1 Tɛsalonaika 2:18 - ALLALA KUMƐ

¹⁸ Wo sɔgɛ ya ma bira kati! Nde, Pɔli ya n taya sɛgi-koe ma wo wara. A ma dan kinyama kelen ma kɔnɔ Setanɛ ya kilɛ tɛgɛ ma ma.

1 Tɛsalonaika 2:18 ပူးပေါင်းရင်းမြစ်များ

Yobu 33:14

Hali Alla ye kumala tun tun, mɔgɔ sa nyɔ min si a tole masɔ a la ka kɛwɔli kɛ ata kumɛnu na.

Matiyu 4:10

Yisa ya a yabi ko, “Setanɛ, bɔ n fɛ! A sɛbɛnɛ Allatalata kitabu rɔ ko, ‘I ni ita Mari Alla kelen pe le bato ka ata wɔlɛ kɛ!’ ”

Romu 1:13

N na-kelen-nyɔgɛnu, wo ni a lɔn ko tumɛ siyaman, n bara n tabɛn ka ta wo kɔndɔn tinɛ kɔnɔ koe do ye n nasɛgila wo bɛɛ rɔ. N bi a fɛ ka mɔgɛnu nana Yisa ma wole fanan tɛma iko n bara a ma sibolo-gbɛrɛ doinu tɛma nya min.

Romu 15:22

Ta-sɔgɛ ye n na nun ka ke wo ma kɔnɔ ka a tɛgɛ nna wɔli-siyamɛ ma, n ma fɛrɛ sɔrɔn.

1 Kɔrɛnti 16:21

Nde, Pɔli le ara kɔndɔli kɛnu sɛbɛ n nyɛrɛ bole la.

Filipai 4:16

N bi Tɛsalonaika tumɛ min, n makoe taranta dɛnbɛnɛ la, wo ya a lata n ma le, ado a ma dan kinyama kelen dɔrɔn ma

Kɔlɔsi 4:18

Nde, Pɔli ara kɔndɔli kɛnu sɛbɛ n nyɛrɛ bole la. Wo kana nyina ka a fɔ ko n kirinɛ yɔlɔkɛ la yele la yan! Allata hinɛ ni taran wo fɛ.

2 Tɛsalonaika 3:17

Nde, Pɔli le ya kɔndɔli kɛnu sɛbɛ n nyɛrɛ bole la. N si n tɔgɛ sa kɛdi bɛɛ ma ka le, ado wo ma n bolo gbɛ yen?

Failiman 1:9

Kɔnɔ hali wo, keninteyɛ ye a mala, n bi i madiyala. Hali n bi yele la Yisa Kirasitila ko la, nde, kɛmɔgɛ Pɔli, n bi i madiyala.

Lankɛnimayɛ 2:10

Wo si na tɔrɔyɛ min sɔrɔn, wo kana kilan wo la. Wo ni wo tole masɔ! Setanɛ si wo donu sa yele la wo kɔrɔbɔ-koe la. Wo si tɔrɔ tele tan kɔrɔ kɔnɔ wo telennɛ ni to n ye ha wo sayɛ wati. Ni wo ya wo ma, n si habadan-nimayɛ di wo ma ka wo barayi.