1 Tɛsalonaika 2:11 - ALLALA KUMƐ

¹¹ Wo ya a lɔn ko ma ya wo kelen-kelennamɛ-bɛɛ bira iko denbɛnu si anuna dannu bira nya min.

1 Tɛsalonaika 2:11 ပူးပေါင်းရင်းမြစ်များ

1 Ko-Kɔrɔta-Karan 28:20

Mansa Dawuda ya a fɔ ala den Silamɛni ye ko, “I kerinteya ka i yisi gbɛlɛya. I ni wɔlɛ dabira. Fenfen kana ila wɔlɛ tinya. Nde ye nta Mari Alla min sako kɛla, wo si to i fɛ, ado a ti i boloka muk! Ka tenbi wo la, a ti bɔ i fɛ Bato-Bɔn sɔ-ko-wɔlɛ kɛ rɔ.”

1 Ko-Kɔrɔta-Karan 28:9

A ya a tintan ala den Silamɛni na ka a fɔ a ye ko, “Nna den, i ni nta Alla wara-koe lɔn ka ata wɔlɛ kɛ i yisi bɛɛ la. Alla ya ma miriya anubɛ mala natanu lɔn. Ni i ya i gbɛrɛn a ma, a si i rabira. Kɔnɔ ni i ya i kan-kɔ sɔ a la, a si a ban i la feufeu!

Yaburi 34:11

Wole nna dannu, wo ni wo tole masɔ n na. N si wo labila Mari gbiliya-nya la.

Hɛnkilimaya-Kumɛnu 1:10

Nna den, ko-yogoma-kɛlɛnu ba anu taya i saganna anuna ko-yogomɛnu tɔ, i kana sɔn kofula anu ma.

Hɛnkilimaya-Kumɛnu 1:15

Nna den, i masɛgi mɔgɔ-sufa wonu na. I kana bila anu kurun tɔ

Hɛnkilimaya-Kumɛnu 2:1

Nna den, n bara i karan min na, i ni wo bira gben! I kana nyina wo ko de!

Hɛnkilimaya-Kumɛnu 3:1

nna den, i kana nyina nna karan ko. I ni nna kumɛnu namara i yisi rɔ.

Hɛnkilimaya-Kumɛnu 6:1

nna den, ni i wara i nyɛrɛ ma yili-bolomɛ la,

Hɛnkilimaya-Kumɛnu 7:1

Nna den, n bara min fɔ i ye, i kana nyina wo ko.

Hɛnkilimaya-Kumɛnu 7:24

Nna dannu, wo ni wo tole masɔ. N bi nala min fɔla wo ye, wo ni wo tole masɔ wo la.

Luka 16:28

N na-kelen-nyɔgɛ mɔgɔ loli ye nyɔ. A ni ta ka anu makawandi alako anu kana na tɔrɔya-su kɛ rɔ yan.’

Kɛwɔlɛnu 20:2

A tenbira nyamanɛ min bɛɛ rɔ, a ya Marita mɔgɛnu makawandi siyaman. Wo kɔma, a tara Akeya sigisɔn rɔ

Ɛfɛsa 4:17

Marita kilayɛ le kɛ la n bi min nagbɛlɛyala wo kuma gben! Wo kana tagama tun iko Alla-batobɛlɛnu. Wonu miriya manɛ fuyi le la.

Tɔn-Fɔɛ-Fila-Nyɔgɛ 3:28

Mari ko Yasowa min bi nala sigila n gbɛ rɔ, a si na min ma, n ni wo fɔ ale ye. N ni a makawandi ka a sɛnbɛ don bawo ale le ye tola mɔgɛnu kuma ka ta anu sigi nyamanɛ wo rɔ nde, Musa ya min mafɛlɛn.

Tɔn-Fɔɛ-Fila-Nyɔgɛ 31:14

Mari ya a fɔ Musa ye ko, “A ti mɛ tun ile si so-sɛgi-kɛ. Yasowa kele ka na a la nde, Marita Fani-Bɔn la. N bi nala kumɛ do fɔla a ye ale si min ma.” Musa tara Yasowa kele ka na anu sɔ Marita Fani-Bɔn tenbi-bolɔn la.

1 Tɛsalonaika 2:7

Kirasitita kilayɛ le male la. Sɛnbɛ ye ma bolo nun ka a lagbɛlɛya wo kuma. Kɔnɔ ma dinyanɛ tora wo fɛ iko musu-denbɛ si dinya ala dannu kɔrɔ nya min.

1 Tɛsalonaika 4:1

A laban, ma na-kelen-nyɔgɛnu, wola ko-ladan-nyanu si Alla hɛnɛ nya min, wo ara wo karan ma bolo, ado wo taranta wola koenu nadanna wo nya na le nun, yɔ! Nba kaka, ma ye wo madiyala ka wo makawandi Mari Yisa tɔgɔ rɔ ko wo ni to a kuma-sala tolon!

1 Tɛsalonaika 4:6

Nba, koe kɛnu tɔ, mɔgɔ-wo-mɔgɔ kana ko-yogomɛ ma a na-kelen-nyɔgɛ la, ni wo ma, ka baga a ma. Ma ara a fɔ wo ye nun ka a lagbɛlɛya wo kuma gben! Minnu bi ko-yogoma-su wonu kɛla, Mari si wonu tɔrɔ.

1 Tɛsalonaika 5:11

Woletɔ wo ni wo nyɔgɔn sɛnbɛ don ka wo nyɔgɔn madɛnbɛ iko wo ye a kɛla nya min kaka.

1 Tɛsalonaika 5:14

Ma na-kelen-nyɔgɛnu, wo ni kalabantenu makawandi. Wo ni yisi-latɛgɛ di kilandɔgɛnu ma. Minnu yisi rafaganɛ, wo ni to wonu dɛnbɛna ka wo munyu wo nyɔgɔn kɔrɔ.

2 Tɛsalonaika 2:5

N bi wo fɛ tumɛ min nun, n ya kɛ bɛɛ rakaran wo ye. Wo hɛnkili ma to wo ko, wa?

2 Tɛsalonaika 3:12

Ma ye a fɔla wonu ye Mari Yisa tɔgɛ rɔ ko anu ni kɛ-nya-telennɛ kɛ. Anu ni anuta wɔlɛ kɛ alako anu ni anu nyɛrɛ beli-fan sɔrɔn nya min.

1 Timoti 5:21

N bi kɛ fɔla i ye Alla anubɛ Yisa Kirasiti anubɛ melika-sɛnimɛnu yala ko i ni kawandili kɛnu bira. I kana mɔgɛ do latenbi mɔgɛ do la. I ni ko-latelennɛ kɛ mɔgɛnu tɛma koe bɛɛ rɔ.

1 Timoti 5:7

I ni anu makawandi koe kɛnu tɔ alako mɔgɔ-wo-mɔgɔ kana fɛɛ yen anu na.

1 Timoti 6:13

N bi Alla rakelela min bi nimayɛ dila fan bɛɛ ma anubɛ Yisa Kirasiti min ya sereya-nyimɛ bɔ Pontiyasi Pailɛti yala. N bi wonu takelela ko anu ni ma n sere la.

1 Timoti 6:17

Nɔnfuli ye minnu bolo duninya kɛ rɔ, i ni wonu makawandi ko anu kana wasi. Anu kana anu yigi sa nɔnfuli kuma iko fen de min bi mɛla. Anu ni anu yigi sa Alla kuma min bi fan bɛɛ dila ma ma foninsereyɛ la ka ma lasewa.

1 Timoti 6:2

Wole minnu bi dɛnkɛninya-mɔgɛnu kɔrɔ, wo kana wo tiginu nafɛya bawo wo na-kelen-nyɔgɛ le wonu na. Wo ni wɔli kɛ anu ye bɛrɛkɛ, bawo anu bi tɔnɛ sɔrɔnna wola wɔlɛ wonu fɛ, ado wo diyana-dɛnkɛninya-mɔgɛ le wonu na. I ni koe kɛnu karan ka mɔgɛnu makawandi.

Taita 2:15

I ni mɔgɛnu karan koe kɛnu na. I ni anu makawandi ka anu makuma sɛnbɛ la. I kana ko ladan min si a ma, anu ni i lafɛya.

Taita 2:6

I ni kemini-fonikenu fanan makawandi wo nya na ko anu ni ma nyɛrɛ-mara-mɔgɛnu na.

Taita 2:9

Yɔɔnnu ni anu tiginuna kumɛ bira ka wonu hɛnɛ koe bɛɛ rɔ. Anu kana wonu sɔsɔ,

Hiburunu 13:22

N na-kelen-nyɔgɛnu, n bi wo madiyala, wo ni wo munyu ka wo tole masɔ makawandili-kumɛ kɛ la. N bara kɛdi min sɛbɛ wo ma kɛ, wo ma yan.

3 Yɔni 1:4

Ado nfan, ka a lamɔɛn ko nna dannu tonɛ tonyɛ rɔ, fenfen ti n nasewa ka tenbi wo la.