1 Tɛsalonaika 1:6 - ALLALA KUMƐ

⁶ Wo ya malebɛ Mari ma wola misalɛnu na. Wo tɔrɔta kosɛbɛ kɔnɔ hali wo, wo ya karan wo bira sewɛ la, ado sewa-sufa wo ye bɔla ata Ni-Sɛnimɛ le bolo.

1 Tɛsalonaika 1:6 ပူးပေါင်းရင်းမြစ်များ

Hoseya 2:14

N bi nala tala a la wulɛ rɔ. N ba ke a la nyɔ, n si a manugu-nɛgɛ-kumɛnu fɔ alako n ni diya a ye tun.

Matiyu 16:24

Wo kɔma, Yisa ya a fɔ ala karan-dannu ye ko, “Ni mɔgɔ-wo-mɔgɔ ye a fɛ ka bila n fɛ, fɔ a ni a nyɛrɛ wara-koe boloka ka a nyɛrɛ faga-kɔn bi ka bila n fɛ,

Yɔni 8:12

Yisa kumara Farisinu ye tun ko, “Duninya-waan le nde la. Min ba bila n fɛ, wo si waan sɔrɔn min si niyi di mɔgɛnu ma. A ti tagama pinpi rɔ tun mumɛ!”

Kɛwɔlɛnu 13:52

Kɔnɔ dɛnkɛninya-mɔgɛ minnu bɔ-san Antiyaki, wonu fara sewɛ anubɛ Allata Ni-Sɛnimɛ la.

Kɛwɔlɛnu 5:41

Kilayɛnu bɔra mɔgɔ-banu tɛma tumɛ min, anu sewara bɛrɛkɛ, ko Alla ara a fonde lamiri anu ma ko a bɛnnɛ anu ni fɛyɛ sɔrɔn Yisa tɔgɛla ko la.

Kɛwɔlɛnu 9:31

Nba, Allata mɔgɛ min bɛɛ ye Yudiya anubɛ Kalili sigisɔnnu tɔ anubɛ Samariya nyamanɛ rɔ, wo bɛɛ ya yisi-kimɛ sɔrɔn wo wati le tɔ. Anu tora Mari batola min kɛ, Allata Ni-Sɛnimɛ ya anu dɛnbɛ alako anu ni siyaya nya min ka sabati.

Romu 15:13

Ma yigi siginɛ Alla min tɔ, alamɛ wo ya wo lafa sewɛ anubɛ yisi-kimɛ la wola dɛnkɛninyɛ fɛ. Wola yigi min bi Yisa rɔ, wo ni to warala Allata Ni-Sɛnimɛ baraka rɔ.

1 Kɔrɛnti 11:1

Nba, wo ni wo sanka nde ma iko nde ye n sankala Kirasiti ma nya min.

1 Kɔrɛnti 11:2

N si wo tanto bawo wo ye wo hɛnkili tola n ko tuma-wo-tuma ka koe wonu bira n ya wo karan minnu na.

1 Kɔrɛnti 4:16

Woletɔ n bi wo madiyala ko wo ni wo sanka nde ma.

2 Kɔrɛnti 6:10

Hali ma yisi tinyanɛ kɔnɔ ma sewanɛ tolon! Ma lɔnnɛ bolo-kolɔnnu na kɔnɔ ma ara mɔgɔ siyaman ma bana la. Ma manɛ iko fen sa ma bolo kɔnɔ fan bɛɛ ye ma bolo.

2 Kɔrɛnti 8:5

ado anu ya nilɛ kɛ ka tenbi ma miriya la pon! Kɔnɔ min tenbira wo bɛɛ la, anu ya anu nyɛrɛ di Mari ma. Wo kɔma, anu ya anu nyɛrɛ di male fanan ma iko a di Alla ye nya min.

Kalesiya 5:22

Kɔnɔ Allata Ni-Sɛnimɛ si wo labila min na, wo le kɛnu na, keninteyɛ wo, sewɛ wo, yisi-kimɛ wo, munyɛ wo, dinyɛ wo, nyimayɛ wo, lanayɛ wo,

Ɛfɛsa 5:1

Woletɔ wo ni wo raya ka Alla sɔn bi bawo a diyana-dan le wole la.

Filipai 3:17

N na-kelen-nyɔgɛnu, wo dama ni to n nadegenna. N bara ma misali-bɛrɛ la wo ye. Woletɔ minnu bi wo nyɔgɔn kɛla, wo ni to wonu mafɛlɛnna.

2 Tɛsalonaika 1:4

Wo le ya a to, ma ye wo matɔgɔla Allala chɔchi doinu na ka a tɛgɛ wola munyɛ ma. Wola nyagbɛ wo bɛɛ rɔ, wola dɛnkɛninyɛ ma dasa hali kelen.

2 Tɛsalonaika 3:7

Male ya min kɛ wo yala, a bɛnnɛ wo ni wo madegen wo ma. Wole nyɛrɛ ya wo lɔn serr! Ma ye wo fɛ tumɛ min kɔrɔma la, ma ma tinya-mansayɛ kɛ mumɛ!

2 Tɛsalonaika 3:9

Ma ma a fɔ ko a ma bɛn ko ma ni dɛnbɛnɛ sɔrɔn wo bolo. Ma wɔlita alako dɔrɔn male nyɛrɛ ni ma misalɛ la wo ye, ado wo ni wo nyɔgɔn kɛ.

2 Timoti 4:2

ko ile Timoti ni Allala kumɛ lake ka i kiri a fɔɛ ma. Ni mɔgɛnu ya a bira, ni anu ma a bira, ile ni to a fɔla anu ye tun! I ni mɔgɛnu makuma ka anu makawandi. Kɔnɔ i ni anu karan dinyɛ rɔ

Hiburunu 10:34

Wo ya yelela-mɔgɛnuna tɔrɔyɛ bi iko wotɛ. Anu ya wo bolo-fan bɛɛ bi wo bolo tumɛ min, wo ya wo munyu bɔnɛ wonu ma sewɛ la bawo wo ya a lɔn ko fen-nyima-bɛrɛbɛrɛ-wɛ ye wo bolo min tenbira wonu na, ado wonu si to wo bolo habadan!

1 Pita 1:6

Hali wo yisi tɔrɔnɛ kaka kɔrɔbɔli-sufa-siyaman tɔ kɔnɔ a fɛrɛ sa, ado a bɛnnɛ wo ni sewa tɔrɔyɛ wola ko la.

1 Pita 1:8

Wo ma Yisa yen bɛ kɔnɔ wo ara a keni. Wo ma a yen bɛ wo yɛ la, hali wo, wo dɛnkɛninyanɛ a ma. Woletɔ wo ye nyagalenna ka sewa-makawani-wɛ kɛ, hadama-dan dɛ ti ke min fɔla.

1 Pita 3:13

Ni wo ye gbaranna wo nyɛrɛ la ko-nyima-kɛ-koe la, yon si wo tɔrɔ worɔ?

3 Yɔni 1:11

N diyana-mɔgɛ, i kana bila ko-yogomɛ fɛ fɔ ka ko-nyimɛ ma wola misalɛ la. Min bi ko-nyimɛ kɛla, Allatɛ le wo tigi la. Min bi ko-yogomɛ kɛla, wo tigi ma Alla lɔn.