1 Tɛsalonaika 1:7 - ALLALA KUMƐ

⁷ Wo le ya a ma, wo mara misalɛ la dɛnkɛninya-mɔgɛ bɛɛ ye Masidoniya anubɛ Akeya sigisɔnnu tɔ,

1 Tɛsalonaika 1:7 ပူးပေါင်းရင်းမြစ်များ

Kɛwɔlɛnu 1:13

Anu donta Yerusalɛm. Anu yiyanɛ san-bɔn min na, anu yɛlɛta nyɔ rɔ. Minnu bi nyɔ nun, wo le Pita wo, Yɔni wo, Yemesi wo, Anduru wo, Filipi wo, Tamasi wo, Batalamiyu wo, Matiyu wo, Alafala dan Yemesi wo, ale Saimon min si kɛlɛ kɛ ala nyamanɛla ko la wo, anubɛ Yemesila dan Yudasi.

Kɛwɔlɛnu 16:12

Ma bɔra nyɔ ka ta Filipai so-karantan burɔ min bi Masidoniya nyamanɛ rɔ. Romu kɛnu denu ya soe wo datɛgɛ fɔlɔ-nun. Ma ya tele-dande bɔ Filipai soe wo burɔ.

Kɛwɔlɛnu 18:1

Wo kɔma, Pɔli bɔra Atɛn soe burɔ ka ta Kɔrɛnti soe burɔ.

Kɛwɔlɛnu 18:12

Kaliyo ye Romu kɛnuna sigisɔn-mansayɛ la Kiriki nyamanɛ wo rɔ min tɔgɛ Akeya tumɛ min, Yahudiyanuna kun-tigi donu ya Pɔli bira ka ta a la kiti tɛgɛ tinɛ.

Kɛwɔlɛnu 19:21

Koe kɛ bɛɛ tenbinɛ, Pɔli ya a latɛgɛ a yisi rɔ ko a tenbi tala Yerusalɛm, a ni ta Masidoniya anubɛ Akeya sigisɔnnu tɔ. A ko, “N ba bɔ nyɔ rɔ tumɛ min, fɔ n ni ke Romu soe fanan.”

Romu 15:26

Chɔchi minnu bi Masidoniya sigisɔn anubɛ Akeya sigisɔn rɔ, wonu bara a latɛgɛ anu nyɛrɛ ma ka bolo-kolɔnnu dɛnbɛ Allala mɔgɛnu tɛma Yerusalɛm.

2 Kɔrɛnti 1:1

Nde, Pɔli le ye kɛdi kɛ sɛbɛla wo ma. N mara Kirasiti Yisala kilayɛ la bawo wo diyara Alla ye. Mabɛ ma na-kelen-nyɔgɛ Timoti le ya kɛdi kɛ sɛbɛ. Ma ya kɛdi kɛ lata Allala chɔchi-mɔgɛnu ma minnu nadɛnnɛ Kɔrɛnti soe burɔ anubɛ Allala mɔgɛ min bɛɛ ye Akeya nyamanɛ rɔ.

2 Kɔrɛnti 9:2

N ya a lɔn ko wo fanan si sɔn dɛnbɛni-koe wo ma. N bara n kɔgɔ raka wola ko la Masidoniya kɛnu ye. N ya a fɔ anu ye ko kebi serun, wole, ma na-kelen-nyɔgɛ minnu bi Akeya sigisɔn rɔ, wo ya wo rabɛn dɛnbɛni-koe wo rɔ. Ka a tɛgɛ wola dɛnbɛnɛ wo ma, wo ara mɔgɛ donu yisi lawuli dɛnbɛni-kɛ-tinɛ.

1 Tɛsalonaika 1:8

ado Marita kumɛ ma dan wo bolo Masidoniya anubɛ Akeya sigisɔn dɔrɔn tɔ. Wo dɛnkɛninyanɛ Alla ma nya min, bɛɛ ya wo lɔn. Hali ma ma wo fɔ tun.

1 Tɛsalonaika 4:10

Ado nfan, wo ye wo kɛla wo na-kelen-nyɔgɛ bɛɛ ye Masidoniya nyamanɛ kan bɛɛ rɔ, yɔ! Woletɔ ma na-kelen-nyɔgɛnu, ma ye wo madiyala ko wo ni diyanayɛ kuma-sa dɛɛ!

1 Timoti 4:12

I kana sɔn, mɔgɔ-wo-mɔgɔ ni yoo i ma ila fonikeyɛla ko la. I kuma-nya wo, i kɛ-nya wo, ila keninteyɛ wo, ila dɛnkɛninyɛ wo, ila sɛninyɛ wo, i ni ma misala-nyimɛ la dɛnkɛninya-mɔgɛnu ye wo bɛɛ rɔ.

Taita 2:7

Ile nyɛrɛ ni ma misalɛ la anu ye koe bɛɛ rɔ kɛwɔli-nyimɛ ladan tinɛ. I ni ma lanaya-mɔgɛ la anubɛ sɛbɛna-mɔgɛ ila karan rɔ.

1 Pita 5:3

Mɔgɛ minnu kerifanɛ wo la, wo kana wo raya ka wola sɛnbɛ mayira wonu na fɔ ka ma misala-nyimɛ la anu ye.