1 Tɛsalonaika 1:3 - ALLALA KUMƐ

³ Ma wa madiyali kɛ ma Fa Alla ye tuma-wo-tuma, ma si to wola kɛwɔlɛnu takaranna a ye, wo ara minnu kɛ ka a tɛgɛ wola dɛnkɛninyɛ ma. Wo ya wɔli-gbɛlɛmɛ min kɛ ka a tɛgɛ wola keninteyɛ ma Yisa wara la, ma yili tonɛ wo ko. Wo yigi tonɛ Mari Yisa, Allata-Mɔgɔ-Yabɔnɛ rɔ nya min, ma yili tonɛ wo bɛɛ ko wo nya na le!

1 Tɛsalonaika 1:3 ပူးပေါင်းရင်းမြစ်များ

Ko-Dabirɛnu 29:20

Woletɔ Yakoba wɔlita Resɛlila ko la san wɔrɔnfila. Wo mara a yala iko tele fila kamasɔrɔn a ya Resɛli keni ha ka a dan-natenbi.

Makawandili Kumɛnu 2:26

Alla le ye hɛnkilimayɛ anubɛ ko-kɔrɔ-lɔn anubɛ sewɛ dila wo mɔgɛ ma min bi ale Alla hɛnɛna. Kɔnɔ Alla ye a mala, hakɛ-tiginu bi wɔlila ka anu sɔrɔn-fannu namara alako min bi anu bolo, wo ni to Alla-sako-kɛlɛnu ye. Wo bɛɛ ragbɛlɛ. Wo mani de iko mɔgɛ tenbi fɔnyɔ birala.

Keninteya-Siginu 8:7

Yi ti ke wo ladufenna. Hali yi kerita a kun na, a ti ke a ladufenna muk! Ni mɔgɔ-wo-mɔgɔ ya a fɔ ko a si keninteyɛ san wodi-ba la, kun-takolonyɛ le wo la dɔrɔn!

Yɔni 14:15

“Ni nde di wo ye, wo si nna kumɛnu bira.

Yɔni 15:10

Ni wo ya nna kumɛ bira, wo si to nta keninteyɛ tɛma wo rɔ iko n ya n Fa Allala kumɛnu bira nya min ka to aleta keninteyɛ tɛma.

Kɛwɔlɛnu 10:31

Kei wo ko, ‘Kɔniliyasi! I wara bolo-kolɔnnu dɛnbɛ min kɛ, Alla ara sɔn ila madiyalɛnu ma. A ara a fonde to i ko.’

Kɛwɔlɛnu 3:19

Nba, wo ni yɛlɛma ka tubi Alla ma. Woletɔ a si wo hakɛ yesi feu, ka wo makoto. Ni wo ya wo ma,

Romu 12:12

Yigi min bi wo rɔ, wo ni wo mara sewɛ rɔ. Wo ni wo munyu wola tɔrɔyɛnu kɔrɔ ka Alla madiya tumɛ bɛɛ.

Romu 15:13

Ma yigi siginɛ Alla min tɔ, alamɛ wo ya wo lafa sewɛ anubɛ yisi-kimɛ la wola dɛnkɛninyɛ fɛ. Wola yigi min bi Yisa rɔ, wo ni to warala Allata Ni-Sɛnimɛ baraka rɔ.

Romu 15:4

Min bɛɛ sɛbɛnɛ Allala kitabu rɔ kɔrɔma la, wo sɛbɛnɛ alako ka ma karan. Anu si a ma, ma ni ma munyu ka ma sɛnbɛ don alako ma si yigi sɔrɔn nya min.

Romu 16:26

kɔnɔ kaka, tonyɛ wo ara bɔ gbɛ rɔ nɛbinuna sɛbɛlɛnu tɔ. Sibole bɛɛ nara ke gbundi wo lɔnna Allala kumɛ fɛ, ado Alla ye nyɔ habadan! Woletɔ mɔgɛnu ni dɛnkɛninya a ma ka ala kumɛ bira.

Romu 16:6

Mariyama fanan kɔndɔn min wɔlita wo ye bɛrɛkɛ!

Romu 2:7

Mɔgɛ donu bi bonyɛ anubɛ gbiliyɛ anubɛ habadan-nimayɛ nyinina Alla bolo min kɛ, woletɔ anu si to ko-nyimɛ kɛla dɛɛ! Tonyɛ le wo la, Alla si habadan-nimayɛ di wonu denu ma.

1 Kɔrɛnti 13:13

Nba, kɛ sawɛ le tonɛ, dɛnkɛninyɛ wo, yigi wo, anubɛ keninteyɛ kɔnɔ keninteyɛ le kolo kɛ bɛɛ ko.

1 Kɔrɛnti 15:58

Woletɔ n na-kelen-nyɔgɛnu, wo ni wo sɔ gben! Wo ni to wɔlila Mari ye tuma-wo-tuma bawo wo ya a lɔn ko wo ye min kɛla Marita wɔlɛ rɔ, wo ti ma fuyi la mumɛ!

2 Kɔrɛnti 2:17

Male sa iko mɔgɔ siyaman bi nya min. Wonu bi Allala kumɛ mayirala iko fere-kɛ-fan min dɛ ma gbɛlɛ. Kɔnɔ Alla ara ma sɔ min kɛ, ma ye kumala gbɛ rɔ Alla yala iko Kirasitita wɔli-kɛlɛnu.

Kalesiya 1:4

Kirasiti ya ma Fa Alla sako kɛ ka a nyɛrɛ niyi ni male hakɛ-tiginuna ko la. A ya wo ma alako ma ni hɔrɔya wati-yogomɛ kɛ ma.

Kalesiya 5:13

N na-kelen-nyɔgɛnu, wo keleta hɔrɔyɛ le ma kɔnɔ wola hɔrɔyɛ kana ma masigima-koe la wo fɛrɛ-natanu ma-tinɛ. Min fisa, wo ni to wo nyɔgɔn dɛnbɛna keninteyɛ rɔ,

Kalesiya 5:6

ado ni ma lara Yisa Kirasiti la, ma kemininyanɛ anubɛ ma kemininyabɛlɛ, kelen de wonu na. Min kolo, wo le mala dɛnkɛninyɛ min si a ma, keninteyɛ ni to ma tɛma.

Kalesiya 6:9

Ma ni ma tunadiya ko-nyima-kɛ-koe ma bawo ni ma ma bandan, wati si na, ma si ma ko-nyima-kɛ-sarɛ sɔrɔn.

1 Tɛsalonaika 3:6

Dɛnkɛninyɛ ye wo bolo nya min wo, keninteyɛ ye wo bolo nya min wo, Timoti ara na wo lake ma ma. A ara a fɔ ma ye ko miriya-nyimɛ ye wo bolo ka a bɛn ma ma, ado iko ma yen-sɔgɛ ye wo la nya min, wo yen-sɔgɛ ye male fanan na wo nya na le.

2 Tɛsalonaika 1:11

Wo le ya a to, ma ye Alla matarala wo ye tumɛ bɛɛ. Ma ye a tarala ko a ara wo kele nimaya-su min ma, wo kɛ-nya ni bɛn wo ma. Ko-nyimɛ min bɛɛ kɛ-sɔgɛ ye wo la, alamɛ ata sɛnbɛ ya wo dɛnbɛ wo rɔ ka wola kɛwɔlɛnu dafa.

2 Tɛsalonaika 1:3

Ma na-kelen-nyɔgɛnu, ma ye baraka birala Alla ye wolela ko la tumɛ bɛɛ! Wo bɛnta bawo wola dɛnkɛninyɛ ye tola koloyala bɛrɛkɛ! Wola keninteyɛ min bi wo nyɔgɛnu tɛma, wo fanan bi koloyala le kati!

1 Timoti 1:14

Ma Mari Yisa ya ala hina-waranɛ labɔn n kuma ka dɛnkɛninyɛ anubɛ diyanayɛ di n ma, ado matɛ le wonu na Yisa Kirasiti baraka rɔ.

1 Timoti 2:3

Madiyali-su kɛ bɛɛ kin. A ye Alla hɛnɛna, ma kisilɛ, kɔni,

Hiburunu 10:36

Wo ni wo tunadiya alako wo ni Alla sako kɛ. Ni wo ya wo ma, Alla ya lanyiri min kiri, wo si wo sɔrɔn.

Hiburunu 11:17

Alla ya Iburayima kɔrɔbɔ tumɛ min, dɛnkɛninyɛ le fɛ, Iburayima ya ala dan Isiyaka ma sarakɛ la. Alla ya lanyiri kiri Iburayima ye kɔnɔ hali wo, a rabɛnnɛ hali ka ala dan ma sarakɛ la.

Hiburunu 13:21

wo makoe ye min bɛɛ la ka a sako kɛ, alamɛ wo ya wo bɛɛ sɔrɔn. Alamɛ Alla ya ata wɔlɛ kɛ wo sɔndɔmɛ rɔ Yisa Kirasiti baraka rɔ, alako wo ni ma iko a ye nyinina a ma nya min. Nba, gbiliyɛ ni di Kirasiti ma tolon! Amina.

Hiburunu 4:11

Nba, ma ni ma raya worɔ alako ma ni sulen tinɛ wo masɔrɔn. Ma fenfen kana ma kuma-birabɛlɛ la iko anu denu ya a ma nya min. Wo le ya a ma, anu foora Allata sulen tinɛ la.

Hiburunu 6:15

Iburayima ya a munyu lanyiri wo kɔrɔ. Woletɔ Alla ya lanyiri min kiri, a ya wo sɔrɔn.

1 Pita 3:4

Kɔnɔ ila kinyɛ ni taran i yisi fɔlɔn tɔ. Ila sabari-nya anubɛ ila dinyɛ, wonu denu si Alla hɛnɛ. Alla ya a fɔ ko-su kɛnu denu ma ko anu kin, ado kinya-su kɛnu denu si Alla kolan labɔ!

1 Yɔni 3:18

N diyana-dannu, ma nyɔgɔn-keni-koe kɛ kana ma kuma-gbansan dɔrɔn na. A ni ma keni-bɛrɛ la min si a nyɛrɛ mayira kɛwɔlɛnu tɔ.

1 Yɔni 3:21

Woletɔ n diyana-mɔgɛnu, ni ma sɔndɔmɛ ma a fɔ ma ye ko ma ya ko tinya, ma wa sɔ Alla yakɔrɔ wati min, ma yisi ti gbala.

1 Yɔni 3:3

Yigi kɛ ye mɔgɛ min bɛɛ bolo, wo tigi si a nyɛrɛ sɛninyanɛ mara iko Kirasiti sɛninyanɛ nya min.

1 Yɔni 5:3

Ka Alla keni, wo le ko ma ni ala tɔnnu bira, ado ala tɔn-bira-koe ma gbɛlɛ ma kuma

Lankɛnimayɛ 2:19

Wola kɛwɔlɛnu bi nya min nun, n ya wonu lɔn. Wola keninteyɛ wo, wola lanayɛ wo, wola wɔlɛ wo, anubɛ wola munyɛ wo, n ya wo bɛɛ lɔn, ado wo ye wɔlɛ min kɛla kaka, wo tenbira wola wɔli-fɔlɛnu na.

Lankɛnimayɛ 3:10

N bara a fɔ wo ye ko wo ni wo munyu. Wo ara wo bira min kɛ, nde fanan si wo latanka tɔrɔyɛ wo ma min bi nala duninya bɛɛ kuma. Tɔrɔyɛ wo si mɔgɛ bɛɛ kɔrɔbɔ dugu-kole kuma.