1 Tɛsalonaika 2:16 - ALLALA KUMƐ

¹⁶ Anu bi anu tayala nun ka male lakala alako ma kana kisi-ko-kuma-kawandili bɔ sibolo-gbɛrɛnu ye. Anu bi hakɛ min kɛla tumɛ bɛɛ, wo dan-natenbi le, ado Allala fondo-bɔɛ ara a laban anu kuma!

1 Tɛsalonaika 2:16 ပူးပေါင်းရင်းမြစ်များ

Ko-Dabirɛnu 15:16

Kɔnɔ i bɔnsɔn minnu bi donna yɔɔnyɛ rɔ, wonu bɔnsɔn nani nyɔgɛ wonu denu bi sɛgila nyamanɛ kɛ rɔ yan. Kɔnɔ anu ti don yan fɔ Amoranuna hakɛ da wa fa. Wo kɔma, n si anu gben.”

Aiseya 45:22

A ko wole duninyarɔ-mɔgɛnu, wo ni wo ya-lamunun a la, a ni wo kisi. A ko ale kelen pe le ye Allayɛ la.

Daniyɛli 8:23

“Nyamani nani kɛnuna wati-laban wa ke tumɛ min, ado anu hakɛ dan na ara tenbi, mansa-gbɛrɛkɛ si wuli anu tɛma nyɔ. Wo si ma mansa-wunduyoge anubɛ karagbɛlɛ anubɛ yanfante la.

Malakayi 4:1

Mari Sɛnbɛ-Bɛɛ-Tigi ya a fɔ ko wati ye nala, mɔgɔ-wasinɛnu anubɛ karagbɛlɛ damasi si mintan gburr iko bin-gbalɛ.

Malakayi 4:5

Yanni wo wati-makilannɛ ni ke tumɛ min, Mari ko a si Nɛbi Ilaya lana wo ma.

Matiyu 12:45

A si ta worɔ ka na nyina wɔrɔnfila gbɛrɛ la a bolo minnu yogo ale nyɛrɛ ko. Anu si na ka anu sigi a fɛ bɔn wo la. Nba, mɔgɛ wola ban si yogoya ka tenbi a fɔlɔtɛ la. A si ma bita mɔgɔ-yogomɛnu na wo nya na le fanan.”

Matiyu 23:32

Nba, wo benbanu ya min dabira, wo ni wo raya ka wo laban!

Matiyu 24:14

ado Allala mansaya-kibara-nyimɛ kɛ kawandilɛ si bɔ duninya kan-tinɛ bɛɛ rɔ alako a ni ma sereyɛ la mɔgɛ bɛɛ ye. Nba, ala ban si ke worɔ.

Matiyu 24:6

Wo si kɛlɛ-koenu namɔɛn anubɛ kɛlɛ-kibarɛnu kɔnɔ wo kana kilan. A fɛrɛ sa fɔ wonu ni ma kɔnɔ a laban ma wo la fɔlɔn.

Matiyu 3:12

Ala fɛrɛ labɛnnɛ ka ala fui-fan bɛɛ rafɛ gbere-kole ma. A si a bɛrɛ ladɛn ka a layɛlɛ birɛ la kɔnɔ a si a fofe anubɛ a fɔrɔn mintan tɛ la, ado tɛ wo ti dufen dɛɛ!”

Maraka 16:16

Min ba dɛnkɛninya ka batasi, wo si kisi. Kɔnɔ min ti dɛnkɛninya, wo si halaki.

Kɛwɔlɛnu 13:45

Yahudiyanu ya nyama yen tumɛ min, keliyɛ wulita anu na kati! Anu ya Pɔli manyini ka ala kumɛ bɛɛ masɔsɔ.

Kɛwɔlɛnu 13:50

Kɔnɔ Yahudiyanu ya nyɔ-mɔgɔ-banu natugu anu kan ma anubɛ sibolo-gbɛrɛkɛ musu-tɔgɔlamɛ minnu bi Alla batola. Anu ya sɔnkɔ-sɔnkɔ lawuli Pɔli anubɛ Banabasi kan ma ha mɔgɛnu ya anu gben anuna nyamanɛ rɔ.

Kɛwɔlɛnu 14:19

Yahudiya donu bɔra Paisidiya-Antiyaki soe burɔ anubɛ Aikoniyam soe burɔ. Nyama kerita wonu bara-la. Anu ya Pɔli mabon kuri la ka a sagan soe kɔma bawo anu ya a lɔn ko a ara faga.

Kɛwɔlɛnu 14:2

Kɔnɔ Yahudiya minnu ma dɛnkɛninya Yisa ma, wonu ya sibolo-gbɛrɛ doinu natugu ka anu yisi yɛlɛma Mari Yisata mɔgɛnu kan ma.

Kɛwɔlɛnu 14:5

Tɔ-a-la, sibolo-gbɛrɛ donu wo, Yahudiya donu wo, anubɛ anuna kun-tiginu wo, wonu ya a latɛgɛ ko anu ni Pɔli anubɛ Banabasi bira boloko-yogomɛ-kɛ ka anu mabon kuri la ha anu ni faga.

Kɛwɔlɛnu 17:13

Kɔnɔ Yahudiya minnu bi Tɛsalonaika, wonu ya a lamɔɛn tumɛ min ko Pɔli ye Allala kumɛ kawandili bɔla Bɛriya soe burɔ, anu tara nyɔ ka nyama latugu anu kan ma.

Kɛwɔlɛnu 19:9

Kɔnɔ anu donu yisi gbɛlɛyanɛ. Anu ma sɔn dɛnkɛninya-koe ma. Anu ya Marita kilɛ lafɛya nyama bɛɛ yala. Woletɔ Pɔli bɔra anu fɛ ka ta Marita mɔgɛnu na a bolo Tairanala karan-bɔn la. Tele-wo-tele, a ye anu makawandila nyɔ nun.

Kɛwɔlɛnu 21:21

A fɔra anu ye nun ko Yahudiya min bɛɛ siginɛ sibolo-gbɛrɛnuna nyamanɛnu tɔ ko i ye wonu karanna ko hali anu ma Musata tɔn bira. Anu ya a lamɔɛn ko anu kana anuna dannu nakemininya anubɛ anu kana Yahudiyanuna namunyɛ bira.

Kɛwɔlɛnu 23:12

Wo banda kɛ, Yahudiya donu ya anu nadɛn ka ko-rabɛn-kɛ. Anu ya anu dato ko anu ti fen dɔn ka anu min, ni anu ma Pɔli faga fɔlɔn.

Kɛwɔlɛnu 24:9

A ban wo fɔla, Yahudiyanu fanan donta maburilɛ rɔ. Anu ko tonyɛ le kɛ bɛɛ la.

Kɛwɔlɛnu 25:2

Saraka-masɔla-wɛnu anubɛ Yahudiyanuna kun-tiginu wulita Pɔli kan ma nyɔ. Anu ya Mansa Fɛsitasi madiya,

Kɛwɔlɛnu 25:7

Pɔli kera nyɔ tumɛ min, Yahudiya minnu bɔra Yerusalɛm, wonu ya a lafoo ka ko-yogoma-wɛ siyaman sa a kuma kɔnɔ anu ya a maburi koe min bɛɛ la, anu ma ke wonu fenfen yirala kiti tɛgɛ tinɛ.

Kɛwɔlɛnu 4:12

ado Alla ara tɔgɔ kelen pe min di mɔgɛnu ma anu si kisi min fɛ, wo tɔgɔ-gbɛrɛ sa duninya rɔ fɔ ale Yisa tɔgɔ kelen pe.”

Kɛwɔlɛnu 9:23

Tele siyaman tenbinɛ, Yahudiyanu ya anu nadɛn ka ale Sɔli faga-koe rabɛn.

1 Kɔrɛnti 10:33

Wo ni a ma wo fɛrɛma iko nde ye a mala nya min. N bi n tayala ka mɔgɛ bɛɛ hɛnɛ koe bɛɛ rɔ. N sa n mirila ko-nyimɛ ma n nyɛrɛ ye dɔrɔn fɔ mɔgɛ bɛɛ ye alako anu denu ni kisi.

Kalesiya 5:11

N na-kelen-nyɔgɛnu, wo ni nta tɔrɔyɛ mafɛlɛn. N sa kawandili bɔla ko fɔ mɔgɛnu ni kemininya kɔnɔ ha bi, anu bi n tɔrɔla. N bi Kirasiti faga-koe min kawandili bɔla, ni n ya kemininya-koe sa wo kuma nun, wo ti Yahudiyanu tɔrɔ.

Ɛfɛsa 3:13

Woletɔ n bi wo madiyala ko n bi tɔrɔyɛ min kɛla wola ko la, wo kana a ma, wo yisi ni tinya bawo wota tɔnɛ le tɔrɔyɛ wo bɛɛ la.

Ɛfɛsa 3:8

Hali Allata mɔgɛ bɛɛ tenbira nde la kɔnɔ Alla ara n gbiliya ka kibara-nyimɛ lake-fɛrɛ kɛ di nde ma. A ya wo di n ma alako n ni Kirasitita hina-waranɛ yira wole sibolo-gbɛrɛnu na.

1 Tɛsalonaika 1:10

Wo ye Allala den Yisa makɔnɔna ko a ni bɔ Arinyɛni tɔ. Alla le ya Yisa kelan wo lawuli ka bɔ furinu tɛma. Allatalata fondo-bɔɛ min bi nala, ale Yisa le ye ma kisila wo ma.

2 Tɛsalonaika 2:10

Minnu bi nala halakila, a si yanfa-yogoma-su bɛɛ don wonu ma min si a ma, anu ni halaki. Wonu si halaki bawo anu ma tonyɛ bira, ado ni anu ya tonyɛ keni nun, anu si kisi worɔ.

1 Timoti 2:4

min bi a fɛ, mɔgɛ bɛɛ ni kisi ka tonyɛ lɔn.

Hiburunu 6:8

Kɔnɔ ni wɔnɛ anubɛ binyɛ gbansan wulita a rɔ, a ti ko-wo-ko nyinya mɔgɔ ma. Tumado lunyɛ do, Alla si a danka, ado tɛ si a halaki.

Lankɛnimayɛ 22:11

Mɔgɔ-yogenu si to ko-yogomɛ kɛla dɛɛ! Mɔgɔ-kɔsɔnɛnu si to ko-kɔsɔnɛ kɛla dɛɛ! Sɔn-nyima-tiginu si to sɔn-nyimaya-koenu kɛla dɛɛ! Min sɛninyanɛ, wonu si to sɛninyɛ rɔ dɛɛ!”