1 Tɛsalonaika 1:8 - ALLALA KUMƐ

⁸ ado Marita kumɛ ma dan wo bolo Masidoniya anubɛ Akeya sigisɔn dɔrɔn tɔ. Wo dɛnkɛninyanɛ Alla ma nya min, bɛɛ ya wo lɔn. Hali ma ma wo fɔ tun.

1 Tɛsalonaika 1:8 ပူးပေါင်းရင်းမြစ်များ

Bɔ-Koe-Iyipiti 18:9

Mari ya Isirɛla mɔgɛnu bɔ Iyipiti kɛnu bolo tɔ min kɛ ka anu kisi, wo mara sewa-koe la Yɛtiro ye.

Aiseya 2:3

Anu si na a fɔ ko, ‘Ma ni Marita kɔnkɛ yɛlɛ wona ka ta ke Marita Bon-Sɛnimɛ ma, Isirɛla mɔgɛnuta Alla, kɔni. Ma si tagama nya min, Mari si wo yira ma la iko a ye nyinina a ma nya min. Marita karan si bɔ Yerusalɛm. A si kuma ata mɔgɛnu ye nyɔ le.’

Aiseya 52:7

Mɔgɔ wa kilayɛ yen nala kuman-kan-diyamɛ la a bolo ka bɔ kɔnkɛnu tɔ, wo di mɔgɛ ye, ado yisi-kimɛ le si taran wo kɔma. A ye a fɔla Yerusalɛm ye ko anu bara kisi. A ko anuta mansɛ le Alla la.

Aiseya 66:19

Minnu bara to anu niyi la, a si tamasere sa wonu ma ka wo donu nata sibolo-toenu ma. Anu si donu nata Tasisi, anubɛ Libiya, anubɛ Ludi, anubɛ Misɛki, anubɛ Rɔsi, anubɛ Tubali, anubɛ Kirisi. A si donu nata kɔgɔ-yi-dafɛ-sigilɛnu ma minnu bi wula-yan la. A ko a si anu nata mɔgɛ donu ma kan tinɛ wonu tɔ minnu ma a mankan anubɛ ata gbiliyɛ wara-koe lɔn bɛ. Anu ba ke nyɔnu tɔ, anu si ata gbiliyɛ wara-koe rakaran anu ye.

Kɛwɔlɛnu 18:12

Kaliyo ye Romu kɛnuna sigisɔn-mansayɛ la Kiriki nyamanɛ wo rɔ min tɔgɛ Akeya tumɛ min, Yahudiyanuna kun-tigi donu ya Pɔli bira ka ta a la kiti tɛgɛ tinɛ.

Romu 1:8

A dabira fɔlɔtɛ, n bi baraka birala n Fa Alla ye wo damala ko la Yisa Kirasiti tɔgɔ rɔ bawo duninya bɛɛ ye wola dɛnkɛninya-koe lamɔɛnna.

Romu 15:26

Chɔchi minnu bi Masidoniya sigisɔn anubɛ Akeya sigisɔn rɔ, wonu bara a latɛgɛ anu nyɛrɛ ma ka bolo-kolɔnnu dɛnbɛ Allala mɔgɛnu tɛma Yerusalɛm.

Romu 16:19

Mɔgɛ bɛɛ ara wola lanaya-koe lamɔɛn kibara-nyimɛla ko la. Woletɔ n sewanɛ wola ko la. N bi a fɛ, wo ni ma hɛnkilimɛnu na ko-nyimɛ warala kɔnɔ wo ni ma mɔgɔ-magbalanɛnu na ko-yogomɛ warala.

1 Kɔrɛnti 14:36

Allala kibara-nyimɛ da ma bira wole Kɔrɛnti kɛnu barɛ, ado a ma na wole dɔrɔn ma.

2 Kɔrɛnti 2:14

Tabarakala Alla ma! Mabɛ Kirasiti ye kan kelen tɔ min kɛ, Alla ya ma ma yelela-mɔgɛnu na ka ma mayira gbɛ rɔ Kirasitita nɔlɛ rɔ. Nba kaka, ma tenbi tala kan-tina wo kan-tina, a si male bi ka Marita kibara-nyimɛ lake doinu ma. Kibarɛ wo si nyɛnsɛn iko sɛnti-suma-diyamɛ.

2 Kɔrɛnti 3:4

Ma ye kɛ fɔla bawo ma lanɛ Alla la Kirasiti baraka rɔ.

Kɔlɔsi 3:16

Kirasitita kumɛ ni sigi wo yisi rɔ ka wara nyɔ. Wo ni wo nyɔgɔn karan ka wo nyɔgɔn makawandi hɛnkilimayɛ la. Wo ni to bɛtinu bɔla Yaburi kitabu rɔ ka sigi-sɛnimɛnu sa. Wo ni bɛti wonu bɔ Alla ye baraka-birɛ la wo yisi rɔ.

2 Tɛsalonaika 1:4

Wo le ya a to, ma ye wo matɔgɔla Allala chɔchi doinu na ka a tɛgɛ wola munyɛ ma. Wola nyagbɛ wo bɛɛ rɔ, wola dɛnkɛninyɛ ma dasa hali kelen.

2 Tɛsalonaika 3:1

Ala ban, ma na-kelen-nyɔgɛnu, wo ni Alla matara ma ye. Marita kumɛ ni to nyɛnsɛnna tiriya! Wo si a ma, mɔgɛnu ni ata kumɛ gbiliya iko a mara wo tɛma nya min.

1 Timoti 2:8

Wo wa wo ladɛn Alla bato tinɛ tuma-wo-tuma, n bi a fɛ, wole keinu ni madiyali kɛ ka wo bole rasigi Alla ye. Wo ni ma mɔgɔ-sɛninyanɛnu na Alla ye, ado wo tenbi madiyali kɛla, diminyɛ anubɛ sɔsɔli kana taran wo tɛma.

3 Yɔni 1:12

Bɛɛ ye n fa Dimitiya tɔgɔ-nyimɛ fɔla, ado anu bi min fɔla, wo bɛɛ tonyɛ. Ma ara mata sereyɛ kofu wo ma. Wo ya a lɔn ko ma ya min fɔ, tonyɛ le.

Lankɛnimayɛ 14:6

Wo kɔma, n ya melika-gbɛrɛ yen firifirila san ma pon! Habadan-kibara-nyimɛ ye a bolo a ye nala min fɔla duninya-mɔgɛ bɛɛ ye, a sibole bɛɛ anubɛ a bɔnsɔn bɛɛ anubɛ a mɔgɔ-su bɛɛ iko anuna kan faranɛ nya min.

Lankɛnimayɛ 22:17

Allala Ni-Sɛnimɛ anubɛ kɔnyɔ-kurɛ wo ye a fɔla ko, “Na!” Ni mɔgɔ-wo-mɔgɔ ya kɛ lamɔɛn, wo fanan ni a fɔ ko, “Na!” Ni min kan lagbalanɛ, na de! Ni min bi nimaya-yi fɛ, wo ni na a min, a sɔnkɔ sa.