1 Tɛsalonaika 2:14 - ALLALA KUMƐ

¹⁴ Ma na-kelen-nyɔgɛnu, koe minnu mara Allata mɔgɛnu na Yudiyanuna nyamanɛ rɔ, wo le wara ma wole fanan na. Wo ya tɔrɔya-su min sɔrɔn wo nyɛrɛta nyamanita-mɔgɛnu bolo, anu denu fanan ya wo sufa sɔrɔn Yahudiyanu bolo fɔlɔ-nun.

1 Tɛsalonaika 2:14 ပူးပေါင်းရင်းမြစ်များ

Kɛwɔlɛnu 11:19

Dɛnkɛninya-mɔgɛnu ya tɔrɔyɛ min sɔrɔn Sitifen sayɛ kɔma, wo ya a ma, anu nyɛnsɛnta. Donu tara fɔɔ Finisiya anubɛ Saiparasi nyamanɛnu tɔ anubɛ soe min tɔgɛ Antiyaki ka Allala kumɛ fɔ Yahudiyanu dɔrɔn ye.

Kɛwɔlɛnu 13:50

Kɔnɔ Yahudiyanu ya nyɔ-mɔgɔ-banu natugu anu kan ma anubɛ sibolo-gbɛrɛkɛ musu-tɔgɔlamɛ minnu bi Alla batola. Anu ya sɔnkɔ-sɔnkɔ lawuli Pɔli anubɛ Banabasi kan ma ha mɔgɛnu ya anu gben anuna nyamanɛ rɔ.

Kɛwɔlɛnu 14:19

Yahudiya donu bɔra Paisidiya-Antiyaki soe burɔ anubɛ Aikoniyam soe burɔ. Nyama kerita wonu bara-la. Anu ya Pɔli mabon kuri la ka a sagan soe kɔma bawo anu ya a lɔn ko a ara faga.

Kɛwɔlɛnu 14:2

Kɔnɔ Yahudiya minnu ma dɛnkɛninya Yisa ma, wonu ya sibolo-gbɛrɛ doinu natugu ka anu yisi yɛlɛma Mari Yisata mɔgɛnu kan ma.

Kɛwɔlɛnu 14:4

Dan-nafarɛ taranta Aikoniyam kɛnu tɛma. Donu tora Yahudiyanu fɛ, donu bilara kilayɛnu fɛ.

Kɛwɔlɛnu 14:5

Tɔ-a-la, sibolo-gbɛrɛ donu wo, Yahudiya donu wo, anubɛ anuna kun-tiginu wo, wonu ya a latɛgɛ ko anu ni Pɔli anubɛ Banabasi bira boloko-yogomɛ-kɛ ka anu mabon kuri la ha anu ni faga.

Kɛwɔlɛnu 17:13

Kɔnɔ Yahudiya minnu bi Tɛsalonaika, wonu ya a lamɔɛn tumɛ min ko Pɔli ye Allala kumɛ kawandili bɔla Bɛriya soe burɔ, anu tara nyɔ ka nyama latugu anu kan ma.

Kɛwɔlɛnu 18:12

Kaliyo ye Romu kɛnuna sigisɔn-mansayɛ la Kiriki nyamanɛ wo rɔ min tɔgɛ Akeya tumɛ min, Yahudiyanuna kun-tigi donu ya Pɔli bira ka ta a la kiti tɛgɛ tinɛ.

Kɛwɔlɛnu 8:1

Sɔli sɔnta Sitifen faga-koe ma. Marita mɔgɛ donu ya Sitifen togon ka di ala ko la bɛrɛkɛ! Tɔrɔya-ba wulita Allata mɔgɛnu kan ma Yerusalɛm soe burɔ wulɔn tele. Dɛnkɛninya-mɔgɛ bɛɛ nyɛnsɛnta Yudiya anubɛ Samariya nyamanɛ bɛɛ rɔ fɔ Marita kilayɛnu.

Kɛwɔlɛnu 8:3

Sɔli ya a raya ka Allata mɔgɛnu tatinya. A donta bɔn bɛɛ la ka dɛnkɛninya-mɔgɛnu sagan ka anu nabɔ, a keima wo, a musuma wo. A ya wonu sa yele la.

Kɛwɔlɛnu 9:1

Wo wati rɔ, Sɔli tora a kɔnkɔnna Marila karan-dannu ma anu faga-koe la. A tara saraka-masɔla-kun-tigi-wɛ wara

Kɛwɔlɛnu 9:13

Ananayasi ya a yabi ko, “Mari, kei wo ara ko-yogomɛ min kɛ ila mɔgɛnu na Yerusalɛm soe burɔ, mɔgɔ-siyaman bara wo wara-koe fɔ n ye,

Kɛwɔlɛnu 9:31

Nba, Allata mɔgɛ min bɛɛ ye Yudiya anubɛ Kalili sigisɔnnu tɔ anubɛ Samariya nyamanɛ rɔ, wo bɛɛ ya yisi-kimɛ sɔrɔn wo wati le tɔ. Anu tora Mari batola min kɛ, Allata Ni-Sɛnimɛ ya anu dɛnbɛ alako anu ni siyaya nya min ka sabati.

1 Kɔrɛnti 10:32

Wo kana ma tɔrɔya-sebu la Yahudiyanu anubɛ sibolo-gbɛrɛnu ye, wo ta-nyɔgɛ dɛnkɛninya-mɔgɛnu, kɔni.

1 Kɔrɛnti 7:17

Alla ya mɔgɔ kelen-kelennamɛ-bɛɛ kele tumɛ min, anu ni to iko Mari ara a latɛgɛ anu ye nya min. N bi mɔgɛnu karanna kɛ le la chɔchi bɛɛ la.

Kalesiya 1:22

Wo wati bɛɛ kɔrɔ, dɛnkɛninya-mɔgɛ minnu bi Yudiya nyamanita chɔchinu tɔ, wonu ma n yen bɛ nun.

1 Tɛsalonaika 1:1

Nde, Pɔli wo, Sailasi wo, anubɛ Timoti, male le ye kɛdi kɛ sɛbɛla wo ma. Ma ye kɛdi kɛ sɛbɛla dɛnkɛninya-mɔgɛnu ma minnu bi Tɛsalonaika soe burɔ. Ma Fa Alla anubɛ ma tigi Yisa Kirasitita mɔgɛ le wole la. Alamɛ Allata hinɛ anubɛ yisi-kimɛ tora wo fɛ.

1 Tɛsalonaika 1:6

Wo ya malebɛ Mari ma wola misalɛnu na. Wo tɔrɔta kosɛbɛ kɔnɔ hali wo, wo ya karan wo bira sewɛ la, ado sewa-sufa wo ye bɔla ata Ni-Sɛnimɛ le bolo.

1 Tɛsalonaika 3:4

Hali ma taranta wo fɛ tumɛ min, ma ya a fɔ wo ye ko fɔ ma ni tɔrɔyɛ sɔrɔn, ado ma tɔrɔta iko wo ya a lɔn nya min!

2 Tɛsalonaika 1:1

Nde, Pɔli anubɛ Sailasi anubɛ Timoti le ye kɛdi kɛ sɛbɛla wole, Tɛsalonaika chɔchi-mɔgɛnu ma, ado ma Fa Alla anubɛ ma Mari Yisa, Allata-Mɔgɔ-Yabɔnɛtɛ le wole la.

2 Tɛsalonaika 1:4

Wo le ya a to, ma ye wo matɔgɔla Allala chɔchi doinu na ka a tɛgɛ wola munyɛ ma. Wola nyagbɛ wo bɛɛ rɔ, wola dɛnkɛninyɛ ma dasa hali kelen.