1 Tɛsalonaika 2:13 - ALLALA KUMƐ

¹³ Ma ye baraka birala Alla ye tumɛ bɛɛ ko ma nara Allala kumɛ la wo ye tumɛ min, wo ya a lamɔɛn ka a bira a kilɛ fɛ. Wo ma a bira iko a bɔra mɔgɛ le bolo. Wo ya a bira iko Allata kumɛ, ado Allala kumɛ ye wɔlila wole dɛnkɛninya-mɔgɛnu burɔ hali kaka.

1 Tɛsalonaika 2:13 ပူးပေါင်းရင်းမြစ်များ

Yɛrɛmaya 44:16

“I ye min bɛɛ fɔla Mari tɔgɛ rɔ, ma ti ma tole masɔ wo la muk!

Hegayi 1:12

Nyamani-Tigi Sarababulu anubɛ Saraka-Masɔla-Kun-Tigi-Wɛ Yasowa anubɛ Isirɛla mɔgɛ toenu damasi ya Mari gbiliya ka Nɛbi Hegayita kuman-kan bira iko Mari ya a fɔ a ye nya min.

Matiyu 10:20

bawo wo ye min fɔla, wota kuma ma wonu na. Kumɛ wonu bi bɔla wo Fa Allala Ni-Sɛnimɛ le bolo min bi kumala wo rɔ.

Matiyu 10:40

“Mɔgɔ-wo-mɔgɔ min ba wole, nta karan-dannu tabira, wo ara nde rabira. Nba, ni min ya nde rabira, a ara ale fanan tabira min ya n sɔ.

Luka 11:28

Kɔnɔ Yisa ya a fɔ a ye ko, “Minnu sewanɛ ka tenbi wo la, wo le, minnu bi Allala kumɛ lamɔɛnna ka a bira gben!”

Luka 5:1

Wati do rɔ, Yisa sɔnɛ Kɛnɛsarɛti dalɛ dala. Mɔgɛnu ya anu gbɛrɛn a ma alako anu ni Allala kumɛ lamɔɛn.

Luka 8:11

“Tili kɛ kɔrɛ le kɛ la. Sugi wo, Allala kumɛ tamasere le wo la.

Luka 8:21

Yisa ya a fɔ anu dama ye ko, “Minnu bi Allala kumɛ lamɔɛnna ka a bira, n na anubɛ n dɔgɛnu le wonu na.”

Yɔni 15:3

“N ya karan min fɔ wo ye, wo la ara telen wo fɛ kaka.

Yɔni 17:17

Anu dantɛgɛnɛ i ma ka a tɛgɛ ila kumɛ ma min bi tonyɛ la.

Yɔni 17:19

N bara n nyɛrɛ dantɛgɛ i ma anuna ko la alako anu fanan ni ma itɛ la fasai!

Kɛwɔlɛnu 10:33

Nba, n ya anu nata i ma kelenna, ado i na-koe kɛ ara i sɔn-nyimɛ yira n na. Awa kaka, Mari ara i sɔ min fɔ tinɛ, ma dama ye i makɔnɔna Mari Alla yakɔrɔ yan ka wo bɛɛ lamɔɛn.”

Kɛwɔlɛnu 13:48

Sibolo-gbɛrɛnu ya wo lamɔɛn tumɛ min, anu sewara. Anu ya Marita kumɛ gbiliya kati! Minnu yabɔnɛ habadan-niyi-sɔrɔn-koe la, wonu dɛnkɛninyara Yisa ma.

Kɛwɔlɛnu 16:14

Kelen bi anu tɔ min ya mala kumɛ lamɔɛn, a tɔgɛ Lidiya. A nara ka bɔ Tayataira soe burɔ. Kura-bilolamɛ yila le, ado kurɛ wo dɛ gbɛlɛ. Ma Mari-Alla-batolɛ le musi wo la. Mari ya a yisi laka alako a ni a tole masɔ Pɔlita kumɛ la.

Kɛwɔlɛnu 17:11

Nyɔ-mɔgɛnu yisi lakanɛ ka tenbi Tɛsalonaika kɛnu na. Anu ya anu tole masɔ Allala kumɛ la a kin na! Tele-wo-tele, anu bi Allata kitabu fɛsɛfɛsɛla ka a lɔn ni Pɔlita karan le tonyɛ la serr!

Kɛwɔlɛnu 17:32

Pɔli ya furi-lawuli-koe fɔ min kɛ, anu donu ya a mayɛlɛn. Kɔnɔ dogbɛrɛnu ko, “Ma ye a fɛ, i ni kɛ fɔ ma ye wati-gbɛrɛ.”

Kɛwɔlɛnu 2:41

Mɔgɔ-siyaman lara kumɛ kɛ la ka batasi. Anu mɔgɔ waga sawa nyɔgɔn (3,000) kofura anu ma tele wo nyɛrɛ kɔrɔ.

Kɛwɔlɛnu 8:14

Kilayɛ minnu bi Yerusalɛm, wonu ya Samariya kɛnuna dɛnkɛninya-koe wo lamɔɛn. Woletɔ anu ya Pita anubɛ Yɔni lata anu ma.

Romu 10:17

Woletɔ fɔ mɔgɛnu ba sarakanɛ lamɔɛn ka a bɛn Yisa ma, yanni anu ni dɛnkɛninya a ma. Fɔ mɔgɛnu ba Kirasitila ko fɔ anu ye alako anu si a lamɔɛn nya min.

2 Kɔrɛnti 3:18

Ma dama ya-makanɛ ye Marita gbiliyɛ mayirala, ado gbiliya kelan wo ye bɔla Marita Ni-Sɛnimɛ le bolo. Ale le ye ma yɛlɛmana alako ma kɛ-nya ni ma iko ale. Wo si a ma, a ni to ala gbiliya-makawanɛ dila ma ma Marita Ni-Sɛnimɛ baraka rɔ.

Kalesiya 4:14

Hali nna kirayɛ ye n tɔrɔla tumɛ min, wo gbɛlɛyara wo ma, ado wo ma a ma, wo ni wo ban n na ka n nafɛya. Wo ya n tabira iko wo si Allata melika rabira nya min. Wo ya n tabira iko wo si Yisa Kirasiti nyɛrɛ rabira nya min!

Kɔlɔsi 1:6

Kibara-nyima-kelan kɛ min nara wole ma, wo ye nyɛnsɛnna duninya kan tinɛ bɛɛ rɔ. Kebi wo ya Allata hinɛ lɔn tumɛ min a bɛrɛbɛrɛ-wɛ ma, ha bi, a ye mɔgɛnu yɛlɛmana iko a ara wole yɛlɛma nya min.

Hiburunu 4:12

Nba, Allata kumɛ ye a niyi la. A sɛnbɛ kolo. A dɛ ye a la ka tenbi faan da filɛ la. A si don mɔgɔ fɛrɛ burɔ pon, ha a sɔndɔmɛ anubɛ niyi ye kan min. A si mɔgɛ tɛgɛ ha fɛrɛ latugun tinɛ anubɛ kolota kɛɛn ye kan min. A ye mɔgɔ-diyana-koenu anubɛ a miriya bɛɛ labɔla gbɛ ma.

Hiburunu 4:2

Male fanan bara kibara-nyimɛ lamɔɛn iko anu denu. Anu ya karan wo lamɔɛn kɔnɔ wo ma ko-wo-ko nyinya anu ma bawo anu ya a lamɔɛn tumɛ min, anu ma la a la nun ko Alla si a ma, anu ni anu sulen.

Yemesi 1:18

Ka a tɛgɛ ala keninteyɛ ma mala ko la, a ya ma ma ala dan la kamasɔrɔn a ya tonya-bɛrɛ di ma ma iko a ya a latɛgɛ nya min. A ya wo ma alako male ni sɔ-tina-fɔlɔtɛ sɔrɔn ala dali-fan bɛɛ tɛma. A halalɛ le male la gbɛ!

1 Pita 1:23

Wo ara sɔrɔn a kurɛ la Allala habadan-kuma-nimɛ baraka rɔ. Alla min ti faga, wo ara ma wola dannu na!

1 Pita 1:25

Kɔnɔ Allala kumɛ tonɛ habadan!” Ado nfan, kibara-nyimɛ min kawandili bɔra wo ye, wo le kɛ la.

1 Pita 2:2

Wo ni ma iko den-sɔrɔn-sannu susun-sɔgɛ si minnu bira tuma-wo-tuma. Kin-yi-sɛnimɛ-sɔgɛ ni male bira wo nya na le. Woletɔ wo tenbi wo susunna, wola dɛnkɛninyɛ si to koloyala,

2 Pita 3:2

Nɛbi-sɛnimɛnu ya kumɛ minnu fɔ kebi fɔlɔ, n bi a fɛ, wo ni wo hɛnkili to wonu ko. Tɔn minnu bɔra mata Kisilɛ anubɛ Mari bolo fanan, wo hɛnkili ni to wonu bɛrɛn ko. Kilayɛnu ya wonu natenbi wo ma.

1 Yɔni 3:3

Yigi kɛ ye mɔgɛ min bɛɛ bolo, wo tigi si a nyɛrɛ sɛninyanɛ mara iko Kirasiti sɛninyanɛ nya min.