1 Samuwɛli 9:25 - ALLALA KUMƐ

²⁵ Anu bɔra nyɔ tumɛ min ka kɔnkɛ yigi ka ta soe burɔ Samuwɛli warɛ bɔn la, anu ya sa tinɛ rabɛn bɔn kuma. Sɔli kira sani nyɔ ha bandɛ kara.

1 Samuwɛli 9:25 ပူးပေါင်းရင်းမြစ်များ

2 Samuwɛli 11:2

Lunyɛ do wura dɛ fɛ, Mansa Dawuda ya a lasɔ kinɔgɔ rɔ. A tara sɔ ala san-bɔn kuma. A ye nyɔ tumɛ min, a ya musi do yen, a ye a kula. Musi wo kin dɔgɔma-ma-de!

Nihɛmaya 8:16

Woletɔ mɔgɛnu nara kɔlɔma-bolɔn wonu na ka lele wonu sɔ. Donu ya anutɛ sɔ anuta bon-ralɛɛnɛnu kuma. Donu ya anutɛ sɔ anuta lu-kɔndɛ rɔ. Donu ya anutɛ sɔ Mari Bato-Bon-kata burɔ. Donu ya anutɛ sɔ barɛnu tɔ minnu bi tarɛ don-da filɛ dafɛ. Don-dɛ wonu tɔgɛ le Yi anubɛ Ifɛrɛm.

Yɛrɛmaya 19:13

Yerusalɛmna bɔnnu anubɛ mansɛla bolon-sɛninyabɛlɛ si to iko Tofɛti kɛ. Wo ye mala le bawo wo ye yɛlɛla anuna bɔnnu kuma bɛsi-kɔ-tinɛ. Wo wa yɛlɛ nyɔ, wo si to lolenu kɔla ka isɛnti mintan anu ye nyɔ. Wo si minni-fannu ma sarakɛnu na wola bɛsɛnu ye nyɔ.”

Matiyu 10:27

N bi min fɔla wo ye pinpi rɔ, wo ni wo fɔ tun waan rɔ. Wo ara min namɔɛn n bolo dogɔn rɔ, wo ni wo fɔ gbɛ rɔ bɛɛ yala.

Matiyu 24:17

Ni min taranta ala bɔn kuma, hali a ma a bolo-fannu bi ala bɔn la tun.

Luka 5:19

Kɔnɔ anu ma ke kilɛ sɔrɔnna nyama bolo ka a ladon. Woletɔ anu yɛlɛta a la bɔn kuma ka woe sɔgɔ alako anu si a layigi nya min sanyili rɔ mɔgɛnu tɛma Yisa yakɔrɔ.

Kɛwɔlɛnu 10:9

Wo banda kɛ, anu gbɛrɛnnɛ Yapa soe ma tumɛ min, wo ya a taran, Pita ye Alla matara tinɛ bɔn kuma tele-latelan.

Tɔn-Fɔɛ-Fila-Nyɔgɛ 22:8

“Ni min ya ala bon-kurɛ sɔ min kumɛ ralɛɛnɛ, fɔ wo tigi ni sansan don ala bɔn kun tɛmɛ wo ma alako mɔgɔ kana bɔ porokɔlɔla nyɔ ka bui dugi ma ka faga. Ni do buira min bolo, wo ara ni-koe bi. Wo dunɛ si sigi ale kuma.

1 Samuwɛli 9:26

Bandɛ kanɛ, Samuwɛli ya Sɔli takele bɔn kuma, a ko, “I lakɔɛnma. N ni i masara.” Sɔli ya a lasɔ. Anubɛ Samuwɛli bɔra dɛ la anu nyɔgɔn fɛ.