1 Tɛsalonaika 1:5 - ALLALA KUMƐ

⁵ Ma nara kibara-nyimɛ la wo ye tumɛ min, ma ma na kuma-gbansan na. Ma nara wo la sɛnbɛ la Allata Ni-Sɛnimɛ baraka rɔ. Ma ara a yira wo la ka a gbɛ ko tonyɛ le wo la. Ma siginɛ wo tɛma nya min, wo ya wo lɔn, ado ma ya wo ma wo dɛnbɛn-koe le la.

1 Tɛsalonaika 1:5 ပူးပေါင်းရင်းမြစ်များ

Aiseya 55:11

Marita kumɛ ye wo nya na le. Ala kumɛ ti ma fufafuyi la. Ala kumɛ bɛɛ si bɔ-a-la iko ale ye nyinina a ma nya min.

Maraka 16:20

Karan-dannu tara kawandilɛ bɔ kan tinɛ bɛɛ rɔ. Mari taranta anu fɛ ka tamasere-sɛnbɛmɛnu di anu ma minnu si a mayira ko anuna kawandilɛ, tonyɛ le.]

Luka 1:1

N diyana-mɔgɛ Tiyofilasi, koe kɛ min bɛɛ ara ma mɔgɛnu tɛma, mɔgɔ siyaman bara wuli wonu sɛbɛ tinɛ.

Kɛwɔlɛnu 11:21

Marita sɛnbɛ tora anu fɛ. Mɔgɔ siyaman dɛnkɛninyara Mari ma ka bila a fɛ.

Kɛwɔlɛnu 16:14

Kelen bi anu tɔ min ya mala kumɛ lamɔɛn, a tɔgɛ Lidiya. A nara ka bɔ Tayataira soe burɔ. Kura-bilolamɛ yila le, ado kurɛ wo dɛ gbɛlɛ. Ma Mari-Alla-batolɛ le musi wo la. Mari ya a yisi laka alako a ni a tole masɔ Pɔlita kumɛ la.

Kɛwɔlɛnu 2:33

A yɛlɛta ka sigi Alla kɔɛn-nyimɛ rɔ. A ya Allala Ni-Sɛnimɛ sɔrɔn iko a Fa Alla ya lanyiri kiri a ye nya min, ado Alla ara ata Ni-Sɛnimɛ wo labɔn ma kuma iko wo ye min yenna kaka ka a lamɔɛn nya min.

Romu 1:16

N lanɛ kibara-nyimɛ la gben! Allala sɛnbɛ le wo la alako mɔgɛ bɛɛ si na kisi nya min, a fɔlɔtɛ le Yahudiyanu na, wo kɔma sibolo-gbɛrɛnu fanan, min bɛɛ lanɛ Yisa la, kɔni.

Romu 15:13

Ma yigi siginɛ Alla min tɔ, alamɛ wo ya wo lafa sewɛ anubɛ yisi-kimɛ la wola dɛnkɛninyɛ fɛ. Wola yigi min bi Yisa rɔ, wo ni to warala Allata Ni-Sɛnimɛ baraka rɔ.

Romu 2:16

Dogonta-koe min bɛɛsi ye mɔgɔ yisi rɔ, Alla si wo bɛɛ kiti Yisa, Allata-Mɔgɔ-Yabɔnɛ bolo kiti-tɛgɛ-wati iko a fɔra kibara-nyimɛ rɔ nya min, ado n bi wo le kawandili bɔla.

1 Kɔrɛnti 1:24

Kɔnɔ Alla ara male minnu kele, a mara Yahudiya la wo, a mara sibolo-gbɛrɛ la wo, Allata sɛnbɛ anubɛ ata hɛnkili le ale Kirasiti la,

1 Kɔrɛnti 10:33

Wo ni a ma wo fɛrɛma iko nde ye a mala nya min. N bi n tayala ka mɔgɛ bɛɛ hɛnɛ koe bɛɛ rɔ. N sa n mirila ko-nyimɛ ma n nyɛrɛ ye dɔrɔn fɔ mɔgɛ bɛɛ ye alako anu denu ni kisi.

1 Kɔrɛnti 3:16

Wo ya a lɔn ko Alla-Bato-Bɔn le wole la serr, ado wo ya a lɔn fanan ko Allata Ni-Sɛnimɛ siginɛ wo rɔ!

1 Kɔrɛnti 3:6

Nde le ya sugi fui, Apalasi ya a yi sa kɔnɔ Alla le ya a ma, a fɛrɛnta ka sabati.

1 Kɔrɛnti 4:20

ado da-rabu-tugi ma Allala mansayɛ la fɔ sɛnbɛ.

1 Kɔrɛnti 9:14

Mari ara a latɛgɛ wo nya na le fanan. Minnu bi kibara-nyimɛ lakela, wonu ni anu beli-fan sɔrɔn wo fɛ.

2 Kɔrɛnti 3:6

Ale le ya sɛnbɛ di ma ma ko ma ni ma sarama-kan-kurɛta wɔli-kɛlɛnu na, min sɛbɛnɛ anubɛ ala mɔgɛnu tɛma. Sarama-kan-kurɛ kɛ sɛbɛni ma kɔnɔ a nanɛ ata Ni-Sɛnimɛ bolo. Tɔn-sɛbɛnɛ si na sayɛ la mɔgɛnu ye kɔnɔ ata Ni-Sɛnimɛ si niyi di mɔgɛnu ma.

Kalesiya 2:2

N tara bawo Alla le ya a lagbɛ n ye ko n ni ta. Mabɛ chɔchi-mɔgɔ-banu ya ma kun nayigi. N ya kibara-nyimɛ-kawandili bɔ sibolo-gbɛrɛnu ye nya min, n ya wo faranfasi anu ye ladɛn wo rɔ. N bara wɔlɛ min kɛ fɔlɔ-nun wo, n bi min kɛla kaka wo, n sa a fɛ, wo fenfen ni ma fuyi la.

Kalesiya 5:5

Male min tonɛ Allata Ni-Sɛnimɛ baraka rɔ, Alla ara fan min lanyiri kiri, ma gbarannɛ ma nyɛrɛ la wo bɛɛ-sɔrɔn-koe la. A ya lanyiri wo kiri anu ye minnu telennɛ a ye dɛnkɛninyɛ fɛ,

Ɛfɛsa 2:10

Alla nyɛrɛ le ya ma dan. A ya ma dan ko-nyimɛ kɛ-koe le la. Ma tenbi Yisa Kirasiti rɔ, ma si to ko-nyimɛ kɛla bawo ale nyɛrɛ ara ban wonu tabɛnna ma ye, bi ko ma!

Ɛfɛsa 3:20

Nba, Alla si ke ka ko-belebele-wɛ kɛ ka tenbi mala taralɛ anubɛ ma miriyanu na iko ata sɛnbɛ ye wɔlila ma rɔ nya min.

Filipai 2:13

Ado nfan, Alla ye wɔlila wole rɔ wati bɛɛ alako a ni diya wo ye ka a sako kɛ, ado a ye sɛnbɛ dila wo ma ka wo ma.

Filipai 4:9

Wo ara koe minnu karan nde bolo, wo ni wonu kɛ. Ni a mara kumɛ la wo ya min namɔɛn n bolo wo, ni ko do le wo ya n yen min mala wo, alako dɔrɔn, wo ni wonu kɛ tun! Alla min bi yisi-kimɛ dila ma ma, wo si to wo fɛ.

Kɔlɔsi 2:2

N ya wo ma le alako bɛɛ ni yisi-latɛgɛ sɔrɔn. Bɛɛ ni ma kelen na keninteyɛ rɔ. Bɛɛ ni lɔnni-kanbalinɛ sɔrɔn duk, woletɔ wo si Allata gbundu-koe lɔn. Kirasiti nyɛrɛ le gbundu-koe wo da-nyin la.

1 Tɛsalonaika 2:13

Ma ye baraka birala Alla ye tumɛ bɛɛ ko ma nara Allala kumɛ la wo ye tumɛ min, wo ya a lamɔɛn ka a bira a kilɛ fɛ. Wo ma a bira iko a bɔra mɔgɛ le bolo. Wo ya a bira iko Allata kumɛ, ado Allala kumɛ ye wɔlila wole dɛnkɛninya-mɔgɛnu burɔ hali kaka.

2 Tɛsalonaika 2:14

Ma ya kibara-nyimɛ min nake wo ma, wo sebu le ya wo kele Alla wara. A ya wo kele alako wo ni wotɛ sɔrɔn Mari Yisa, Allata-Mɔgɔ-Yabɔnɛta gbiliyɛ rɔ.

2 Timoti 2:10

Wo le ya a to, n bi n muinna koe bɛɛ kɔrɔ Allata mɔgɔ-yabɔnɛnuna ko la. Yisa Kirasiti ni anu fanan kisi alako anu ni sigi Alla fɛ habadan-gbiliyɛ rɔ nya min.

2 Timoti 2:8

Alla ya Yisa Kirasiti min nawuli ka bɔ furinu tɛma, Mansa Dawuda bɔnsɔn-mɔgɛ, kɔni, i ni i hɛnkili to wo ko bawo n bi kibara-nyimɛ kɛ lakela wo le baraka rɔ. N bi kibara-nyimɛ-kawandili bɔla min kɛ, n bi nyagbɛ sɔrɔnna. Anu bara n kiri iko ko-yogoma-kɛlɛ kɔnɔ Allala kumɛ kirini ma.

Hiburunu 10:22

ma ni ma gbɛrɛn Alla ma worɔ. Ma ni ma gbɛrɛn ma yisi bɛɛ anubɛ dɛnkɛninya-bɛrɛ la ma bolo bawo ma sɔn-yilikinɛnu bara sɛninya, ado ma fɛrɛ-bɔnkɛnu manɛ iko anu bara ku yi-sɛninyanɛ le la.

Hiburunu 6:11

Fananta wo ye wo niyi la, ma ye a fɛ, wo kelen-kelennamɛ-bɛɛ ni to wo rayala dɛɛ. Woletɔ wo yigi ye fan min bɛɛ kuma, wo si wonu sɔrɔn.

1 Pita 1:12

Alla ya a yira nɛbi wonu na ko anuna wɔlɔyiyɛ ti ko-nyinya anu denu ma anuta wati rɔ fɔ woleta wati. Iko anu kumara nya min ka tonyɛ fɔ, wo ara wo lamɔɛn kaka. Anu ya kawandili bɔ wo ye Allata Ni-Sɛnimɛ baraka rɔ, min nara ka bɔ Arinyɛni tɔ. Hali a lɔn-sɔgɛ ye melikanu na nun, kawandili wo bɔra wole le dɔrɔnna ko la.

1 Pita 1:3

Ma ni baraka bira Mari Yisa Kirasiti, wo Fa Alla ye dɛɛ! Ka a tɛgɛ Yisata lawulɛ fɛ ka bɔ furinu tɛma, ma ara ni-kurɛ sɔrɔn a bolo ala kinikini-wɛ rɔ. Wo ara ma fa yigi-bɛrɛ la.

1 Pita 5:3

Mɔgɛ minnu kerifanɛ wo la, wo kana wo raya ka wola sɛnbɛ mayira wonu na fɔ ka ma misala-nyimɛ la anu ye.

2 Pita 1:10

Woletɔ n na-kelen-nyɔgɛnu, koe kɛ minnu si yili-latɛgɛ di wo ma ko Alla ara wo kele ka wo yabɔ, wo ni wo raya wonu ma, ado ni wo ya wo ma, wo ti bui ka wola dɛnkɛninyɛ boloka mumɛ!

2 Pita 1:19

Woletɔ nɛbinu ya kumɛ min fɔ, ma lanɛ wo la bɛrɛkɛ! Ni wo si wo tole masɔ wo la, wo si bɛn bawo a mani de iko lɛnpu min malannɛ pinpi rɔ ha Kirasiti wa na wati min ata wan-takani-wɛ la ka to malanna wo yisi rɔ.