-bɔn do ye kan min.

Kɛwɔlɛnu 17:17

Yahudiyanu anubɛ sibolo-gbɛrɛ minnu bi Alla batola anu nyɔgɔn fɛ nyɔ, Pɔli kumara anu ye anuna dina-bɔn la. Tele-wo-tele, min bɛɛ nara barɛ rɔ, a kumara wonu fanan ye.

Kɛwɔlɛnu 19:8

Karɛ sawa kɔrɔ, Pɔli tara don Yahudiya-dina-bɔn la ka kuma mɔgɛnu ye yisi-latɛgɛ rɔ Allala mansayɛla ko la. Anu fanan ni la wo la.

Kɛwɔlɛnu 4:13

Mɔgɔ-banu kawara Pita anubɛ Yɔnila yisi-latɛgɛ ma bawo anu ya a lɔn nun ko mɔgɛ le anu na dɔrɔn minnu ma karan nun. Anu ya hɛnkili sɔrɔn a ma wo rɔ ko kɛnu bi Yisa fɛ nun yati,

Kɛwɔlɛnu 4:20

bawo male ara koe minnu tayen ka a lamɔɛn, a fɛrɛ sa fɔ ma ni wonu denu fɔ.”

Kɛwɔlɛnu 4:31

Anu banta Alla matarala tumɛ min, anu nadɛnnɛ kan min, nyɔ yɛrɛyɛrɛnta. Anu dama fara Allata Ni-Sɛnimɛ la. Anu ya Allala-kuma-fɔɛ dabira yisi-latɛgɛ rɔ.

Kɛwɔlɛnu 5:41

Kilayɛnu bɔra mɔgɔ-banu tɛma tumɛ min, anu sewara bɛrɛkɛ, ko Alla ara a fonde lamiri anu ma ko a bɛnnɛ anu ni fɛyɛ sɔrɔn Yisa tɔgɛla ko la.

Romu 1:1

Nde, Pɔli le ye kɛdi kɛ sɛbɛla wo ma. Alla ara nde yabɔ alako n ni ma Yisa Kirasitila wɔli-kɛlɛ la anubɛ ata kilayɛ. A ya n kele Allala kibara-nyimɛ-lake-wɔli ma.

2 Kɔrɛnti 3:12

Ma yisi latɛgɛnɛ bawo yigi kɛ ye ma bolo.

Kɔlɔsi 2:1

N bara wɔli-gbɛlɛmɛ min kɛ wobɛ Leyodisiya kɛnu ye, n ni wo lalɔn wo la. N bara tɔrɔ dɛnkɛninya-mɔgɛ donu ye minnu ma n yen bɛ.

1 Tɛsalonaika 1:5

Ma nara kibara-nyimɛ la wo ye tumɛ min, ma ma na kuma-gbansan na. Ma nara wo la sɛnbɛ la Allata Ni-Sɛnimɛ baraka rɔ. Ma ara a yira wo la ka a gbɛ ko tonyɛ le wo la. Ma siginɛ wo tɛma nya min, wo ya wo lɔn, ado ma ya wo ma wo dɛnbɛn-koe le la.

2 Timoti 1:12

Wo le ya a to, n tɔrɔnɛ ka. Kɔnɔ n miliyani ma Yisala ko la bawo n bara dɛnkɛninya ale min ma, n ya wo lɔn. N lanɛ a la ko a ara tonyɛ min kerifa n na, ale si ke wo marala ha tele-laban-lunyɛ.

Yude 1:3

N diyana-mɔgɛnu, a sɔgɛ ye n na bɛrɛkɛ ka kɛdi sɛbɛ wo ma nun ka a tɛgɛ kisi-koe ma kɔnɔ n ko a bɛnnɛ n ni kɛdi-gbɛrɛkɛ sɛbɛ wo ma kaka. N bi wo makawandila ko Alla ara ban dɛnkɛninyɛ min dila ala mɔgɛnu ma, wo ni kɛlɛ kɛ wola ko la,