1 Samuwɛli 9:1 - ALLALA KUMƐ

¹ Kei-malɔnnɛ do ye Bɛnyamɛ bɔnsɔn rɔ, ado fen bi a bolo fanan. A tɔgɛ le Kisa. A fa tɔgɛ le Abayɛli. A benba tɔgɛ le Sirɔri. Sirɔri wo fanan fa tɔgɛ le Bɛkɔrati. Bɛkɔrati wo fanan fa tɔgɛ le Afiya. Afiya kɛ, Bɛnyamɛ kegeyɛ do le ale la.

1 Samuwɛli 9:1 ပူးပေါင်းရင်းမြစ်များ

2 Samuwɛli 19:32

Basilayi kɛ, kɛmɔgɛ le ale la. A ara san bi-segin bɔ. Kɛmɔgɛ kɛ, nɔnfulu-tigi-wɛ le a la, ado Mansa Dawuda siginɛ Mahanayim soe burɔ tumɛ min, a ya dɔn-fen siyaman di a ma.

Ɛsita 2:5

Kei do ye Susa soe burɔ, Yahudiya le wo la. A tɔgɛ le Mɔdekɛyai. A fa tɔgɛ le Yeya. Wo fanan fa tɔgɛ le Simayi. Simayi fa fanan tɔgɛ le Kisi. Wonu bɔra Bɛnyamɛ bɔnsɔn-mɔgɛnu tɔ.

Yobu 1:3

Saga waga wɔrɔnfila (7,000) ye a bolo anubɛ nyomo waga sawa (3,000). Wo kɔma, sara-ninki waga kelen (1,000) taranta a bolo anubɛ sofɛlɛ kɛmɛ loli (500). Wo kɔma, wɔli-kɛ-den-siyaman bi a bolo duk! Mɔgɛ min bɛɛ ye Yorodan bɛ tele-bɔɛ wara la, ata fen-tigiyɛ kolo wonu bɛɛtɛ ko.

Kɛwɔlɛnu 13:21

Kɔnɔ anu nɔrɔta mansaya-koe ma min kɛ, Alla ya Kisila dan Sɔli di anu ma ka bɔ Bɛnyamɛ bɔnsɔn rɔ alako wo ni ma anuna mansɛ la. A tora mansayɛ la san bi-nani kɔrɔ.

1 Samuwɛli 10:23

Anu tara a bi tumɛ min ka na a sɔ mɔgɛnu tɛma, Isirɛla mɔgɛ bɛɛ dan le a kanban-kunyɛ la.

1 Samuwɛli 14:51

Mansa Sɔli fa tɔgɛ le Kisa. Nɛri anubɛ Kisa, kei-kelen-dan de wonu na. Anu fa tɔgɛ le Abiyɛli.

1 Samuwɛli 25:2

Kei do ye nyɔ rɔ Kelabu kebila-mɔgɛ do le. A tɔgɛ le Nebali. A siginɛ Meyɔn soe burɔ kɔnɔ dugi do ye a bolo Kamɛli soe dafɛ. Nɔnfulu-tigi le ale la. Saga waga sawa (3,000) ye a bolo. Baa waga kelen (1,000) bi a bolo fanan. Ala musi tɔgɛ le Abigɛli. Musi kɛ kin, ado a hɛnkili kolo. Kɔnɔ musi kɛla kei Nebali, a wunduyogo, ado a yisi lakala. Dawuda tora wulɛ le tɔ. A ya a lamɔɛn ko Nebali ye ala sagɛnu siyi matɛgɛla Kamɛli soe burɔ.